Kpojiemɔ 6:4 - ŊMALƐ KRƆŊKRƆŊ LƐ

⁴ Ni okpɔŋɔ kroko ni tsuɔ je kpo, ni mɔ ni ta enɔ lɛ, ahã lɛ hegbɛ ni ejie hejɔlɛ kɛjɛ shikpɔŋ lɛ nɔ koni mɛi agbegbee amɛhe, ni ahã lɛ klante kpeteŋkple ko.

Ṅmãle̱ Kroṅkroṅ Le̱

⁴ Ni okpo̱ṅo̱ kroko ní tšuo̱ dše kpo, ni moni tá eno̱ le̱, ahãle̱ hegbe̱ koni edšie hedšo̱le̱ ke̱-dše̱ šikpoṅ le̱ no̱ ní ame̱gbegbē ame̱he, ni ahãle̱ klante kpeteṅkple ko.

Kpojiemɔ 6:4 ပူးပေါင်းရင်းမြစ်များ

Lalai 17:13

Oo Yehowa, tee shi owo mihenyɛlɔi lɛ, ni obutu amɛ. Okɛ oklante lɛ ajie misusuma yɛ mɔ fɔŋ lɛ dɛŋ.

Daniel 5:19

ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Zakaria 1:8

“Mina ninaa ko nyɔɔŋ ni nuu ko ta okpɔŋɔ tsuru nɔ, ni edamɔ shi yɛ mirto tsei ateŋ yɛ jɔɔ ko mli. Ni okpɔŋɔi tsuji kɛ okpɔŋɔi okɔbɛŋi kɛ okpɔŋɔi yɛji hu damɔ shi yɛ esɛɛ.”

Zakaria 6:2

Klɛŋklɛŋ tayaa shwiili lɛ okpɔŋɔi tsuji ni gbalaa; ni shwiili ni ji enyɔ lɛ okpɔŋɔi diji ni gbalaa;

Mateo 10:34

“Nyɛkasusua akɛ miba ni mabahã hejɔlɛ aba shikpɔŋ lɛ nɔ; jeee hejɔlɛ hamɔ miba shi klante moŋ.

Mateo 24:6

Shi nyɛaanu tai kɛ tai atatsĩĩ ahe; nyɛkwɛa ni nyɛtsui akafãa; ejaakɛ esa akɛ nii nɛɛ fɛɛ aba mli, shi kɛ̃lɛ naagbee lɛ shɛko.

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.

Kpojiemɔ 17:3

Ni bɔfo lɛ kpala mi yɛ mumɔ mli kɛtee ŋa nɔ. Ni mina yoo ko ta kooloo tsuru fɔɔ ko nɔ ni kooloo nɛɛ he fɛɛ lɛ musubɔɔ gbɛii sɔŋŋ, ni eyɛ yitsei kpawo kɛ akloŋtoi nyɔŋma.

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.