Romabii 1:14 - ŊMALƐ KRƆŊKRƆŊ LƐ

¹⁴ Mihiɛ Helabii kɛ jekɔ̃ji, nilelɔi kɛ mɛi ni leee nii fɛɛ anyɔmɔ.

Ṅmãle̱ Kroṅkroṅ Le̱

¹⁴ Mihĩe Helabii ke̱ dšekõdši, nilelo̱i ke̱ mei ní lee nii fẽ nyōmo̱.

Romabii 1:14 ပူးပေါင်းရင်းမြစ်များ

Abe̱i 1:22

Oo, nyɛ mɛi ni nyɛjwɛŋmɔ naa waaa, mɛɛ beyinɔ nɔŋŋ nyɛaahiɛ nyɛkwashiafeemɔ nɛɛ mli kɛyashi? Ni mɛɛ beyinɔ nɔŋŋ kwashiai hu aaanyɛ nilee kɛyashi?

Abe̱i 8:5

Oo, nyɛ mɛi ni nyɛnako jwɛŋmɔ, nyɛkasea hiɛtɛ̃ɛ. Oo, nyɛ hii kwashiai hu, nyɛboa toi jogbaŋŋ.

Yesaia 35:8

Gbɛjegbɛ aaakã jɛi, ni aaatsɛ gbɛ lɛ, “Gbɛ Krɔŋkrɔŋ.” Mɔ ko ni he tseee enyiɛŋ nɔ, ni kwashiai tete eduŋ gbɛ yɛ nɔ.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Luka 10:21

Nakai ŋmɛlɛtswaa lɛ nɔ lɛ Yesu mli fili lɛ yɛ Mumɔ Krɔŋkrɔŋ lɛ mli ni ekɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ oŋɔ nii nɛɛ otee nilelɔi kɛ jwɛŋlɔi, ni ojie otsɔ̃ɔ abifabii; hɛɛ, Ataa, ejaakɛ nakai sa ohiɛ.

Bɔfoi 22:21

Ni ekɛɛ mi akɛ, ‘Yaa, ejaakɛ mibatsu bo jeŋmaji lɛ ni yɔɔ shɔŋŋ lɛ aŋɔɔ.’ ”

Bɔfoi 28:2

Jɛibii lɛ fee wɔ ejurɔ pii, ejaakɛ amɛshɛre la, ni amɛhere wɔ fɛɛ tswɛm hiɛmɛɛ yɛ nunɛmɔ babaoo kɛ fɛ̃i lɛ hewɔ.

Bɔfoi 28:4

Be ni jɛibii lɛ na kooloo lɛ kpɛtɛ enine he lɛ, amɛkɛɛkɛɛ amɛhe akɛ, “Bɔ fɛɛ bɔ ni fee lɛ, nɛkɛ nuu nɛɛ awuyelɔ ni, ni ahere eyiwala kɛjɛ ŋshɔ lɛ mli moŋ nɛ, shi oweletɔɔ eŋmɛ̃ɛɛ lɛ gbɛ ni eyi ana wala.”

Bɔfoi 9:15

Shi Nuŋtsɔ lɛ kɛɛ lɛ akɛ, “Yaa, ejaakɛ mɔ nɛ ji midɛŋ dade ni mihala mihã mihe koni ehiɛ migbɛi lɛ kɛya jeŋmaji lɛ kɛ maŋtsɛmɛi kɛ Israelbii lɛ hu ahiɛ.

Romabii 1:22

Amɛtsɛ amɛhe nilelɔi, shi amɛtsɔ̃mɔ kwashiai,

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 12:16

Nyɛjwɛŋjwɛŋa nyɛhe jwɛŋmɔ kome; nyɛkajwɛŋa henɔwomɔ jwɛŋmɔ, shi moŋ nyɛkɛ heshibalɔi lɛ abɔa. Nyɛkabua nyɛhe nilelɔi.

Romabii 13:8

Nyɛkahiɛa mɔ ko mɔ ko nyɔmɔ, akɛ ja suɔmɔ ni nyɛkɛaasumɔsumɔ nyɛhe lɛ; ejaakɛ mɔ ni sumɔɔ enaanyo lɛ eye Mla lɛ nɔ kɛwula shi.

