Kpojiemɔ 6:12 - ŊMALƐ KRƆŊKRƆŊ LƐ

¹² Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Ṅmãle̱ Kroṅkroṅ Le̱

¹² Ni mina beni etše nāso̱omo̱ ní dši ekpa le̱, ni na, šikpoṅ hoso babaō, ni *hũlũ tšṍ ediṅ tamo̱ tšo̱i-kotoku, ni nyoṅtšere mŭ le̱ tšṍ tamo lá; *Ies. 13,10. Ioel 3,3. 4. Luk. 21,25.

Kpojiemɔ 6:12 ပူးပေါင်းရင်းမြစ်များ

Yesaia 24:23

Nyɔɔŋtsere kpɛŋ, ni hulu etsoŋ, ejaakɛ Yehowa, Taiatsɛ lɛ, baaye nɔ yɛ Zion Gɔŋ lɛ nɔ, yɛ Yerusalɛm, ni ebaajie enunyam lɛ kpo etsɔ̃ɔ maŋ lɛ mli onukpai lɛ.”

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 34:4

Hulu kɛ nyɔɔŋtsere kɛ ŋulamii aaasere, ni aaakota ŋwɛi tamɔ wolo. Amɛtabilɔi lɛ fɛɛ aaatswiatswia shi tamɔ baa kpalaa yɛ waintso nɔ loo agbãmitso nɔ lɛ.

Yesaia 50:3

Mihãa ŋwɛi dĩɔ, ni ebuɔ kpekpe.”

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Yoel 3:15

Hulu kɛ nyɔɔŋtsere ewo duŋ, ni ŋulamii efɔ̃ɔ kpɛmɔ.

Amos 1:1

Amos, ni ji tookwɛlɔ ko ni jɛ Tekoa maŋ lɛ mli lɛ, gbalɛ wiemɔi nɛ. Naa Nyɔŋmɔ jie ninaa nɛɛ yɛ Israel he etsɔ̃ɔ Amos afii enyɔ dani shikpɔŋ hoso, be mli ni Uzia yeɔ Yuda maŋtsɛ, ni Yeroboam, Yehoash bi lɛ, hu yeɔ Israel maŋtsɛ lɛ.

Amos 8:9

Nuŋtsɔ Nyɔŋmɔ kɛɛ akɛ, “Nakai gbi lɛ nɔ lɛ, mibahã hulu anyɔ shi shwane koni duŋ awo yɛ shikpɔŋ lɛ nɔ shwane fintiŋŋ.

Zakaria 14:5

Nyɛbaajo foi kɛtsɔ̃ jɔɔ ni kã migɔŋ ni emli egba enyɔ lɛ mli. Nyɛbaajo foi tamɔ bɔ ni nyɛtsɛmɛi lɛ jo foi be ni shikpɔŋ hoso yɛ Yuda maŋtsɛ Uzia yinɔ lɛ. No sɛɛ lɛ, Yehowa, miNyɔŋmɔ lɛ kɛ emɛi krɔŋkrɔŋi lɛ fɛɛ baaba abapue.

Mateo 11:21

“Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, eji atsu yɛ Tiro kɛ Sidon kulɛ amɛtsake amɛtsui yɛ kpekpe kɛ lamlu mli jeeŋmɔ.

Mateo 24:29

“Shi nakai gbii lɛ amli amanehului lɛ asɛɛ nɔŋŋ lɛ, hulu aaawo duŋ, ni nyɔɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso.

Mateo 24:7

Shi maŋ aaate shi awo maŋ, ni maŋtsɛyeli aaate shi awo maŋtsɛyeli; ni hɔ̃ji kɛ shikpɔŋ hosomɔi aaaba hei srɔtoi.

Mateo 27:45

Shi kɛjɛ shwane ŋmɛlɛ nyɔŋma kɛ enyɔ kɛyashi ŋmɛji etɛ̃ lɛ duŋ wo yɛ shikpɔŋ lɛ nɔ fɛɛ.

Mateo 27:54

Shi be ni asraafoiohaatsɛ lɛ kɛ mɛi ni kɛ lɛ buɔ Yesu he lɛ na shikpɔŋ hosomɔ lɛ kɛ nii ni afee lɛ, amɛshe gbeyei tsɔ̃, ni amɛkɛɛ, “Lɛɛlɛŋ, Nyɔŋmɔ Bi nɛ!”

Mateo 28:2

Ni naa, shikpɔŋ ehoso waa, ejaakɛ Nuŋtsɔ lɛ bɔfo jɛ ŋwɛi kpeleke shi, ni ebakoklo tɛ lɛ kɛtee sɛɛ, ni eho eta nɔ.

Marko 15:33

Ni be ni shɛ ŋmɛlɛ nyɔŋma kɛ enyɔ lɛ, duŋ wo yɛ shikpɔŋ lɛ nɔ fɛɛ kɛyashi ŋmɛji etɛ̃ mli.

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 16:18

Ni srawai gbala kɛ gbɛɛmɔ, ni nyɔŋmɔ shimɔ, ni shikpɔŋ hoso waa diɛŋtsɛ; nɛkɛ shikpɔŋ hosomɔ gbeyeigbeyei nɛɛ, asonɔkwa, anako eko dã kɛjɛ beyinɔ ni abɔ gbɔmɔ adesa kɛba shikpɔŋ lɛ nɔ nɛɛ.

Kpojiemɔ 16:8

Ni bɔfo ni ji ejwɛ lɛ fɔse etɔ lɛ mli nii lɛ eshwie hulu nɔ; ni ahã lɛ hewalɛ ni ekɛ la ashã gbɔmɛi.

Kpojiemɔ 8:12

Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.