Kpojiemɔ 6:10 - ŊMALƐ KRƆŊKRƆŊ LƐ

¹⁰ Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”

Ṅmãle̱ Kroṅkroṅ Le̱

¹⁰ ni *ame̱blo̱ ke̱ gbē wā ake̱: Owura kroṅkroṅ ke̱ ano̱kwafo, †mẽ beyino̱ po ookodšo ní ooto̱ wo̱lá le̱ he owele ye̱ mei ní hĩo̱ šikpoṅ le̱ no̱ le̱ ano̱? *1 Mose 4,10. †Kpods. 18,10.

Kpojiemɔ 6:10 ပူးပေါင်းရင်းမြစ်များ

1 Mose 4:10

Ni Yehowa kɛɛ lɛ akɛ, “Mɛni ofee nɛɛ? Onyɛmi lɛ la miibolɔ kɛmiijɛ shikpɔŋ sũ mli eetsɛ mi.

Lalai 119:84

Mɛɛbe otsulɔ aaamɛ kɛyashi? Mɛɛbe ooogbala mɛi ni waa mi yi lɛ atoi.

Lalai 13:1

Yehowa, kɛyaashi mɛɛ beyinɔ po ni ohiɛ aaakpa minɔ? Kɛyaashi naanɔ tɔ̃ɔ lo? Okɛ ohiɛ baatee mi kɛyaashi mɛɛbe?

Lalai 35:17

Oo Yehowa, mɛɛbe oookwɛ enɛ kɛyashi? Jiemɔ mi kɛje amɛdɛŋ hiɛkpãtãmɔ mli, heremɔ miyiwala kɛjɛ jatai nɛɛ adɛŋ.

Lalai 79:10

Mɛni hewɔ esa akɛ maji lɛ akɛɛ akɛ, “Nɛgbɛ amɛNyɔŋmɔ lɛ yɔɔ?” Hã majimaji lɛ ale, ni hã wɔ hu wɔna kɛ wɔhiŋmɛi, nɔ owele ni obaatɔ yɛ otsuji lɛ ala shi ni ashwie lɛ hewɔ.

Lalai 9:12

Ejaakɛ lɛ mɔ ni etɔɔ lá he owele lɛ, ekaiɔ mɛi ni piŋɔ; ni ehiɛ kpaaa nɔnalɔi abolɔmɔ nɔ.

Yesaia 61:2

Etsu mi koni mibashiɛ akɛ Yehowa dromɔ afi lɛ kɛ wɔNyɔŋmɔ lɛ oweletɔɔ gbi lɛ eshɛ, koni mishɛje ŋkɔmɔyelɔi fɛɛ amii.

Yāfó 3:64

“Ao! Yehowa, feemɔ amɛ otse, yɛ amɛnifeemɔ nii lɛ anaa.

Daniel 12:6

Ni mɔ kome kɛɛ nuu lɛ ni wo klala ni yɛɔ, mɔ ni yɔɔ faa lɛ sɛɛ lɛ akɛ, “Mɛɛ beyinɔ aaagbe nɛkɛ naakpɛɛnii nɛɛ anaa?”

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

Zakaria 1:12

Kɛkɛ ni Yehowa bɔfo lɛ wo egbee nɔ ekɛɛ, “Ao, Yehowa, afii nyɔŋmai kpawo sɔŋŋ nɛ ni omli fu Yerusalɛm kɛ Yuda maji lɛ. Mɛɛbe omusuŋ aaatsɔ̃ bo yɛ amɛhe?”

Luka 2:29

“Agbɛnɛ ooohã otsulɔ aya, Nuŋtsɔ, yɛ owiemɔ lɛ naa, yɛ hejɔlɛ mli;

Luka 21:22

Ejaakɛ oweletɔɔ gbii lɛ nɛ, koni nibii fɛɛ ni aŋma lɛ aba mli.

Romabii 12:19

Suɔlɔi, nyɛkatɔa nyɛ diɛŋtsɛ nyɛhe owele, shi moŋ nyɛŋmɛa Nyɔŋmɔ mlifu lɛ gbɛ; ejaakɛ aŋma akɛ, “Minɔ ji oweletɔɔ, mi mato najiaŋ, Nuŋtsɔ lɛ kɛɛ.”

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

2 Petro 2:1

Shi amalegbalɔi hu te shi yɛ Israelbii lɛ ateŋ, tamɔ bɔ ni amaletsɔ̃ɔlɔi baaba nyɛ hu nyɛteŋ lɛ. Amɛkɛ hiɛkpãtãmɔ tsɔ̃ɔmɔi aaaba nigii, ni Nuŋtsɔ lɛ ni kpɔ̃ amɛ lɛ po, amɛaakwa lɛ, ni amɛkɛ hiɛkpãtãmɔ ni he yɔɔ oya aaaba amɛ diɛŋtsɛ amɛnɔ.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 18:24

Ni emli ana gbalɔi kɛ krɔŋkrɔŋbii kɛ mɛi fɛɛ ni agbe yɛ shikpɔŋ lɛ nɔ lɛ ala lɛ yɛ.

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,

Kojolɔi 16:28

Kɛkɛ ni Samson tsɛ Yehowa ni ekɛɛ, “Ao Nuŋtsɔ Nyɔŋmɔ, miikpa bo fai, kaimɔ mi ni ohã mi hewalɛ shi kome nɛɛ kɛkɛ. Naa Nyɔŋmɔ, hã matɔ mihiŋmɛii enyɔ nɛɛ he owele shi kome yɛ Filistibii lɛ anɔ!”

1 Samuel 24:12

Mikɛ misane lɛ fɛɛ ehã Yehowa koni eye ehã mi; ni lɛ nɔŋŋ ebaatɔ mihe owele yɛ onɔ; shi mi ni ji mi lɛ, mikɛ minine esaŋ ohe kɔkɔɔkɔ.