Kpojiemɔ 7:9 - ŊMALƐ KRƆŊKRƆŊ LƐ

⁹ Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,

Ṅmãle̱ Kroṅkroṅ Le̱

⁹ Nii ne̱ ase̱ le̱ mikwe̱, ni na, asafo babaō ní mokomoko nyẽṅ akane ní dše̱ dšeṅmaṅ-fẽ-dšeṅmaṅ ke̱ akutšei ke̱ mãdši ke̱ mãdšiano̱wiemo̱i amli damo̱ maṅtše̱sẽi le̱ hĩe ke̱ tōbi le̱ hĩe, ni ame̱wo *atadei ye̱dši, ní ame̱hĩe ble̱oi ye̱ ame̱deṅ, *6,11.

Kpojiemɔ 7:9 ပူးပေါင်းရင်းမြစ်များ

1 Mose 13:16

Mahã oshwiei afa tamɔ shikpɔŋ mlu, ni kɛji mɔ ko aaanyɛ shikpɔŋ mlu akane lɛ, belɛ aaanyɛ oshwiei lɛ hu akane.

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

Lalai 2:8

Bi mi, ni maŋɔ majimaji lɛ mahã bo akɛ ogboshinii; ni shikpɔŋ muu lɛ fɛɛ aaatsɔ̃ ogbɛfaŋnɔ.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 76:4

Ohiɛ yɛ nyam, ni ogbojee kwɔ fe naanɔ gɔji lɛ.

Lalai 77:2

Mihaomɔ gbi nɔ lɛ, mitaoɔ Nuŋtsɔ lɛ sɛɛgbɛ; nyɔɔŋnyɔɔŋ fɛɛ lɛ, miholeɔ miniji anɔ yɛ sɔlemɔ mli, ni etɔɔɔ mi; misusuma ekpɛlɛ̃ɛɛ miishɛjemɔ.

Lalai 98:3

Ekai esuɔmɔ ni tsakeee lɛ kɛ enɔkwayeli ni eyɔɔ hã Israel we lɛ. Je lɛ naagbeehei fɛɛ ena kunim ni wɔNyɔŋmɔ lɛ ye lɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 3:17

Nakai be lɛ mli lɛ abaatsɛ Yerusalɛm akɛ Yehowa Maŋtsɛ Sɛi, ni majimaji bluublu aaabua amɛhe naa kɛaaba Yehowa hiɛ yɛ Yerusalɛm amɛbaja mi. Amɛkɛ kuɛŋtilɛ efeŋ nɔ ni amɛtsui fɔŋ kɛɔ amɛ lɛ dɔŋŋ.

Ezekiel 47:5

Esusu nu lɛ mlikwɔlɛ, ni efee ninetalɔi akpe, ni nu lɛ tsɔ̃ faa ni minyɛɛɛ mafo. Ejaakɛ nu lɛ mli kwɔ ni etsɔ̃ faa ni anyɛɛɛ afo, shi seremɔ asereɔ kɛfoɔ.

Daniel 4:1

Maŋtsɛ Nebukadnezar ŋma eyahã mɛi fɛɛ ni yɔɔ majimaji kɛ jakui fɛɛ ni yɔɔ shikpɔŋ muu lɛ fɛɛ nɔ, yɛ amɛwiemɔi amli akɛ, “Nyɛhea omanye!

Daniel 6:25

Enɛ sɛɛ lɛ Maŋtsɛ Dario ŋmã wolo ekɛmaje majimaji kɛ asafoi kɛ je lɛ mli wiemɔi srɔtoi ashikpɔji anɔ bii fɛɛ akɛ, “Nyɛhea omanye!

Hosea 1:10

Shi kɛ̃lɛ Israelbii ayikulɛ aaatamɔ ŋshɔnaa shia ni anyɛŋ asusu aloo akane. Kɛji nakai be lɛ shɛ lɛ, he ni akɛɛ amɛ yɛ akɛ, ‘Nyɛjeee mimaŋ lɛ,’ jɛi nɔŋŋ abaakɛɛ amɛ yɛ akɛ, “Nyɔŋmɔ hiɛkãalɔ lɛ bii ji nyɛ.”

