Kpojiemɔ 6:9 - ŊMALƐ KRƆŊKRƆŊ LƐ

⁹ Ni be ni etse naasɔomɔ ni ji enumɔ lɛ, mina mɛi ni agbe yɛ Nyɔŋmɔ wiemɔ lɛ kɛ odase ni amɛye lɛ hewɔ lɛ asusumai yɛ afɔleshãa latɛ lɛ shishi.

Ṅmãle̱ Kroṅkroṅ Le̱

⁹ Ni beni etše nāso̱omo̱ ní dši enumo̱ le̱, mina mei ní agbe ye̱ Nyoṅmo̱ wiemo̱ le̱ hewo̱ ke̱ odase ní ame̱ye le̱ hewo le asusumai ye *afo̱lesãlate̱ le̱ šiši; *8,5; 14,18; 16,7.

Kpojiemɔ 6:9 ပူးပေါင်းရင်းမြစ်များ

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

2 Mose 29:12

Oŋɔ tsina lá lɛ eko koni okɛ owao atsɔ eko okpa afɔleshãa latɛ lɛ he akloŋtoi lɛ ahe, ni ofɔse lá ni eshwɛ lɛ fɛɛ oshwie afɔleshãa latɛ lɛ shishi.

3 Mose 4:7

Osɔfonukpa lɛ kɛ lá lɛ eko adiki tsofakɛŋmashãa latɛ ni yɔɔ Yehowa hiɛ yɛ Kpee Buu lɛ mli lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie afɔleshãa latɛ ni yɔɔ Kpee Buu lɛ shinaa lɛ naa lɛ shishi.

Yohane 16:2

Amɛaashwie nyɛ kɛaajɛ kpeehei lɛ. Ni be baaba tete, ni mɔ fɛɛ mɔ ni gbeɔ nyɛ lɛ aaasusu akɛ ekɛmiija Nyɔŋmɔ.

2 Korintobii 5:8

shi wɔyɛ tsui, ni esa wɔhiɛ moŋ akɛ wɔɔdom kɛjɛ gbɔmɔtso nɛɛ mli, ni wɔyahi shĩa yɛ Nuŋtsɔ lɛ ŋɔɔ.

Filipibii 1:23

shi miihao yɛ nibii enyɔ nɛɛ ateŋ; miishwe ni maje mli ni mikɛ Kristo ayahi shi, ejaakɛ no hi aahu;

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

2 Timoteo 1:8

No hewɔ lɛ, ohiɛ akagbo yɛ wɔNuŋtsɔ lɛ he odaseyeli lɛ he aloo yɛ mi ni mi ji egboklɛfonyo lɛ he, shi moŋ naa Sanekpakpa lɛ he amanehulu lɛ eko yɛ Nyɔŋmɔ hewalɛ naa.

2 Timoteo 4:6

Ejaakɛ mi lɛ, aafɔse mila aashwie shi momo akɛ afɔle, ni mimliyimɔ be lɛ eshɛ.

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,

Kpojiemɔ 1:2

Yohane ye Nyɔŋmɔ wiemɔ lɛ kɛ Yesu Kristo odase lɛ he odase, yɛ nibii fɛɛ ni ena lɛ he.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 14:18

Ni bɔfo kroko ni yɔɔ la nɔ hewalɛ je kpo kɛjɛ afɔleshãa latɛ lɛ mli, ni ebo etsɛ mɔ ni hiɛ nikpamɔ kakla ni naa ba lɛ kɛ gbee ni wa akɛ, “Okɛ okakla ni naa ba lɛ awo mli ni okpa shikpɔŋ lɛ nɔ waintso yibii lɛ ejaakɛ ewaintso yibii lɛ etsu!”

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:10

Ni miho migbee enaji anaa koni maja lɛ. Ni ekɛɛ mi akɛ, “Kwɛ, kaafee nakai! Bo kɛ onyɛmimɛi lɛ ni hiɛ Yesu odase lɛ mli lɛ anaanyo tsulɔ ji mi. Já Nyɔŋmɔ!” Ejaakɛ Yesu he odase lɛ ji gbalɛ mumɔ lɛ.

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Kpojiemɔ 8:3

Ni bɔfo kroko ba ni ebadamɔ afɔleshãa latɛ lɛ he, ni ehiɛ shika tsofakɛŋma shãanɔ, ni akɛ tsofakɛŋma babaoo hã lɛ, koni ekɛfata krɔŋkrɔŋbii lɛ fɛɛ asɔlemɔi lɛ ahe yɛ shika afɔleshãa latɛ lɛ ni ma maŋtsɛ sɛ̃i lɛ hiɛ lɛ nɔ.

Kpojiemɔ 9:13

Ni bɔfo ni ji ekpaa lɛ kpã etɛtrɛmantrɛ lɛ, ni minu gbee ko kɛjɛ shika afɔleshãa latɛ ni ma Nyɔŋmɔ hiɛ lɛ akloŋtoi ejwɛ lɛ mli