Romabii 1:13 - ŊMALƐ KRƆŊKRƆŊ LƐ

¹³ Shi anyɛmimɛi, miisumɔ akɛ nyɛle akɛ mifɔɔ miyiŋtoo akɛ maba nyɛŋɔɔ, koni mibana yibii komɛi yɛ nyɛ hu nyɛteŋ, tamɔ mina yɛ jeŋmaji krokomɛi lɛ ateŋ lɛ.

Ṅmãle̱ Kroṅkroṅ Le̱

¹³ Ši anyemimei, mīsumo̱ ake̱ nyele ake̱ mifo̱ō̱ miyiṅtō ake̱ maba nyeṅõ, koni mibaná yibii komei ye̱ nye hũ nyeteṅ, tamo̱ bo̱ni miná ye̱ dšeṅmãdši krokomei le̱ ateṅ le̱ (ši atšĩ minā ke̱-baši be ne̱).

Romabii 1:13 ပူးပေါင်းရင်းမြစ်များ

Yesaia 27:6

Wɔsɛɛ ko lɛ Israel aaatsɛ̃rɛ̃ fãi tamɔ tso, ni Israel aaagba afofro hu, ni eyibii aaayi jeŋ fɛɛ.

Yohane 12:24

Anɔkwale mikɛɔ nyɛ akɛ, kɛ ŋmaa kuli enyɔɔɔ shikpɔŋ ni egbo lɛ, no lɛ eyɛ akɛ ŋmaa kuli kome lɛ nɔŋŋ; shi kɛji egbo lɛ, ewoɔ yibii pii.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Yohane 4:36

Ni mɔ ni kpaa lɛ naa enyɔmɔwoo, ni ebuaa yibii anaa etoɔ naanɔ wala, koni mɔ ni duɔ lɛ kɛ mɔ ni kpaa lɛ fɛɛ anya shi kome.

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Bɔfoi 14:27

Shi be ni amɛba jɛi ni amɛbabua asafo lɛ naa lɛ, amɛgba amɛ nii ni Nyɔŋmɔ kɛ amɛ eyatsu lɛ fɛɛ, kɛ bɔ ni egbele gbɛ ehã jeŋmaji lɛ ni amɛhe amɛye lɛ.

Bɔfoi 15:12

Kɛkɛ ni asafo muu lɛ fɛɛ fee diŋŋ ni amɛbo Barnaba kɛ Paulo ni gbaa amɛ okadii kɛ naakpɛɛnii abɔ ni Nyɔŋmɔ tsɔ̃ amɛnɔ efee yɛ jeŋmaji lɛ amli lɛ atoi.

Bɔfoi 19:21

Nii nɛɛ asɛɛ lɛ, Paulo to eyiŋ yɛ mumɔ lɛ mli akɛ eeeyatsɔ̃ Makedonia kɛ Akaia kɛya Yerusalɛm, ni ekɛɛ, “Kɛji mishɛ jɛi lɛ, ja miyakwɛ Roma hu.”

Bɔfoi 21:19

Eŋa amɛ, ni egba amɛ nibii ni Nyɔŋmɔ tsɔ̃ esɔ̃ɔmɔ lɛ nɔ etsu yɛ jeŋmaji lɛ ateŋ lɛ ekomekome.

Bɔfoi 28:14

Jɛi wɔbana nyɛmimɛi komɛi yɛ; ni amɛkpa wɔ fai akɛ wɔkɛ amɛ ahi shi gbii kpawo. Kɛkɛ ni wɔyashɛ Roma.

Romabii 1:12

no ji akɛ, atsɔ̃ nyɛhemɔkɛyeli nɔ ashɛje mimii, ni atsɔ̃ mi hu minɔ lɛ nɔ ashɛje nyɛmii.

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 7:1

Aloo nyɛleee, anyɛmimɛi, mɛi ni le Mla mikɛwieɔ nɛɛ, akɛ Mla lɛ yeɔ gbɔmɔ nɔ be mli ni eyɔɔ wala mli lɛ kɛkɛ?

1 Korintobii 1:10

Shi, anyɛmimɛi, miikpa nyɛ fai yɛ wɔNuŋtsɔ Yesu Kristo gbɛi mli, akɛ nyɛnaabu afee ekome ni mligbalamɔi akaba nyɛteŋ, shi moŋ nyɛ fɛɛ nyɛhiɛa jwɛŋmɔ kome kɛ susumɔ kome.

1 Korintobii 10:1

Shi, anyɛmimɛi, misumɔ̃ɔɔ akɛ nyɛhiɛ aje nɔ akɛ wɔtsɛmɛi lɛ fɛɛ hi atatu lɛ shishi, ni amɛ fɛɛ amɛfo Ŋshɔ Tsuru lɛ,

1 Korintobii 12:1

Agbɛnɛ, anyɛmimɛi, miisumɔ akɛ mahã nyɛle mumɔŋnii ahe nɔ ko.

