Kpojiemɔ 8:11 - ŊMALƐ KRƆŊKRƆŊ LƐ

¹¹ Ni ŋulami lɛ gbɛi ji taatso, ni nui lɛ amlijai etɛ̃ mli ekome tsɔ̃ taatso ni gbɔmɛi pii gboi yɛ nui lɛ ahewɔ, ejaakɛ amɛmiijoo.

Ṅmãle̱ Kroṅkroṅ Le̱

¹¹ Ni ṅulami le̱ gbe̱i dši apsinto (dšōmo̱tšo), ni nui le̱ amlidšāi etẽ mli ekome tšṍ dšōmo̱tšofã, ni gbomei pī gboi ye̱ nui le̱ ahewo̱, edšake̱ ame̱mīdšō.

Kpojiemɔ 8:11 ပူးပေါင်းရင်းမြစ်များ

2 Mose 15:23

Be ni amɛyashɛ he ko ni gbɛi ji Mara lɛ amɛyanina nu; shi Mara nu nɛɛ ehiii numɔ ejaakɛ eejoo. No hewɔ awo jɛi Mara lɛ.

Abe̱i 5:4

Ni naagbee mli lɛ ejoɔ tamɔ taatso; enaaba tamɔ klante kɛ enaa nta.

Yeremia 23:15

No hewɔ lɛ, bɔ ni mi, Yehowa, Taiatsɛ mikɛɔ yɛ gbalɔi lɛ ahe nɛ, “Naa, mibahã amɛ tatso akɛ amɛniyenii, ni mibahã amɛ nu ni ebɔɔ yɔɔ mli amɛnu, ejaakɛ Yerusalɛm gbalɔi lɛ aŋɔɔ efɔŋfeemɔ jɛ ni egbɛ eshwã shikpɔŋ lɛ nɔ fɛɛ lɛ.”

Yeremia 9:15

No hewɔ lɛ, nɔ ni mi, Yehowa, Taiatsɛ kɛ Israel Nyɔŋmɔ lɛ kɛɔ ji enɛ, “Naa, mibalɛ nɛkɛ maŋ nɛɛ kɛ taatso, ni mahã amɛ nu ni ebɔɔ yɔɔ mli amɛnu.

Yāfó 3:19

Kaimɔ minɔnaa kɛ mishitwiamɔ ni joɔ tamɔ taatso kɛ kɔlikɔ lɛ.

Yāfó 3:5

Ehã saji kɛ joomɔ kɛ nɔnaa ebɔle mi kpula kɛsa miyi.

Amos 5:7

Kpoo hã nyɛ, nyɛ mɛi ni jalɛ saneyeli joɔ hãa nyɛ tamɔ taatso, nyɛ mɛi ni nyɛkɛ jalɛ saneyeli shwishwia shikpɔŋ!

Amos 6:12

Ani okpɔŋɔ joɔ foi yɛ tɛsaa nɔ, aloo akɛ tsinahii huɔ yɛ ŋshɔ mli? Shi nyɛhã jalɛ etsɔ̃ ebɔɔ, ni jalɛ yibii etsɔ̃ taatso.

Zakaria 13:8

Aaakpãtã mɛi ni yɔɔ shikpɔŋ lɛ nɔ lɛ amlijaa etɛ̃ mli enyɔ hiɛ, ni amɛaagboi; ni mlijaa etɛ̃ mli ekome ni aaashwɛ lɛ yi aaana wala.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

5 Mose 29:18

Nyɛkwɛa jogbaŋŋ koni nyɛteŋ nuu ko loo yoo ko loo weku ko loo akutso ko yiŋ akatsɔ̃ ŋmɛnɛ ni ekpale yɛ Yehowa, wɔNyɔŋmɔ lɛ sɛɛ, ni etee eyaja nakai maji lɛ anyɔŋmɔi lɛ; no lɛ nakai mɔ lɛ aaatsɔ̃ tamɔ tso shishifã ni woɔ tsoyibii ni joɔ kɛ emli ebɔɔ yɛ nyɛteŋ.

Hebribii 12:15

Ni nyɛkwɛa ni ahia, koni mɔ ko akaŋmɛɛ Nyɔŋmɔ dromɔ lɛ he; koni shishifã kɛ joomɔ ko akakwɛ̃ ni ehao nyɛ ni akɛbule mɛi pii.

Kpojiemɔ 12:4

Ni elei miigbala ŋwɛi ŋulamii amlijai etɛ̃ mli ekome; ni etsirɛ amɛ eshwie shikpɔŋ lɛ nɔ. Ni drako lɛ badamɔ yoo ni baafɔ lɛ hiɛ, koni kɛ efɔ lɛ, ni emi ebi lɛ.

Kpojiemɔ 8:7

Ni klɛŋklɛŋ bɔfo lɛ kpã etɛtrɛmantrɛ, ni nyɔŋmɔŋtɛ kɛ la ni lá futu mli ba ni ebashwie shikpɔŋ lɛ nɔ, ni shikpɔŋ lɛ mlijai etɛ̃ mli ekome shã, ni tsei amlijaa etɛ̃ mli ekome shã, ni jwɛi fɔ fɛɛ shã.

Kpojiemɔ 9:15

Ni afɛne bɔfoi ejwɛ lɛ ni asaa ato ŋmɛlɛtswaa lɛ kɛ gbi lɛ kɛ nyɔŋ lɛ kɛ afi lɛ, koni amɛgbe gbɔmɛi amlijai etɛ̃ mli ekome.

Kpojiemɔ 9:18

Nɛkɛ haomɔi etɛ̃ ni ji là kɛ lasu kɛ swɔɔ ni fãa kɛjɛɔ amɛdaaŋ nɛɛ, akɛgbe gbɔmɛi amlijai etɛ̃ mli ekome.

Rut Wolo Lɛ 1:20

Shi ehere amɛ nɔ ekɛɛ, “Nyɛkatsɛa mi Naomi dɔŋŋ, shi moŋ nyɛtsɛa mi Mara, ejaakɛ Ofe lɛ kɛ mi eye kɛ joomɔ tsɔ̃.