Romabii 16:19

Shi nyɛtoiboo lɛ mɛi fɛɛ enu he; no hewɔ lɛ, mina nyɛhe miishɛɛ; shi miisumɔ akɛ nyɛfee nyɛhe nilelɔi yɛ ekpakpa gbɛfãŋ; shi efɔŋ gbɛfaŋ lɛ, mɛi ni leee nɔ ko.

Romabii 8:12

No hewɔ lɛ, agbɛnɛ, anyɛmimɛi, nyɔjiatsɛmɛi ji wɔ, shi jeee heloo lɛ nyɔmɔ wɔhiɛ ni wɔɔhi shi yɛ heloo naa.

1 Korintobii 14:11

Shi kɛji minaaa wiemɔ lɛ shishi lɛ, belɛ mibatsɔ̃ mɔkpɔŋ yɛ mɔ ni wieɔ lɛ hiɛ, ni mɔ ni wieɔ lɛ hu baatsɔ mɔkpɔŋ yɛ mihiɛ.

1 Korintobii 14:16

Ejaakɛ kɛ okɛ mumɔ miijɔɔ lɛ, te aaafee tɛŋŋ ni mɔ ni leee mli eko lɛ aahere oshidaa lɛ nɔ akɛ “Amen”, akɛni eleee nɔ ni okɛɔ lɛ?

1 Korintobii 2:13

Nomɛi hu wɔwieɔ, jeee wiemɔi ni gbɔmɛi anilee tsɔ̃ɔ wɔwieɔ, shi moŋ wiemɔi ni Mumɔ lɛ tsɔ̃ɔ, ni wɔkɛ mumɔŋnii toɔ mumɔŋnii ahe.

1 Korintobii 3:18

Mɔ ko akalaka lɛ diɛŋtsɛ ehe. Kɛji mɔ ko susuɔ akɛ nilelɔ ji lɛ yɛ nyɛteŋ yɛ je nɛɛ mli lɛ, efee ehe kwashia, koni etsɔ̃ nilelɔ.

2 Korintobii 10:12

Ejaakɛ wɔkaaa akɛ wɔɔbu wɔhe wɔshi mɛi komɛi ni jieɔ amɛhe yi lɛ anɔ, aloo akɛ wɔkɛ wɔhe aaato amɛhe. Amɛ lɛ, akɛni amɛkɛ amɛ diɛŋtsɛ amɛhe susuɔ amɛ diɛŋtsɛ amɛhe ni amɛkɛ amɛ diɛŋtsɛ amɛhe toɔ amɛ diɛŋtsɛ amɛhe hewɔ lɛ, amɛyooo sɛɛ.

2 Korintobii 11:19

Akɛni nyɛ diɛŋtsɛ lɛ nilelɔi ji nyɛ hewɔ lɛ, nyɛkɛ miishɛɛ toɔ nyɛtsui shi nyɛhãa mɛi ni bɛ yitseiaŋ;

Kolosebii 3:11

Enɛ mli lɛ Helanyo kɛ Yudanyo, ketiafolɔ kɛ foolɔ, gbɔ, Sikitianyo, nyɔŋ kɛ odehe ko bɛ dɔŋŋ, shi moŋ Kristo ji nii fiaa yɛ mɛi fɛɛ mli.

2 Timoteo 2:10

Enɛ hewɔ lɛ, mimiaa mihiɛ yɛ saji fɛɛ amli yɛ mɛi ni ahala amɛ lɛ ahewɔ, koni amɛ hu amɛnine ashɛ yiwalaheremɔ ni yɔɔ Kristo Yesu mli lɛ kɛ naanɔ anunyam lɛ nɔ.

Tito 3:3

Ejaakɛ sa lɛ, wɔ hu wɔfee wɔhe kwashiai, toigbolɔi, gbɛdulɔi, mɛi ni sɔmɔɔ akɔnɔi kɛ miishɛɛ nibii srɔtoi pii. Ni wɔba wɔjeŋ yɛ nifɔɔjianifeemɔ kɛ hetsɛ̃ mli, wɔhe yɛ taŋ, ni wɔnyɛnyɛɔ wɔhe.