Kpojiemɔ 6:16 - ŊMALƐ KRƆŊKRƆŊ LƐ

¹⁶ ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!

Ṅmãle̱ Kroṅkroṅ Le̱

¹⁶ ni *ame̱kē̱ gõdši le̱ ke̱ te̱sāi le̱ ake̱: Nyegbea wo̱ne̱, ni nyetēawo̱ ke̱-dše̱a moni tá maṅtše̱sẽi le̱ no̱ le̱ hĩe ke̱ tōbi le̱ mlifŭ le̱ nā. Luk. 23,30.

Kpojiemɔ 6:16 ပူးပေါင်းရင်းမြစ်များ

Lalai 14:5

Gbeyei kpele aaamɔmɔ amɛ, ejaakɛ Nyɔŋmɔ kɛ jalɔi lɛ yɛ.

Yesaia 2:10

Botemɔ tɛsaa tɛkplo mli, ni yaatee ohe yɛ su mli ni ojo Yehowa he gbeyei lɛ kɛ egbojee anunyam lɛ naa foi.

Yeremia 8:3

Jaku fɔŋ nɛɛ mli bii fɛɛ ni aaashwɛ yɛ hei fɛɛ ni mishwie amɛ kɛtee lɛ, amɛaashwe akɛ amɛgboi fe nɔ ni amɛaahi wala mli. Mi, Yehowa, Taiatsɛ mikɛɛ.”

Hosea 10:8

Betel gɔji lɛ ayiteiaŋ hei ni Israelbii lɛ jaa amãgãi yɛ ni amɛkɛgbo toi lɛ, aaakpãtã fɛɛ hiɛ. Ŋmei kɛ aŋlɛŋlɛi baakwɛ̃ yɛ afɔleshãa latɛi lɛ anɔ yɛ jɛi. Gbɔmɛi nɛɛ baabolɔ amɛkɛɛ gɔji lɛ akɛ, “Nyɛhaa wɔnɔ!” Ni amɛaakɛɛ gɔ̃ŋkpɔi lɛ hu akɛ, “Nyɛbashwiea wɔnɔ!”

Mateo 26:64

Yesu kɛɛ lɛ akɛ, “Okɛɛ. Shi miikɛɛ nyɛ akɛ, kɛjɛ be nɛ nɔ kɛyaa nɛɛ, nyɛaana Gbɔmɔ Bi lɛ akɛ eta Hewalɛ lɛ ninejurɔ nɔ, ni eeba yɛ ŋwɛi atatui lɛ amli.”

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

Luka 23:30

No mli lɛ amɛaabɔ̃i gɔji lɛ akɛɛmɔ akɛ, ‘Nyɛbagbea wɔnɔ!’ Kɛ gɔ̃ŋkpɔi lɛ hu akɛ, ‘Nyɛbahaa wɔnɔ!’

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kpojiemɔ 4:2

Kɛkɛ lɛ amrɔ lɛ mumɔ lɛ yi minɔ; ni naa, maŋtsɛ sɛ̃i ko ma shi yɛ ŋwɛi, ni mɔ ko ta maŋtsɛ sɛ̃i lɛ nɔ.

Kpojiemɔ 4:5

Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,

Kpojiemɔ 5:1

Ni mina wolo ko yɛ mɔ ni ta maŋtsɛ sɛi lɛ nɔ lɛ ninejurɔ, ni aŋma nii yɛ emli kɛ esɛɛ fɛɛ, ni asɔo naa kɛ naasɔomɔi kpawo.

Kpojiemɔ 6:10

Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”

Kpojiemɔ 9:6

Ni nakai gbii lɛ amli lɛ gbɔmɛi aaatao gbele, shi amɛnaŋ, ni amɛaashwe ni amɛgboi, shi gbele aaajo amɛnaa foi.