Romabii 1:16 - ŊMALƐ KRƆŊKRƆŊ LƐ

¹⁶ Ejaakɛ mihiɛ gbooo Kristo Sanekpakpa lɛ he, ejaakɛ eji Nyɔŋmɔ hewalɛ ni akɛhereɔ mɔ fɛɛ mɔ ni heɔ yeɔ lɛ yiwala, Yudanyo lɛ tsutsu kɛ Helanyo hu.

Ṅmãle̱ Kroṅkroṅ Le̱

¹⁶ Edšake̱ *mihĩe gboo Kristo sanekpakpa le̱ he, edšake̱ edši †Nyoṅmo̱ hewale̱, ní aṅō-hereo̱ mofẽmo ní heo̱ yeo̱ le̱ yiwala, Iudanyo le̱ tšutšu ke̱ Helanyo hũ. *Lal 119,46. †1 Kor. 1,18. 24. Bo̱f. 13,46.

Romabii 1:16 ပူးပေါင်းရင်းမြစ်များ

Lalai 110:2

Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Lalai 119:46

Majaje okpɔi lɛ yɛ maŋtsɛmɛi ahiɛ, ni mihiɛ gboŋ he;

Yesaia 53:1

Maŋbii lɛ to he akɛ, “Namɔ aaahe sane ni wɔnu lɛ eye? Ni namɔ Yehowa ejie ehewalɛ nine lɛ kpo etsɔɔ?

Yeremia 23:29

Ani miwiemɔ lɛ etamɔɔɔ la; ni etamɔɔɔ hamle ni jwaraa tɛsaa mli wɔtsɔwɔtsɔ lo?

Marko 8:38

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele yɛ yinɔbii gbãlãfitelɔi kɛ eshafeelɔi nɛɛ ateŋ lɛ, lɛ hu ehe aaafee Gbɔmɔ Bi lɛ hiɛgbele be ni eeeba yɛ eTsɛ anunyam lɛ mli kɛ bɔfoi krɔŋkrɔŋi lɛ.”

Luka 9:26

Ejaakɛ mɔ fɛɛ mɔ ni mi kɛ miwiemɔi lɛ ahe feɔ lɛ hiɛgbele lɛ, lɛ hu ehe aaafee Gbɔmɔ Bi lɛ hiɛgbele, be ni eeeba yɛ lɛ diɛŋtsɛ enunyam lɛ kɛ eTsɛ nɔ lɛ kɛ bɔfoi krɔŋkrɔŋi lɛ anɔ lɛ mli lɛ.

Yohane 7:35

No hewɔ lɛ, Yudafoi lɛ kɛɛkɛɛ amɛhe akɛ, “Nɛgbɛ mɔ nɛ baaya ni wɔnaŋ lɛ? Ani mɛi ni egbɛ eshwã Helabii lɛ ateŋ lɛ aŋɔɔ ebaaya, ni eyatsɔ̃ɔ Helabii lɛ anii?

Bɔfoi 3:26

Ni Nyɔŋmɔ tee etsulɔ Yesu lɛ shi lɛ, nyɛ tsutsu nyɛŋɔɔ etsu lɛ ni ebajɔɔ nyɛ ni ekpale nyɛteŋ mɔ fɛɛ mɔ kɛjɛ enifɔɔji anii lɛ ahe.”

Romabii 10:17

Belɛ hemɔkɛyeli lɛ, sane toiboo mli jɛɔ, ni sane toiboo hu tsɔ̃ɔ Nyɔŋmɔ wiemɔ lɛ nɔ kɛbaa.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Romabii 15:29

Ni mile akɛ, kɛ miba nyɛŋɔɔ lɛ, Kristo Sanekpakpa lɛ mli jɔɔmɔ falɛ mli maba yɛ.

Romabii 2:9

Amanehulu kɛ hejaramɔ aaaba gbɔmɔ fɛɛ gbɔmɔ ni tsuɔ nifɔɔjianii lɛ susuma nɔ, Yudanyo tsutsu kɛ Helanyo hu;

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

1 Korintobii 15:2

no akɛhereɔ nyɛyiwala hu, kɛ nyɛmɔ mli bɔ ni mijaje mitsɔ̃ɔ nyɛ lɛ; kɛjeee nakai lɛ nyɛhe nyɛye yakatswaa.

1 Korintobii 2:2

ejaakɛ mitooo miyiŋ akɛ male nɔ ko yɛ nyɛteŋ, akɛ ja Yesu Kristo, mɔ ni asɛŋ lɛ lɛ.