1 Korintobii 14:20

Anyɛmimɛi, nyɛkafea nyɛhe gbekɛbii yɛ jwɛŋmɔ gbɛfãŋ. Efɔŋ gbɛfãŋ lɛ, nyɛfea nyɛhe abifabii; shi jwɛŋmɔ gbɛfãŋ lɛ, nyɛfea nyɛhe mɛi ni edara.

1 Korintobii 14:26

Belɛ te tɛŋŋ, anyɛmimɛi? Kɛ nyɛnaa bakpe shi ni nyɛteŋ mɔ ko yɛ lala ko, mɔ ko hu yɛ tsɔ̃ɔmɔ ko, mɔ ko yɛ kpojiemɔ ko, mɔ ko yɛ wiemɔ srɔto ko, mɔ ko yɛ shishitsɔɔmɔ ko lɛ, afee fɛɛ bɔ ni mɛi anane aaamɔ shi.

1 Korintobii 9:2

Kɛji mijeee bɔfo mihãaa mɛi krokomɛi lɛ, nyɛ lɛ mi ji bɔfo mihã nyɛ, ejaakɛ nyɛ ji mibɔfo nitsumɔ lɛ naasɔomɔnɔ yɛ Nuŋtsɔ lɛ mli.

2 Korintobii 1:8

Ejaakɛ anyɛmimɛi, wɔsumɔɔɔ akɛ wɔkɛ wɔmanehului ni wɔna yɛ Asia lɛ atee nyɛ, akɛ wɔna nɔ tsɔ̃ fe bɔ ni wɔɔnyɛ po, ni wɔhiɛ kãaa wala nɔ tete,

2 Korintobii 2:14

Shi shidaa ahã Nyɔŋmɔ, mɔ ni tsɔ̃ɔ Yesu Kristo nɔ nyiɛɔ wɔhiɛ be fɛɛ be yɛ ekunimyeli lɛ mli lɛ, ni etsɔ̃ɔ wɔnɔ ehãa enilee ŋmajee lɛ jeɔ kpo yɛ he fɛɛ he lɛ.

Galatabii 3:15

Anyɛmimɛi, miiwie lɛ gbɔmɛiaŋ: gbɔmɔ kpãŋmɔ tete, kɛji akpɛlɛ̃ nɔ lɛ, mɔ ko kwaaa, ni asaŋ mɔ ko kɛ nɔ ko fataaa he.

Galatabii 6:18

WɔNuŋtsɔ Yesu Kristo dromɔ lɛ kɛ nyɛmumɔ lɛ ahi shi, anyɛmimɛi. Amen.

Filipibii 1:22

Shi kɛji wala yɛ heloo nɛɛ mli hãa mitsuɔ nii ni woɔ yibii lɛ, mileee emli nɔ ni makɔ;

Filipibii 4:17

Jeee akɛ nikeenii mitaoɔ; shi moŋ miitao yibii ni baahã nyɛkɔntaa lɛ afa.

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

Kolosebii 1:6

Sanekpakpa lɛ eshɛ nyɛŋɔɔ tamɔ bɔ nɔŋŋ ni eyɔɔ yɛ jeŋ muu lɛ fɛɛ mli, ni eewo yibii ni eeshwere, tamɔ bɔ ni efeɔ yɛ nyɛ hu nyɛteŋ kɛjɛ gbi nɔ ni nyɛnu ni nyɛna nyɛle Nyɔŋmɔ dromɔ lɛ yɛ anɔkwale mli lɛ.

1 Tesalonikabii 2:18

Hewɔ lɛ wɔtao akɛ wɔba nyɛŋɔɔ, mi Paulo, mitao akɛ maba shi kome kɛ shii enyɔ fɛɛ shi Satan tsĩ wɔ gbɛ.

1 Tesalonikabii 4:13

Shi, anyɛmimɛi, wɔmiisumɔ akɛ nyɛle mɛi ni ewɔ lɛ ahe sane, koni nyɛkaye ŋkɔmɔ tamɔ mɛi ni eshwɛ ni bɛ hiɛnɔkãmɔ ko lɛ.

2 Tesalonikabii 2:7

Ejaakɛ mlakwamɔ teemɔsane lɛ miitsu nii momo, shi kɛyashi mɔ ni tsɔ̃ɔ lɛ gbɛ lɛ aaaje jɛi kɛkɛ.

2 Timoteo 4:17

Shi Nuŋtsɔ lɛ fi misɛɛ ni ewo mi hewalɛ, koni atsɔ̃ minɔ ashiɛ shiɛmɔ muu lɛ fɛɛ, ni jeŋmaji lɛ fɛɛ anu; ni ajie mi yɛ jata lɛ daaŋ.