Kpojiemɔ 7:13 - ŊMALƐ KRƆŊKRƆŊ LƐ

¹³ Ni onukpai lɛ ateŋ mɔ kome bi mi akɛ, “Mɛi ni wo atadei yɛji nɛɛ, namɛi ni, ni nɛgbɛ amɛjɛ?”

Ṅmãle̱ Kroṅkroṅ Le̱

¹³ Ni onukpai le̱ ateṅ mokome here no̱ ekē̱mi ake̱: Mei ní wo atadei ye̱dši ne̱, namei ni, ni nẽgbe̱ ame̱dše̱?

Kpojiemɔ 7:13 ပူးပေါင်းရင်းမြစ်များ

1 Mose 16:8

Bɔfo lɛ bi lɛ akɛ, “Hagar! Sarai weyoo, nɛgbɛ ojɛ? Ni nɛgbɛ hu oyaa?” Hagar to he ekɛɛ, “Miijo foi kɛjɛ miwula Sarai ŋɔɔ.”

Daniel 7:16

Mitsi mibɛŋkɛ mɛi ni damɔ jɛi lɛ ateŋ mɔ kome, ni mibi lɛ koni etsɔ̃ɔ mi ninaa lɛ shishi kɛ anɔkwale krɛdɛɛ ni yɔɔ mli lɛ; ni etsɔ̃ɔ mi nibii lɛ ashishi.

Yohane 7:28

No hewɔ lɛ, be ni Yesu tsɔ̃ɔ nii yɛ Sɔlemɔ we lɛ, ebo ekɛɛ, “Nyɛle mi, ni asaŋ nyɛle he ni mijɛ; ni mitooo mi diɛŋtsɛ miyiŋ mibaaa, shi moŋ anɔkwafo ji mɔ ni tsu mi lɛ, ni nyɛleee lɛ.

Bɔfoi 3:12

Be ni Petro na enɛ lɛ, ekɛɛ maŋ lɛ akɛ, “Nyɛ Israelhii, mɛɛba nyɛhiɛ feɔ nyɛ yaa yɛ enɛ hewɔ, aloo mɛɛba nyɛkwɛɔ wɔ gãa nɛkɛ, tamɔ nɔ ni wɔ diɛŋtsɛ wɔhewalɛ loo wɔNyɔŋmɔjamɔ wɔkɛhã nuu nɛɛ nyiɛɔ nɛɛ?

Kpojiemɔ 3:4

Shi kɛ̃lɛ oyɛ mɛi fioo ko yɛ Sarde, mɛi ni woko amɛtadei lɛ amuji; ni amɛkɛ mi baanyiɛ yɛ atadei yɛji amli, ejaakɛ amɛsa nakai.

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 5:11

Ni mikwɛ, ni minu bɔfoi pii ni ebɔle maŋtsɛ sɛ̃i lɛ kɛ hiɛkãalɔi lɛ kɛ onukpai lɛ kɛkpe lɛ agbee, ni amɛyibɔ huuhai abɔ kɛ akpe toi abɔ

Kpojiemɔ 5:5

Ni onukpai lɛ ateŋ mɔ kome kɛɛ mi akɛ, “Kaafo! Naa, jata lɛ ni jɛ Yuda akutso lɛ mli lɛ, mɔ ni ji David shishifã lɛ, eye kunim ni ebaanyɛ egbele wolo lɛ naa ní etserɛ enaasɔomɔi kpawo lɛ.”

Kpojiemɔ 7:9

Nii nɛɛ asɛɛ lɛ mikwɛ, ni naa, asafo kpele ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ maji anɔ wiemɔi amli damɔ maŋtsɛ sɛ̃i lɛ hiɛ kɛ Toobi lɛ hiɛ, ni amɛwo atadei yɛji, ni amɛhiɛ blɛoi yɛ amɛdɛŋ,

Kojolɔi 13:6

Kɛkɛ ni yoo lɛ ba ni ebakɛɛ ewu akɛ, “Nyɔŋmɔ gbɔmɔ ko ba miŋɔɔ. Ehiɛ tamɔ Nyɔŋmɔ bɔfo hiɛ, ehe yɛ gbeyei naakpa. Shi mibiii lɛ he ni ejɛ, ni lɛ hu etsɔ̃ɔɔ mi egbɛi.