Kpojiemɔ 7:17 - ŊMALƐ KRƆŊKRƆŊ LƐ

¹⁷ ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”

Ṅmãle̱ Kroṅkroṅ Le̱

¹⁷ edšake̱ *tōbi le̱ ni yo̱ maṅtše̱sẽi le̱ teṅ le̱ aalè̱ame̱, ni †eetšõame̱ gbe̱ ke̱-ate wala nubui ahe, ni **Nyoṅmo̱ aatšumo̱ ame̱hĩeaṅ yāfónui fẽ. *5,6. †Lal. 23,2. **Kpods. 21,4. Ies. 25,8.

Kpojiemɔ 7:17 ပူးပေါင်းရင်းမြစ်များ

Lalai 22:26

Ohiafoi aaaye nii, ni amɛaatɔrɔ; mɛi ni taoɔ Yehowa sɛɛgbɛ lɛ, aaajie eyi. Amɛyi ana wala kɛya naanɔ.

Lalai 23:5

Oŋmɛɔ mi okplɔ̃ yɛ mihenyɛlɔi ahiɛ. Okɛ mu fɔɔ miyitso mikpulu lɛ eyi kɛteke nɔ.

Lalai 28:9

Yehowa, heremɔ omaŋbii lɛ ayiwala, ni ojɔɔ owebii ni oŋɔ akɛ onɔ lɛ. Lɛɛ amɛ tamɔ tookwɛlɔ, ni ohiɛ amɛ mli kɛya naanɔ.

Yesaia 12:3

Nyɛkɛ nyamɔ aaayɛ nu yɛ yiwalaheremɔ bui lɛ amli.’

Yesaia 25:6

Yehowa, Taiatsɛ lɛ, kɛ fɔŋ niyenii sɔkɔɔ kɛ wain momo ni adoo nɔ jogbaŋŋ baaŋmɛ shikpɔŋ lɛ nɔ bii fɛɛ okplɔ̃ yɛ gɔŋ nɛɛ nɔ.

Yesaia 25:8

Eeekpãtã gbele hiɛ kɛaatee nanɔ, ni Nuŋtsɔ Nyɔŋmɔ aaatsumɔ hiɛiaŋ yaafonui fɛɛ. Ebaafo emaŋ lɛ hiɛgbele lɛ sɛɛ yɛ shikpɔŋ muu lɛ fɛɛ nɔ. Yehowa diɛŋtsɛ wiemɔ nɛ.

Yesaia 30:19

Ao nyɛ Zionbii ni nyɛyɔɔ Yerusalɛm, nyɛwoŋ yara nyɛfoŋ dɔŋŋ. Emusuŋ baatsɔ̃ lɛ yɛ nyɛhe kɛji nyɛbolɔ nyɛtsɛ lɛ. Kɛji enu blɔmɔ lɛ, eeehã nyɛ hetoo.

Yesaia 30:25

Ni gbi nɔ ni aaaplene gbɔmɛi babaoo, ni amɛmɔji lɛ aaagbeegbee shi lɛ, faa baaho yɛ gɔji grɔŋŋi fɛɛ kɛ gɔ̃ŋkpɔi ni kwɔlɔ fɛɛ anɔ.

Yesaia 35:10

Mɛi ni Yehowa ehere amɛ lɛ, aaaku amɛsɛɛ kɛaaba ekoŋŋ, ni amɛaaba Zion kɛ nyamɔ lala. Amɛmii aaashɛ kɛya naanɔ; amɛaayi kɛ miishɛɛ kɛ nyamɔ, amɛyeŋ ŋkɔmɔ, ni amɛdɔmɔŋ ŋtsɔi dɔŋŋ.

Yesaia 40:11

Eeelɛ etooku lɛ tamɔ tookwɛlɔ; eeehiɛ etoobii lɛ yɛ ekpɔkɔiaŋ; Eeeloo amɛ eshãkã etsitsiŋ ni eeekpala toonyɛmɛi lɛ blɛoo.

Yesaia 49:9

Okɛɛ mɛi ni awo amɛ tsuŋ lɛ akɛ, ‘Nyɛjea kpo koni nyɛye nyɛhe;’ ni mɛi ni yɔɔ duŋ mli lɛ kɛɛmɔ amɛ hu akɛ, ‘Nyɛbaa la hiɛ.’ Amɛaaye nii yɛ gbɛjegbɛi atoi, ni gɔji ni koo bɛ nɔ lɛ fɛɛ aaatsɔ̃ amɛniyelihe.

