Kpojiemɔ 6:17 - ŊMALƐ KRƆŊKRƆŊ LƐ

¹⁷ Ejaakɛ emlifu gbi wulu lɛ eshɛ, ni namɔ aaanyɛ shi adamɔ?”

Ṅmãle̱ Kroṅkroṅ Le̱

¹⁷ Edšake̱ emlifũ gbĩ wulu le̱ eše̱, ni namo aanyẽ ši adamo̱? Rom. 2,5.

Kpojiemɔ 6:17 ပူးပေါင်းရင်းမြစ်များ

Lalai 110:5

Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

Lalai 76:7

Shi bo lɛ, ohe yɛ gbeyei naakpa. Kɛji omli efu lɛ, namɔ aaanyɛ ohiɛ adamɔ?

Yesaia 63:4

Ejaakɛ oweletɔɔ gbi ko yɛ mitsui mli, ni mikpɔ̃mɔ afi lɛ eshɛ.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Yoel 2:1

Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Yoel 2:11

Yehowa woɔ egbee, ni efãa eta lɛ. Esra lɛ da naakpa, ni mɛi ni yeɔ efãmɔi lɛ anɔ lɛ, anyɛɛɛ amɛ akane. Yehowa gbi lɛ, ebaafee gbeyei! Namɔ po aaanyɛ naa adamɔ?

Yoel 2:31

Hulu aaawo duŋ, ni nyɔɔŋtsere aaatsu faa tamɔ lá. Dani Yehowa gbi wulu ni yɔɔ gbeyei lɛ aaaba.

Nahum 1:6

Namɔ aaanyɛ emlila naa adamɔ? Namɔ aaanyɛ emlifu ni naa wa lɛ naa ekpee? Emlifu tsɛ̃ɔ kɛbaa tamɔ la, ni efɛlɛɔ tɛsai amli.

Maleaki 3:2

Shi namɔ baanyɛ ekpee ebaa lɛ naa? Ni namɔ aaanyɛ shi adamɔ be ni eeebapue lɛ? Ejaakɛ etamɔ niiahetsuulɔ la loo niiahefɔlɔ samla.

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

Yuda 1:6

Ni ŋwɛi bɔfoi hu ni ehiɛɛɛ amɛnukpayeli lɛ mli, shi moŋ amɛshi amɛ diɛŋtsɛ amɛshihilɛhe lɛ, ekɛ naanɔ kpãi efimɔ amɛ eto duŋ kpii mli ehã Gbi Wulu lɛ nɔ kojomɔ lɛ.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

1 Samuel 6:20

Sane nɛɛ hã BetShemeshbii lɛ kɛɛ akɛ; “Namɔ po aaanyɛ Yehowa Nyɔŋmɔ krɔŋkrɔŋ nɛɛ hiɛ adamɔ? Ni kɛ adeka lɛ jɛ wɔŋɔɔ lɛ, namɛi aŋɔɔ po eeeya?”