3 Mose 23:40

Gbi nɛɛ nɔ lɛ nyɛhiɛa nyɛtsei anɔ aduawai kpakpai fɛɛfɛji kɛ tɛŋ bɛlɛo kɛ tsei flofloi aniji kɛ faa naa ŋɔi kɛbaa koni nyɛbanyaa yɛ Yehowa, nyɛNyɔŋmɔ lɛ, hiɛ gbii kpawo.

Zakaria 10:8

“Mikɛ okadi aaatsɛ amɛ, ni mabua amɛnaa ejaakɛ mi mikpɔ̃ amɛ, ni amɛyi aaafa ekoŋŋ tamɔ sa.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Luka 12:1

No mli nɔŋŋ, be ni mɛi akpeiakpei abɔ ebabua amɛhe naa ni mɛi naanaa mɛi anɔ lɛ, ebɔ̃i ekaselɔi lɛ kɛɛmɔ akɛ, “Klɛŋklɛŋ lɛ nyɛhiɛ ahia nyɛhe nɔ yɛ Farisifoi lɛ amãsha ni ji osatofeemɔ lɛ he.

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Yohane 12:13

amɛkɔlɔ blɛoi, ni amɛje kpo amɛyakpee lɛ, ni amɛbolɔ akɛ “Hosiana! Ajɔɔ mɔ ni baa yɛ Nuŋtsɔ lɛ gbɛi mli lɛ, Israel Maŋtsɛ lɛ!”

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Efesobii 6:13

No hewɔ lɛ, nyɛkɔlɔa Nyɔŋmɔ tawuunii lɛ fɛɛ, koni nyɛnyɛ amɛnaa nyɛkpee yɛ gbi fɔŋ lɛ nɔ, ni be ni nyɛgbe fɛɛ naa lɛ nyɛnyɛ shi nyɛdamɔ.

Hebribii 11:12

No hewɔ hu ni ajɛ mɔ kome ni tamɔ mɔ ni egbo momo lɛ mli afɔ mɛi ni fa babaoo tamɔ ŋwɛi ŋulamii loo ŋshɔ naa shia ni anyɛɛɛ akane lɛ.

Hebribii 12:22

Shi moŋ Zion Gɔŋ lɛ kɛ Nyɔŋmɔ hiɛkãalɔ lɛ maŋ; ŋwɛi Yerusalɛm lɛ, kɛ ŋwɛi bɔfoi akpeiakpei abɔ ahenaabuamɔ lɛ,

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 22:3

Ni musu ko musu ko bɛ dɔŋŋ. Ni Nyɔŋmɔ kɛ Toobi lɛ maŋtsɛ sɛ̃i lɛ aaama maŋ lɛ mli; ni etsuji lɛ aaasɔ̃mɔ lɛ;

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 5:11

Ni mikwɛ, ni minu bɔfoi pii ni ebɔle maŋtsɛ sɛ̃i lɛ kɛ hiɛkãalɔi lɛ kɛ onukpai lɛ kɛkpe lɛ agbee, ni amɛyibɔ huuhai abɔ kɛ akpe toi abɔ

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 6:11

Ni akɛ atade yɛŋ hã amɛteŋ mɔ fɛɛ mɔ, ni akɛɛ amɛ akɛ amɛjɔɔ amɛhe be fioo ko lolo, kɛyashi beyinɔ ni amɛnanemɛi tsuji lɛ kɛ amɛnyɛmimɛi lɛ hu ni abaagbe amɛ tamɔ bɔ ni agbe amɛ diɛŋtsɛ hu lɛ ayikulɛ lɛ aaashɛ.

Kpojiemɔ 7:8

Zebulon akutso lɛ mli lɛ mɛi akpei nyɔŋma kɛ enyɔ; Yosef akutso lɛ mli lɛ mɛi akpei nyɔŋma kɛ enyɔ; Benyamin akutso lɛ mli lɛ mɛi akpei nyɔŋma kɛ enyɔ.