Yesaia 51:11

No hewɔ lɛ, mɛi ni Yehowa ekpɔ̃ amɛ lɛ aaaku amɛsɛɛ, ni amɛaaba Zion kɛ lala. Amɛaanya, ni amɛmii aaashɛ; amɛyeŋ awerɛho lɛ, amɛdɔmɔŋ ŋtsɔi dɔŋŋ.”

Yesaia 60:20

Ohulu lɛ enyɔŋ shi dɔŋŋ, ni onyɔɔŋtsere lɛ hu woŋ duŋ; ejaakɛ Yehowa aaatsɔ̃ ola kɛaatee naanɔ, ni okɔmɔyeli gbii lɛ hu sɛɛ aaafo.

Yesaia 65:19

Mimli aaafli mi yɛ Yerusalɛm he, ni manya mimaŋbii lɛ ahe, ni anuŋ yaafo kɛ blɔmɔ he yɛ Yerusalɛm dɔŋŋ.

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 31:9

Amɛbaaba kɛ yaafo kɛ faikpamɔ ni mibakpala amɛ kɛku sɛɛ kɛba. Mibahã amɛnyiɛ fai atoii kɛ gbɛ trɔmɔɔ nɔ, he ni amɛtɛrɛŋ yɛ. Ejaakɛ Israel Tsɛ ji mi, ni mikromɔbi ji Efraim.

Ezekiel 34:23

Mibato tookwɛlɔ kome maha amɛ, ni ji mitsulɔ David, ni lɛ eeelɛ amɛ; ebaalɛ amɛ ni eeetsɔ̃ amɛkwɛlɔ.”

Mika 5:4

Kɛ nɔyelɔ lɛ ba lɛ, eeeye emaŋ lɛ nɔ, ni eeelɛ amɛ kɛ hewalɛ ni jɛ Yehowa dɛŋ; eeeye nɔ kɛ agbojee hu ni ji Yehowa, eNyɔŋmɔ lɛ diɛŋtsɛ agbojee. Nɔyelɔ lɛ kɛ maŋbii lɛ aaahi shi shweshweeshwe, ejaakɛ aaakpɛ̃lɛ nɔ akɛ eje agbo yɛ je lɛ mli he fɛɛ he;

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

Mateo 2:6

‘Ni bo, Betlehem ni oyɔɔ Yuda shikpɔŋ lɛ nɔ lɛ, jeee bo ji bibioo fe fɛɛ yɛ Yuda lumɛi lɛ ateŋ kwraa, shi omli lumɔ ni aaakwɛ mimaŋ Israel lɛ aaajɛ!’ ”

Mateo 5:4

“Ajɔɔ mɛi ni yeɔ ŋkɔmɔ lɛ; shi aaashɛje amɛmii.”

Yohane 10:11

“Mi ji tookwɛlɔ kpakpa lɛ. Tookwɛlɔ kpakpa lɛ kɛ ewala ŋmɛɔ shi yɛ etoi lɛ anajiaŋ.

Yohane 10:14

Mi ji tookwɛlɔ kpakpa lɛ; mile mi diɛŋtsɛ mitoi lɛ, ni mitoi lɛ hu le mi,

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:11

Yoo lɛ kɛɛ lɛ akɛ, “Nuŋtsɔ, obɛ nɔ ni okɛaayɛ, ni bu lɛ mli kwɔ hu; nɛgbɛ ona wala nu lɛ yɛ mɔ?

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

Kpojiemɔ 14:4

Mɛnɛɛmɛi ji mɛi ni kɛ yei buleko amɛhe, ejaakɛ oblahii ni he tse ji amɛ, ni amɛnyiɛɔ Toobi lɛ sɛɛ kɛyaa he fɛɛ he ni eyaa lɛ. Mɛnɛɛmɛi ji mɛi ni akpɔ̃ kɛjɛ gbɔmɛi ateŋ akɛ klɛŋklɛŋ yibii kɛhã Nyɔŋmɔ kɛ Toobi lɛ.

Kpojiemɔ 21:22

Ni minaaa Sɔlemɔtsu yɛ mli, ejaakɛ Nuŋtsɔ Nyɔŋmɔ Ofe lɛ kɛ Toobi lɛ ji eSɔlemɔtsu.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.

Kpojiemɔ 21:4

Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.