Kpojiemɔ 9:20 - ŊMALƐ KRƆŊKRƆŊ LƐ

²⁰ Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.

Ṅmãle̱ Kroṅkroṅ Le̱

²⁰ Ni gbomei ní ſe̱ ní agbeeame̱ ye̱ ne̱ke̱ haomo̱i ne̱ amli le̱, *ame̱tsakee ame̱tšui ke̱-dše̱e̱ amenine nā nitšumo̱i le̱ ahe, koni †ame̱fõ daimonioi ke̱ šika ke̱ dſie̱te̱i ke̱ ayawa ke̱ te̱ ke̱ tšo-amãgãi ní enaa nii ni ame̱nuu nii ni ame̱nyẽẽ amenyie le̱ adšámo̱; *16,9. 11. 21. †1 Kor. 10,20.

Kpojiemɔ 9:20 ပူးပေါင်းရင်းမြစ်များ

2 Maŋtsɛmɛi 22:17

Akɛni amɛkwa mi, ni amɛyashã tsofakɛŋma amɛhã nyɔŋmɔi krokomɛi, ni amɛkɛ amɛninenaa nitsumɔi lɛ ewo mimli la hewɔ lɛ, mimli baawo la awo Yerusalɛm naakpa.’

2 Kronika 28:22

Shi efimɔ be nɛɛ mli lɛ Maŋtsɛ Ahaz kã he moŋ egbo Yehowa nɔ toi fe tsuutsu lɛ.

2 Kronika 34:25

Akɛni amɛkwa mi’, ni amɛyashã tsofakɛŋma amɛkɛhã jemawɔji; ni amɛkɛ amɛnifeemɔnii ewo mimli la hewɔ lɛ, mimli efu maŋ nɛɛ naakpa diɛŋtsɛ bɔ ni enaa la gboŋ.

Lalai 106:37

Amɛŋɔ amɛbihii kɛ amɛbiyei lɛ, amɛkɛshãshãa afɔlei amɛhã wɔji.

Yesaia 2:8

Amɛshikpɔŋ lɛ nɔ eyi tɔ kɛ yakayaka amãgãi, ni amɛkotoɔ shi amɛjaa amɛninenaa nitsumɔnii, nii ni amɛkɛ amɛ diɛŋtsɛ amɛniji fee lɛ.

Yesaia 41:7

Kapintafonyo woɔ shikaŋaalɔ ekãa, ni mɔ ni kɛ hamle jajeɔ nii ahiɛ lɛ hu feɔ mɔ ni tswiaa nii yɛ sɔ̃ŋmɛtɛ nɔ nakai nɔŋŋ. Ekɛɔ yɛ nii ni asɔ̃ɔ lɛ he akɛ ‘Ehi!’ Ni amɛkalaa mli plɛkoo koni ekakpɔ!

Yeremia 1:16

Mibagbala miwebii lɛ atoi yɛ amɛnifɔ̃ɔjianii lɛ hewɔ akɛni amɛkwa mi, ni amɛyashã tsofakɛŋmai amɛhã nyɔŋmɔi krokomɛi, ni amɛkɛ amɛniji efee amãgãi, ni amɛja amɛ.

Yeremia 25:6

Nyɛkasɔ̃mɔa ni nyɛkajaa nyɔŋmɔi krokomɛi, asaŋ nyɛkɛ nyɛniji akafee amãgãi ni nyɛja amɛ nyɛkɛwo mimli la, ni mifee nyɛ efɔŋ.’

Yeremia 44:8

Mɛɛba nyɛkɛ nyɛninenaa nitsumɔi woɔ mimli la? Nyɛshãa tsofakɛŋma nyɛhãa nyɔŋmɔi krokomɛi yɛ Ijipt shikpɔŋ nɔ he ni nyɛba nyɛbato gbɔ yɛ lɛ ni nyɛhiɛ akpãtã bɔ ni afee ni jeŋ majimaji lɛ abɔ nyɛ ahora, ni atsɛ nyɛ gbɛi akɛlomɔ lo?

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Yeremia 51:17

Adesa lɛ kwashia ni, enilee faaa; shikaŋaalɔ fɛɛ shikaŋaalɔ hiɛ egbo, yɛ amãgãi ni efee lɛ ahewɔ; lakamɔ nibii ni, ni mumɔ bɛ amɛmli.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 5:4

Be ni amɛnuɔ dãa lɛ, amɛkafo nyɔŋmɔi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ fɛɛ.

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

Mika 5:13

Mafite omãgãi lɛ kɛ owɔŋtɛi lɛ, ni ojaŋ nibii ni okɛ oniji fee lɛ dɔŋŋ.

