Kpojiemɔ 9:2 - ŊMALƐ KRƆŊKRƆŊ LƐ

² Ni egbele bu kwɔŋkwɔŋ lɛ naa, ni lasu te shi kɛjɛ bu lɛ mli tamɔ flɔɔnɔɔ kpeteŋkple mli lasu, ni hulu kɛ atatuiaŋ wo duŋ yɛ bu lɛ mli lasu lɛ hewɔ.

Ṅmãle̱ Kroṅkroṅ Le̱

² Ni egble bu kwo̱ṅkwo̱ṅ le̱ nā, ni lasũ te ši ke̱-dše̱ bu le̱ mli tamo̱ flõnõ kpeteṅkple mli lasũ, ni *hũlũ ke̱ atatuiaṅ wo duṅ ye bu leṅ lasũ le hewo̱. *Ioel 2,2. 10.

Kpojiemɔ 9:2 ပူးပေါင်းရင်းမြစ်များ

1 Mose 15:17

Ni be ni hulu enyɔ shi ni hiɛ ebu lɛ, naa, kukwɛi kɛ emli la ni miifã lasu kɛ kɔti ni miitso gboŋaa batsɔ̃ loi fãfãafãi lɛ ateŋ kɛho.

1 Mose 19:28

ni etsɔ ehiɛ ehã Sodom kɛ Gomora gbɛ kɛ jɔɔ shikpɔŋ lɛ fɛɛ, ni ekwɛ, ni naa, lasu miifã kɛmiijɛ shikpɔŋ lɛ nɔ tamɔ flɔnɔɔŋ lasu.

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

Yesaia 14:31

Nyɛ Filistia maji fɛɛ, nyɛwoa yara; nyɛbolɔa, nyɛfoa, nyɛtsui afãa, ejaakɛ lasu ko efã kɛjɛ kooyigbɛ; ni tabilɔi ni baa lɛ, yakagbɔmɔ ko bɛ amɛteŋ.

Daniel 3:6

Mɔ fɛɛ mɔ ni kulaaa shi koni eja amãgã lɛ, nakai ŋmɛlɛtswaa lɛ mli nɔŋŋ lɛ abaashɛ lɛ afɔ̃ flɔnɔɔ kɛ emli la ni miitso grigri mli.”

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Yoel 2:30

“Mahã ana gbi lɛ he okadii yɛ ŋwɛi kɛ shikpɔŋ lɛ nɔ, láshishwiemɔ kɛ la kɛ lasu kpɔŋŋ.

Bɔfoi 2:19

Ni mahã naakpɛɛnii aba ŋwɛi, ni okadii hu aba shikpɔŋ lɛ nɔ, lá kɛ la kɛ lasu lamɔ.

Kpojiemɔ 14:11

Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Kpojiemɔ 16:10

Ni bɔfo ni ji enumɔ lɛ fɔse etɔ lɛ mli nii lɛ eshwie kooloo lɛ maŋtsɛ sɛ̃i lɛ nɔ, ni emaŋtsɛyeli lɛ wo duŋ, ni gbɔmɛi kɔ̃mɔ amɛlilɛii yɛ nɔnaa lɛ hewɔ.

Kpojiemɔ 8:12

Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.

Kpojiemɔ 9:1

Ni bɔfo ni ji enumɔ lɛ kpã etɛtrɛmantrɛ lɛ, ni mina ŋulami ko jɛ ŋwɛi bagbee shikpɔŋ lɛ nɔ, ni akɛ bu kwɔŋkwɔŋ lɛ naa samfee lɛ hã lɛ.

Kpojiemɔ 9:11

Ni amɛnɔ maŋtsɛ ji bu kwɔŋkwɔŋ lɛ bɔfo lɛ, ni atsɛɔ egbɛi yɛ Hebri wiemɔ lɛ mli akɛ Abadon, ni Hela wiemɔ lɛ mli lɛ atsɛɔ egbɛi akɛ Apolion.

Kpojiemɔ 9:17

Ni bɔ ni mina okpɔŋɔi lɛ kɛ amɛnɔtaralɔi lɛ yɛ ninaa lɛ mli nɛ: amɛwo damai ni hiɛ là kɛ safiro kɛ swɔɔ su; ni okpɔŋɔi lɛ ayitsei tamɔ jatai ayitsei, ni là kɛ lasu kɛ swɔɔ fãa kɛjɛɔ amɛdaaŋ.