Romabii 1:21 - ŊMALƐ KRƆŊKRƆŊ LƐ

²¹ ejaakɛ amɛle Nyɔŋmɔ moŋ, shi amɛwooo ehiɛ nyam akɛ Nyɔŋmɔ, ni amɛdaaa lɛ shi hu, shi amɛfee shwɛm yɛ amɛjwɛŋmɔi amli, ni amɛtsui ni kɔɔɔ sane sɛɛ lɛ ewo duŋ.

Ṅmãle̱ Kroṅkroṅ Le̱

²¹ edšake̱ ame̱le Nyoṅmo̱ moṅ, ši ame̱woo ehĩe nyam ake̱ Nyoṅmo̱, ni ame̱daale̱ ši hũ, ši ame̱fe ſe̱m ye̱ ame̱dſẽṅmo̱i amli, ni *ame̱tšui ní ko̱o̱ sane se̱ le̱ wo duṅ. *Ef. 4,18.

Romabii 1:21 ပူးပေါင်းရင်းမြစ်များ

1 Mose 6:5

Be ni Yehowa na akɛ gbɔmɛi anɔfɔŋfeemɔ lɛ efa tsɔ yɛ shikpɔŋ lɛ nɔ, ni nibii ni amɛsusuɔ yɛ amɛyiŋ daa nɛɛ lɛ efɔŋ sɔŋŋ ni lɛ,

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

1 Maŋtsɛmɛi 20:23

Siria Maŋtsɛ Ben-Hadad tsuji lɛ kɛɛ lɛ akɛ, “Israelbii anyɔŋmɔi lɛ gɔji anɔ nyɔŋmɔi ni, no hewɔ ni amɛnine tsɔ̃ wɔnɔ lɛ. Shi hã wɔkɛ amɛ awu yɛ ŋa kplenee nɔ, koni okwɛ akɛ wɔnine tsɔŋ amɛnɔ lo?

2 Maŋtsɛmɛi 17:15

Amɛkwa ekpɔi lɛ kɛ ekpãŋmɔ ni ekɛ amɛtsɛmɛi lɛ kpãŋ lɛ, kɛ kɔkɔ ni ebɔ amɛ lɛ. Amɛyaja yakayaka amãgãi, ni amɛtsɔ̃mɔ yaka gbɔmɛi; ni amɛyanyiɛ jeŋmaji ni ebɔle amɛ kɛkpe ni Yehowa ewo amɛ kitã yɛ amɛhe akɛ amɛkafee amɛnii tamɔ amɛ lɛ asɛɛ.

Lalai 50:23

Mɔ ni shãa shidaa afɔle lɛ, eewo mihiɛ nyam. Mɔ ni baa ejeŋ jogbaŋŋ lɛ, mibahere eyiwala.

Lalai 81:12

No hewɔ lɛ, miŋmɛɛ amɛhe koni amɛhi shi yɛ amɛtsuiwalɛ lɛ mli, koni amɛhi shi bɔ ni amɛ diɛŋtsɛ amɛsumɔɔ.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Jajelɔ 7:29

Naa, nɔ ni kɛkɛ ni mina ji akɛ Nyɔŋmɔ bɔ gbɔmɔ adesa koni ehi shi krɔŋŋ; shi gbɔmɔ adesa ni eto ŋai srɔtoi.

Yesaia 60:2

Ejaakɛ naa, duŋ baaha shikpɔŋ lɛ nɔ, ni duŋ kpii aaaha majimaji lɛ anɔ. Shi bo lɛ, Yehowa la aaate lɛ shi aha bo, ni enunyam lɛ aaakpɛ yɛ onɔ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 17:9

Tsui yɔɔ nɛɛ elakaa mɔ fe nɔ fɛɛ nɔ; efite kwraa. Namɔ aaanu lɛ shishi?

Yeremia 2:5

Yehowa kɛɛ akɛ, “Mɛɛ tɔ̃mɔ nyɛtsɛmɛi lɛ na yɛ mihe; hewɔ ni amɛtse amɛhe yɛ mihe kɛtee flɛŋŋ, ni amɛyadi yakayakanii asɛɛ ni ehã amɛtsɔ̃mɔ yakayakanii nɛɛ?

Yeremia 9:14

Shi moŋ amɛkɛ kuɛŋtilɛ fee nɔ ni amɛ diɛŋtsɛ amɛsumɔɔ, ni amɛyaja Baal amãgã lɛ tamɔ bɔ ni amɛtsɛmɛi tsɔ̃ɔ amɛ akɛ amɛfee lɛ.”

Ezekiel 14:5

bɔ ni afee ni matsake Israelbii lɛ atsui, ejaakɛ amɛtsɔ̃ amɛmãgãi lɛ anɔ amɛtse amɛhe kɛje mihe.

Ezekiel 20:25

“No hewɔ lɛ, mi hu miwo amɛ mlai ni ehiii, kɛ akpɔi ni haŋ amɛna wala.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Yohane 3:19

Shi kojomɔ lɛ nɛ, akɛ la lɛ eba je lɛ mli, ni gbɔmɛi sumɔɔ duŋ lɛ moŋ fe la lɛ, ejaakɛ amɛnitsumɔi lɛ efɔ̃ɔji ni;

Bɔfoi 26:18

ni oyagbele amɛhiŋmɛii, koni amɛkpale kɛjɛ duŋ mli kɛba la he, kɛjɛ abonsam hewalɛ mli kɛba Nyɔŋmɔ ŋɔ̃ɔ, ni amɛna amɛhe eshaifaa kɛ gboshinii yɛ mɛi ni akɛ minɔ hemɔkɛyeli efee amɛ krɔŋkrɔŋ lɛ ateŋ.’ ”

Romabii 1:19

akɛni Nyɔŋmɔ he nii ni aaanyɛ ale lɛ yɛ faŋŋ hã amɛ, ejaakɛ Nyɔŋmɔ ejie etsɔ̃ɔ amɛ faŋŋ.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 11:10

Hã amɛhiɛ awo duŋ, ni amɛkana nii, ni ohã amɛdɔ kɔmɔɔ daa.”

Romabii 15:9

ni jeŋmaji lɛ awo Nyɔŋmɔ hiɛ nyam yɛ mɔbɔnalɛ hewɔ, tamɔ bɔ ni aŋma lɛ akɛ, “Enɛ hewɔ lɛ, majie oyi yɛ jeŋmaji ateŋ, ni matsi ogbɛi tã mala.”

5 Mose 28:29

Ooogbugbuu shi shwane fintiŋŋ tamɔ shwilafo ni yɔɔ duŋ mli be fɛɛ be. Obaatsɔ ogbutsɛ, ni onɔ ko nɔ ko kwraa shwereŋ, ni aaahi bo nyɔŋyeli kɛ ojotswaa sɔŋŋ kɛkɛ daa nɛɛ, ni onaŋ mɔ ko mɔ ko ni aaahere bo.

2 Timoteo 3:2

Ejaakɛ gbɔmɛi aaatsɔ̃mɔ hesuɔlɔi, shikasuɔlɔi, shwãlɔi, hewolɔi, mɔjɛlɔi, fɔlɔi anɔ toigbolɔi, trumui, mɛi ni he tseee,

1 Petro 1:18

Ejaakɛ nyɛle akɛ jeee nibii ni fiteɔ, tamɔ jwiɛtɛi loo shika, akɛkpɔ̃ nyɛ kɛjɛ nyɛyaka jeŋba ni nyɛna kɛjɛ nyɛtsɛmɛi lɛ aŋɔɔ lɛ mli;

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”