1 Korintobii 2:4

ni miwiemɔ kɛ mishiɛmɔ lɛ hu jeee gbɔmɛi anilee wiemɔi ni hãa mɔ yiŋ tsɔ̃ɔ mikɛshiɛ, shi moŋ wiemɔi ni jieɔ Nyɔŋmɔ Mumɔ lɛ hewalɛ kpo,

1 Korintobii 9:12

Kɛ maji krokomɛi yɛ nɛkɛ hegbɛ yɛ nyɛnɔ lɛ, ani wɔbɛ hegbɛ fe amɛ? Shi kɛ̃lɛ wɔfeee nɛkɛ hegbɛ nɛɛ he nɔ ko, shi moŋ wɔmiɔ ŋɔɔ yɛ nii fɛɛ mli, koni wɔkatsi Kristo Sanekpakpa lɛ gbɛ.

1 Korintobii 9:18

Agbɛnɛ mɛni ji minyɔmɔwoo mɔ? No ji akɛ, kɛ miijaje Sanekpakpa lɛ, majaje lɛ yaka ni miheee nɔ ko, bɔ ni afee ni mikafee nɔ ko tuutu yɛ mihegbɛ ni miyɔɔ yɛ Sanekpakpa lɛ mli lɛ he.

2 Korintobii 2:12

Shi be ni miba Troia ni mibashiɛ Kristo Sanekpakpa lɛ ni agbele gbɛ ahã mi yɛ Nuŋtsɔ lɛ mli lɛ,

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

2 Korintobii 9:13

Ejaakɛ odase kpakpa ni nɛkɛ sɔ̃ɔmɔ nɛɛ yeɔ lɛ hãa amɛwoɔ Nyɔŋmɔ hiɛ nyam yɛ ye ni nyɛyeɔ Kristo Sanekpakpa ni nyɛjajeɔ lɛ nɔ, kɛ mlihilɛ ni nyɛkɛyeɔ nyɛbuaa amɛ kɛ mɛi fɛɛ lɛ hewɔ,

Galatabii 1:7

shi jeee Sanekpakpa kroko ni, fe akɛ mɛi komɛi ni yɔɔ ni hãa nyɛjwɛŋmɔ futuɔ, ni amɛtaoɔ akɛ amɛtsɔ̃ Kristo Sanekpakpa lɛ hiɛ amɛbu shi.

1 Tesalonikabii 2:13

Enɛ hewɔ ni wɔ hu wɔdaa Nyɔŋmɔ shi ni wɔfɔ̃ɔɔ lɛ, ejaakɛ be ni nyɛnine shɛ Nyɔŋmɔ wiemɔ ni nyɛnu yɛ wɔnaa lɛ nɔ lɛ, nyɛmɔ mli akɛ Nyɔŋmɔ wiemɔ, tamɔ bɔ ni eji hu lɛɛlɛŋ lɛ, shi jeee akɛ gbɔmɛi awiemɔ ko. Wiemɔ nɛɛ tsuɔ hewalɛ nii yɛ nyɛ ni nyɛheɔ nyɛyeɔ lɛ nyɛmli.

1 Timoteo 1:11

yɛ Nyɔŋmɔ ni ajɔɔ lɛ lɛ anunyam Sanekpakpa ni atu awo midɛŋ lɛ naa.

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

2 Timoteo 1:16

Nuŋtsɔ lɛ ana Onesiforo we lɛ mɔbɔ, ejaakɛ ebahãa mi tsui kpitiokpitio, ni ehiɛ gbooo mikɔ̃sɔ̃ŋkɔ̃sɔ̃ lɛ he;

2 Timoteo 1:8

No hewɔ lɛ, ohiɛ akagbo yɛ wɔNuŋtsɔ lɛ he odaseyeli lɛ he aloo yɛ mi ni mi ji egboklɛfonyo lɛ he, shi moŋ naa Sanekpakpa lɛ he amanehulu lɛ eko yɛ Nyɔŋmɔ hewalɛ naa.

Hebribii 4:12

Ejaakɛ Nyɔŋmɔ wiemɔ hiɛ kã ni eyɛ hewalɛ ni enaa ba fe klante kɛ enaa nta, ni egbuɔ kɛboteɔ mli aahu kɛyashɛɔ susuma kɛ mumɔ lɛ, kɛ talɔi kɛ wuiaŋfɔi lɛ akpeehei lɛ ni eji tsuiiaŋ susumɔi kɛ jwɛŋmɔi lɛ akojolɔ.

1 Petro 4:16

Shi kɛ mɔ ko na amanehulu akɛ Kristofonyo lɛ, ehiɛ akagbo, shi moŋ ewo Nyɔŋmɔ hiɛ nyam ejaakɛ ehiɛ Kristo gbɛi.