Kpojiemɔ 8:12 - ŊMALƐ KRƆŊKRƆŊ LƐ

¹² Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.

Ṅmãle̱ Kroṅkroṅ Le̱

¹² Ni bo̱fo ni dši edſe̱ le̱ kpã, ni atſa *hũlũ mlidšāi eti mli ekome ke̱ nyoṅtšẽre mlidšāi etẽ mli ekome ke̱ ṅulamii amlidšāi etẽ mli ekome nõ, koni ame̱mlidšāi etẽ mli ekomekome le̱ †awo duṅ, ni ſane mlidšāi etẽ mli ekome le̱ dšeṅ tšee ni nyōṅ hũ nakai noṅṅ. *6,12. †2 Mose 10,21.

Kpojiemɔ 8:12 ပူးပေါင်းရင်းမြစ်များ

Yesaia 13:10

Ejaakɛ gbi lɛ ŋulamii krokomɛi lɛ kɛ oŋwɛ̃i fɛɛ kpɛŋ, ni hulushitee mli tɔ̃ɔ lɛ, ehiɛ aaawo duŋ, ni nyɔɔŋtsere hu kpɛŋ.

Yesaia 24:23

Nyɔɔŋtsere kpɛŋ, ni hulu etsoŋ, ejaakɛ Yehowa, Taiatsɛ lɛ, baaye nɔ yɛ Zion Gɔŋ lɛ nɔ, yɛ Yerusalɛm, ni ebaajie enunyam lɛ kpo etsɔ̃ɔ maŋ lɛ mli onukpai lɛ.”

Yeremia 4:23

Mikwɛ shikpɔŋ lɛ, naa, ekã shi olɛŋlɛ; ni efee floŋŋ; ni mikwɛ ŋwɛi hu lɛ, la ko bɛ jɛi.

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Yoel 3:15

Hulu kɛ nyɔɔŋtsere ewo duŋ, ni ŋulamii efɔ̃ɔ kpɛmɔ.

Amos 8:9

Nuŋtsɔ Nyɔŋmɔ kɛɛ akɛ, “Nakai gbi lɛ nɔ lɛ, mibahã hulu anyɔ shi shwane koni duŋ awo yɛ shikpɔŋ lɛ nɔ shwane fintiŋŋ.

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Marko 13:24

“Shi no bei lɛ amli yɛ amanehulu nɛɛ sɛɛ lɛ, hulu hiɛ aaawo duŋ, ni nyɔɔŋtsere hu kpɛŋ;

Marko 15:33

Ni be ni shɛ ŋmɛlɛ nyɔŋma kɛ enyɔ lɛ, duŋ wo yɛ shikpɔŋ lɛ nɔ fɛɛ kɛyashi ŋmɛji etɛ̃ mli.

Luka 21:25

“Ni okadii aaaba hulu kɛ nyɔɔŋtsere kɛ ŋulamii amli, ni jeŋmaji lɛ ahe aaajara amɛ yɛ shikpɔŋ lɛ nɔ, ni amɛaafee yeyeeye yɛ ŋshɔ gbɛɛmɔ kɛ ŋshɔkei akuumɔ hewɔ;

Bɔfoi 2:20

Hulu aaatsɔ̃ duŋ, ni nyɔɔŋtsere aaatsɔ̃ lá, dani Nuŋtsɔ lɛ gbi wulu ni yɔɔ nyam lɛ aaaba.

2 Korintobii 4:4

amɛ ji mɛi amli ni je nɛɛ mli nyɔŋmɔ lɛ eshwila mɛi ni heee yeee lɛ ajwɛŋmɔi lɛ yɛ, koni Kristo ni ji Nyɔŋmɔ subaŋ lɛ anunyam Sanekpakpa la lɛ akakpɛ miihã amɛ.

Kpojiemɔ 12:4

Ni elei miigbala ŋwɛi ŋulamii amlijai etɛ̃ mli ekome; ni etsirɛ amɛ eshwie shikpɔŋ lɛ nɔ. Ni drako lɛ badamɔ yoo ni baafɔ lɛ hiɛ, koni kɛ efɔ lɛ, ni emi ebi lɛ.

Kpojiemɔ 16:10

Ni bɔfo ni ji enumɔ lɛ fɔse etɔ lɛ mli nii lɛ eshwie kooloo lɛ maŋtsɛ sɛ̃i lɛ nɔ, ni emaŋtsɛyeli lɛ wo duŋ, ni gbɔmɛi kɔ̃mɔ amɛlilɛii yɛ nɔnaa lɛ hewɔ.

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Kpojiemɔ 9:15

Ni afɛne bɔfoi ejwɛ lɛ ni asaa ato ŋmɛlɛtswaa lɛ kɛ gbi lɛ kɛ nyɔŋ lɛ kɛ afi lɛ, koni amɛgbe gbɔmɛi amlijai etɛ̃ mli ekome.

Kpojiemɔ 9:18

Nɛkɛ haomɔi etɛ̃ ni ji là kɛ lasu kɛ swɔɔ ni fãa kɛjɛɔ amɛdaaŋ nɛɛ, akɛgbe gbɔmɛi amlijai etɛ̃ mli ekome.