Kpojiemɔ 8:7 - ŊMALƐ KRƆŊKRƆŊ LƐ

⁷ Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.

Ṅmãle̱ Kroṅkroṅ Le̱

⁷ Ni kleṅkleṅ bo̱fo le̱ kpá, ni *nyoṅmo̱ṅte̱ ke̱ la ni lá futu mli ba ni ebaſĩe šikpoṅ le̱ no̱, ni šikpoṅ le̱ mlidšāi etẽ mli ekome šã, ni tšei amlidšāi etẽ mli ekome šã, ni dſe̱fo̱ fẽ šã. *2 Mose 9,23-26.

Kpojiemɔ 8:7 ပူးပေါင်းရင်းမြစ်များ

Lalai 105:32

Ehã nyɔŋmɔŋtɛ nɛ yɛ nu najiaŋ; ni srawa gbala yɛ amɛshikpɔŋ lɛ nɔ hei fɛɛ.

2 Mose 9:33

Kɛkɛ ni Mose shi Farao, ni eje maŋ lɛ mli hu, ni ehole eniji anɔ etsɛ Yehowa. Kɛkɛ ni ŋwɛi shiimɔ lɛ kɛ nyɔŋmɔŋtɛi lɛ asɛɛ fo, ni nu lɛ kpa shikpɔŋ lɛ nɔ nɛmɔ.

Yesaia 28:2

Naa, Nuŋtsɔ lɛ yɛ hewalɔ kɛ kãkãlɔ ko; etamɔ nyɔŋmɔŋtɛ ni miinɛ kɛ ahum ni kpãtãa nii ahiɛ; etamɔ nu ni eje ŋa ni eeho boboobo, ni ekɛ ehewalɛ baaloo nibii etswia shi.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 32:19

Nyɔŋmɔŋtɛ aaanɛ koo lɛ nɔ, ni ebaatsɔ̃ lakpatsa, ni aaafite maŋ lɛ kwrakwra.

Ezekiel 38:22

Mikɛ gbele hela kɛ láshishwiemɔ baagbala etoi; ni mahã nu ni naa wa kɛ nyɔŋmɔŋtɛi kɛ la kɛ swɔɔ anɛ ashwie lɛ kɛ etai lɛ kɛ mɛi babaoo ni fata ehe lɛ anɔ.

Yoel 2:30

“Mahã ana gbi lɛ he okadii yɛ ŋwɛi kɛ shikpɔŋ lɛ nɔ, láshishwiemɔ kɛ la kɛ lasu kpɔŋŋ.

Yakobo 1:11

Ejaakɛ hulu teɔ shi kɛ jeŋ dɔlɛ, ni eŋãlaa jwɛi lɛ, ni efɔfɔi lɛ kpalaa shwieɔ shi, ni efɛo lɛ fiteɔ; nakai nɔŋŋ niiatsɛ lɛ hu hiɛ baakpãtã yɛ egbɛi lɛ anɔ.

Yoshua 10:11

Be ni Amorbii lɛ joɔ Israelbii lɛ anaa foi kɛkpelekeɔ Bet Horon Gɔŋ lɛ, Yehowa hã nyɔŋmɔŋtɛi wuji jɛ ŋwɛi bashwie Amorbii lɛ anɔ aahu kɛyashi Azeka, ni amɛgboi. Mɛi abɔ ni tɛi nɛɛ gbe lɛ ayi fa kwraa fe mɛi ni gboi yɛ Israelbii lɛ aklante naa.

1 Petro 1:24

Ejaakɛ, “Heloo fɛɛ tamɔ jwɛi, ni enunyam lɛ fɛɛ tamɔ jwɛiaŋ fɔfɔi. Jwɛi gbiɔ ni emli fɔfɔi lɛ kpalaa.

Kpojiemɔ 12:4

Ni elei miigbala ŋwɛi ŋulamii amlijai etɛ̃ mli ekome; ni etsirɛ amɛ eshwie shikpɔŋ lɛ nɔ. Ni drako lɛ badamɔ yoo ni baafɔ lɛ hiɛ, koni kɛ efɔ lɛ, ni emi ebi lɛ.

Kpojiemɔ 16:2

Ni klɛŋklɛŋ bɔfo lɛ yi mli etee, ni eyafɔse etɔ lɛ mli nii lɛ eshwie shikpɔŋ lɛ nɔ; ni mɛi ni kooloo lɛ okadi yɔɔ amɛhe lɛ kɛ mɛi ni jaa emãgã lɛ famɔ faji fɔ̃ji ni waa mɔ he.

Kpojiemɔ 16:21

Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.

Kpojiemɔ 6:8

Ni mikwɛ, ni naa, okpɔŋɔ lamlulamlu ni mɔ ni ta enɔ lɛ gbɛi ji Gbele, ni Gbohiiaje nyiɛ esɛɛ kpaakpa. Ni ahã amɛ hegbɛ yɛ shikpɔŋ lɛ mlijai ejwɛ mli ekome nɔ, akɛ amɛkɛ klante kɛ hɔ̃mɔ kɛ gbele hela kɛ shikpɔŋ lɛ nɔ kooloi awuyelɔi agbegbee amɛ.

Kpojiemɔ 7:1

Nii nɛɛ asɛɛ lɛ mina ŋwɛi bɔfoi ejwɛ damɔ shikpɔŋ koji ejwɛ lɛ anɔ, ni amɛhiɛ shikpɔŋ lɛ nɔ kɔɔyɔi ejwɛ lɛ amli, koni kɔɔyɔɔ ko akatswa yɛ shikpɔŋ lɛ nɔ loo ŋshɔ nɔ loo tso ko nɔ.

Kpojiemɔ 9:15

Ni afɛne bɔfoi ejwɛ lɛ ni asaa ato ŋmɛlɛtswaa lɛ kɛ gbi lɛ kɛ nyɔŋ lɛ kɛ afi lɛ, koni amɛgbe gbɔmɛi amlijai etɛ̃ mli ekome.

Kpojiemɔ 9:18

Nɛkɛ haomɔi etɛ̃ ni ji là kɛ lasu kɛ swɔɔ ni fãa kɛjɛɔ amɛdaaŋ nɛɛ, akɛgbe gbɔmɛi amlijai etɛ̃ mli ekome.

Kpojiemɔ 9:4

ni akɛɛ amɛ akɛ amɛkafee shikpɔŋ lɛ nɔ jwɛi loo baaŋmɔŋ loo tso ko efɔŋ ko, akɛ ja gbɔmɛi ni bɛ Nyɔŋmɔ naasɔomɔnɔ lɛ okadi yɛ amɛhiɛŋtsei anɔ lɛ kɛkɛ.