Mateo 21:32

Ejaakɛ Yohane ba nyɛŋɔɔ yɛ jalɛ gbɛ lɛ nɔ, ni nyɛ lɛ nyɛheee lɛ nyɛyeee; shi tóohelɔi kɛ ajwamãŋi lɛ he lɛ amɛye. Ni fee sɛɛ, be ni nyɛyoo hu lɛ, nyɛshwaaa nyɛhe tete, koni nyɛhe lɛ nyɛye.”

Bɔfoi 17:29

Shi kɛ Nyɔŋmɔ shwiei ji wɔ lɛ, esaaa akɛ wɔsusuɔ akɛ Nyɔŋmɔ su lɛ tamɔ shika loo jwiɛtɛi loo tɛ ko ni gbɔmɔ kɛ eŋaa kɛ ejwɛŋmɔ fee.

Bɔfoi 19:26

Ni nyɛsaa nyɛmiina ni nyɛmiinu akɛ jeee Efeso nɛɛ kɛkɛ, shi moŋ shwɛ fioo ni Asia fɛɛ lɛ, Paulo nɛɛ ehã mɛi babaoo ayiŋ etsɔ̃, ni ekpale amɛ; ekɛɔ akɛ nii ni akɛ niji fee lɛ jeee nyɔŋmɔi ni.

Bɔfoi 7:41

Nakai be lɛ mli amɛfee tsinabi amãgã, ni amɛshã afɔle amɛhã lɛ, ni amɛna amɛ diɛŋtsɛ amɛnine naa nitsumɔi lɛ ahe tsuijurɔ.

2 Korintobii 12:21

ni misaa miishe gbeyei akɛ kɛ miba ekoŋŋ lɛ, miNyɔŋmɔ lɛ aaaba mi shi yɛ nyɛhiɛ, ni maye ŋkɔmɔ mahã mɛi ni efee esha sa ni amɛtsakeee amɛtsui lɛ ateŋ mɛi pii, yɛ amɛmujinii kɛ ajwamãŋbɔɔ kɛ nyɛnyɛŋtswibɔɔ lɛ hewɔ.

5 Mose 31:29

Ejaakɛ mile faŋŋ akɛ migbele sɛɛ lɛ, nyɛbaafite kwraa, ni nyɛbaŋ nyɛjeŋ bɔ ni mitsɔ̃ɔ nyɛ lɛ. No hewɔ lɛ, wɔsɛɛ aahu lɛ, efɔŋ ji nɔ ni baaba nyɛnɔ, ejaakɛ nyɛbaafee efɔŋ yɛ Yehowa hiɛ; ni nyɛkɛ nyɛnifeemɔnii baawo emli la.”

5 Mose 32:17

Amɛshã afɔlei amɛhã nyɔŋmɔi ni jeee nɔ ko nɔ ko, nyɔŋmɔi ni amɛleee, kɛ nyɔŋmɔi hei ni akɛba etsɛko, nii ni nyɛtsɛmɛi lɛ sheko amɛ gbeyei dã.

5 Mose 4:28

“Nyɛbaaya nyɛyaja nyɔŋmɔi ni ji tsei kɛ tɛi ni gbɔmɔ kɛ enine fee; amɛnaaa nii lɛ, amɛnuuu nii hu, amɛyeee nii, ni amɛnuuu nii fu hu.

1 Timoteo 4:1

Shi Mumɔ lɛ kɛɔ faŋŋ akɛ naagbee gbii lɛ amli lɛ mɛi komɛi aaakwa hemɔkɛyeli lɛ, ni amɛaabo lakamɔ mumɔi kɛ mumɔi fɔ̃ji atsɔ̃ɔmɔi atoi

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 16:8

Ni bɔfo ni ji ejwɛ lɛ fɔse etɔ lɛ mli nii lɛ eshwie hulu nɔ; ni ahã lɛ hewalɛ ni ekɛ la ashã gbɔmɛi.

Kpojiemɔ 9:19

Ejaakɛ okpɔŋɔi lɛ ahewalɛ yɛ amɛdaaŋ kɛ amɛleii amli, ejaakɛ amɛleii lɛ tamɔ onufui aleii, ni yitsei yɛ he, ni nomɛi amɛkɛfeɔ efɔŋ.

Kpojiemɔ 9:21

Ni asaŋ amɛtsakeee amɛtsui yɛ amɛgbɔmɔgbee kɛ amɛsuu kɛ amɛjwamaŋbɔɔ kɛ amɛjuu lɛ ahe.