Kpojiemɔ 6:14 - ŊMALƐ KRƆŊKRƆŊ LƐ

¹⁴ Ni ŋwɛi tsi ehe kɛtee sɛɛ tamɔ wolo ni aakota; ni atsirɛ gɔŋ fɛɛ gɔŋ kɛ ŋshɔkpɔ fɛɛ ŋshɔkpɔ kɛje egbɛhe.

Ṅmãle̱ Kroṅkroṅ Le̱

¹⁴ ni ṅwei tši ehe ke̱-te tamo̱ akotaä wolo; ni atšire̱ goṅ-fẽ-goṅ ke̱ ṅšo̱kpo̱-fẽ-ṅšo̱kpo̱ ke̱-dše̱ ame̱gbe̱hei.

Kpojiemɔ 6:14 ပူးပေါင်းရင်းမြစ်များ

Lalai 102:26

Nomɛi ahiɛ aaakpãtã, shi bo lɛ oyɛ daa. Amɛ fɛɛ amɛaatserɛ tamɔ atade; otsakeɔ amɛ tamɔ mama, ni amɛhoɔ amɛyaa.

Yesaia 34:4

Hulu kɛ nyɔɔŋtsere kɛ ŋulamii aaasere, ni aaakota ŋwɛi tamɔ wolo. Amɛtabilɔi lɛ fɛɛ aaatswiatswia shi tamɔ baa kpalaa yɛ waintso nɔ loo agbãmitso nɔ lɛ.

Yesaia 54:10

Gɔji lɛ aaaje amɛshihilɛhei lɛ aya, ni gɔŋkpɔi lɛ hu aaafamɔ kɛaatee nɛ, shi suɔmɔ ni miyɔɔ ha bo lɛ tsakeŋ, ni mi kɛ bo teŋ toiŋjɔlɛ kpãŋmɔ lɛ hu mikuŋ mli.” Bɔ ni Yehowa mɔ ni musuŋ tsɔ̃ɔ lɛ yɛ ohe lɛ kɛɛ nɛ,

Yeremia 3:23

Eji anɔkwa akɛ gɔji lɛ ayiteiaŋ jamɔ hoo lɛ lakamɔ sɔŋŋ kɛkɛ ni. Anɔkwa, Yehowa, wɔNyɔŋmɔ lɛ, lɛ edɛŋ Israel yiwalaheremɔ yɔɔ.

Yeremia 51:25

Ao, Babilon ni otsɔ̃ ohe gɔŋ ni oofite shikpɔŋ tso muu lɛ fɛɛ, naa, mikɛ bo ena; mawo minine nɔ yɛ onɔ, ni makoklo bo kɛjɛ tɛsai lɛ anɔ matswa shi, ni mahã otsɔ̃ gɔŋ ni eshã.

Ezekiel 38:20

Nakai gbi lɛ nɔ lɛ ŋshɔŋloi kɛ ŋwɛi loofɔji kɛ ŋaŋ kooloi kɛ waamɔnii fɛɛ ni wamɔɔ yɛ shikpɔŋ lɛ nɔ lɛ kɛ gbɔmɛi fɛɛ ni yɔɔ shikpɔŋ lɛ nɔ lɛ he baakpokpo yɛ mihegbeyei naa. Abaatsirɛ gɔji atswia shi, ni tɛsai ni kwɔlɔ lɛ baagbeegbee shi, ni aaawule gbogbo fɛɛ gbogbo ashwie shi.

Nahum 1:5

Gɔji hosoɔ yɛ ehiɛ, gɔ̃ŋkpɔi lɛ sereɔ: Shikpɔŋ lɛ hiɛ kpãtãa yɛ ehiɛ, ni je lɛ kɛ emli bii fɛɛ hu ahiɛ kpãtãa.

Habakuk 3:10

Gɔji lɛ na bo, ni amɛhosohosoo; nu tue kɛbaho yoo. Bu kwɔŋkwɔŋ lɛ wo egbee; ehole eniji anɔ kɛtee ŋwɛi.

Habakuk 3:6

Ewa edamɔ shi, ni shikpɔŋ hoso, Ekwɛ, ni maji lɛ ahe kpokpo. Naanɔ gɔji lɛ gbɛ shwã ni naanɔ gɔŋkpɔi lɛ ba shi, yɛ hei ni enyiɛ blema ko lɛ.

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

Kpojiemɔ 16:20

Ni ŋshɔkpɔ fɛɛ ŋshɔkpɔ laaje, ni gɔji lɛ anãaa dɔŋŋ.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kpojiemɔ 21:1

Ni mina ŋwɛi hee kɛ shikpɔŋ hee; ejaakɛ tsutsu ŋwɛi lɛ kɛ tsutsu shikpɔŋ lɛ eho etee, ni ŋshɔ bɛ dɔŋŋ.