Kpojiemɔ 8:5 - ŊMALƐ KRƆŊKRƆŊ LƐ

⁵ Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.

Ṅmãle̱ Kroṅkroṅ Le̱

⁵ Ni bo̱fo le̱ ko̱ tšofā-ke̱-ṅma šãnõ le̱, ni edše afo̱lešãlate̱ le̱ no̱ la le̱ eko ewole̱ obo, ni *etši eſie šikpoṅ le̱ no̱, ni gbẽi ke̱ nyoṅmo̱šĩmo̱i ke̱ srawai ke̱ šikpoṅhosomo̱ ba. *Ezek. 10,2.

Kpojiemɔ 8:5 ပူးပေါင်းရင်းမြစ်များ

1 Maŋtsɛmɛi 19:11

Yehowa kɛɛ Elia akɛ, “Jee kpo koni oyadamɔ gɔŋ lɛ nɔ, ejaakɛ Yehowa baaho.” Kɛkɛ ni Yehowa baho: ahum ni naa wa ko tswa, ni egbala gɔji, ni ejwra tɛsai kɛnyiɛ Yehowa hiɛ; shi Yehowa bɛ ahum lɛ mli. Ahum lɛ sɛɛ lɛ shikpɔŋ hoso, shi Yehowa bɛ shikpɔŋhosomɔ lɛ mli.

Lalai 18:13

Kɛkɛ ni Yehowa shi yɛ ŋwɛi tamɔ ŋwɛi shiimɔ, ni ŋwɛi flooflonyo lɛ wo egbee.

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 30:30

Ni Yehowa aaahã anu enunyam gbee lɛ, ni eeehã ana ehewalɛ nine ni kpelekeɔ shi lɛ kɛ emlifu ni naa wa lɛ; la ni kpãtãa nii ahiɛ aaatso, ni atatui aaaflɛ, ni nu kɛ nyɔŋmɔŋtɛi aaanɛ.

Yesaia 66:6

Nyɛboa toi, aafee hoo yɛ maŋ lɛ mli. Gbee ko miijɛ Sɔlemɔ we lɛ. Yehowa mɔ ni baawo ehenyɛlɔi lɛ nyɔmɔ lɛ gbee ni.

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

3 Mose 16:12

Eloo ŋai kɛ la ŋɛsu obɔ̃ yɛ afɔleshãa latɛ lɛ nɔ, yɛ Yehowa hiɛ, kɛ tsofakɛŋma ni ashi bɔdɔbɔdɔ ekɔkɔi obɔbɔi enyɔ, ni ekɛbote muhɔɔ lɛ sɛɛ.

Zakaria 14:5

Nyɛbaajo foi kɛtsɔ̃ jɔɔ ni kã migɔŋ ni emli egba enyɔ lɛ mli. Nyɛbaajo foi tamɔ bɔ ni nyɛtsɛmɛi lɛ jo foi be ni shikpɔŋ hoso yɛ Yuda maŋtsɛ Uzia yinɔ lɛ. No sɛɛ lɛ, Yehowa, miNyɔŋmɔ lɛ kɛ emɛi krɔŋkrɔŋi lɛ fɛɛ baaba abapue.

Mateo 24:7

Shi maŋ aaate shi awo maŋ, ni maŋtsɛyeli aaate shi awo maŋtsɛyeli; ni hɔ̃ji kɛ shikpɔŋ hosomɔi aaaba hei srɔtoi.

Luka 12:49

“Lawoo miba yɛ shikpɔŋ lɛ nɔ, ni mina ni kulɛ ehere momo!

Bɔfoi 16:26

Ni trukaa lɛ shikpɔŋ hoso waa, ni tsu lɛ shishitoo lɛ hoso, ni amrɔ lɛ, shinai lɛ fɛɛ gbelegbelee, ni amɛ fɛɛ amɛkpãi lɛ kpɔlɔke.

Bɔfoi 4:31

Ni be ni amɛsɔle nɛkɛ lɛ, he ni amɛnaa ebakpe shi yɛ lɛ hoso, ni Mumɔ Krɔŋkrɔŋ yimɔ amɛ fɛɛ obɔ̃bɔ̃; ni amɛkɛ ekãa jaje Nyɔŋmɔ wiemɔ lɛ.

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.