Kpojiemɔ 5:6 - ŊMALƐ KRƆŊKRƆŊ LƐ

⁶ Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Ṅmãle̱ Kroṅkroṅ Le̱

⁶ Ni mikwe̱, ni na, maṅtše̱sẽi le̱ ke̱ hĩekãlo̱i edſe̱ le̱ teṅ, ke̱ onukpai nyoṅmai-enyo̱ ke̱ edſe̱ le̱ teṅ le̱, *tōbi ko damo ši tamo̱ noni ágbele̱, ni eye aklontoi kpawo ke̱ †hĩṅme̱ii kpawo ní dši Nyoṅmo̱ **mumo̱i kpawo le̱ ní atšũ ke̱-te šikpoṅ le̱ fẽ no̱ le̱. *Ies. 53,7. Ioh. 1,23. 36. †Zak. 4,10. **Kpods. 4,5.

Kpojiemɔ 5:6 ပူးပေါင်းရင်းမြစ်များ

2 Kronika 16:9

Yehowa, ehiŋmɛi kã je lɛ fɛɛ he, ni ehãa mɛi fɛɛ ni yeɔ lɛ anɔkwa kɛ amɛtsui fɛɛ lɛ naa hewalɛ. Oye kwashiai asane pam, ni no hewɔ lɛ, kɛjɛ kɛyaa nɛɛ lɛ, taitai sɔŋŋ ahe obaakã.”

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 8:3

Be ni miwo mihiɛ nɔ lɛ, mina gwantɛŋ nuu agbo ko damɔ faa lɛ naa. Eyɛ aklontoi enyɔ; aklontoi nɛɛ kwɔlɔ naakpa, ni ekome kwɔ fe ekome; shi aklontoi lɛ ateŋ nɔ ni kwɔ lɛ no moŋ ji aklonto ni gwantɛŋ nuu lɛ je sɛɛkpee.

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Habakuk 3:4

Ekpɛmɔ lɛ tamɔ la; la kpɛlɛɔ kɛjɛɔ edɛŋ he ni ji ehewalɛ teemɔhe lɛ.

Zakaria 3:9

Asaŋ mikɛ tɛ koome ni yɛ hiɛi kpawo ema Yoshua hiɛ, ni makpɛ niŋmaa yɛ nakai tɛ lɛ nɔ, Yehowa Taiatsɛ lɛ kɛɛ. Ni mikɛ gbi kome baagbe shikpɔŋ lɛ tɔ̃mɔ fɛɛ.

Zakaria 4:10

Mɔ fɛɛ mɔ ni gbe nitsumɔ lɛ ni eyaaa nɔ lɛ he guɔ lɛ baana Zerubabel ni ehiɛ tsumalɔi akulomulo lɛ yɛ edɛŋ ekɛ miitswa Sɔlemɔ we lɛ, ni amɛbaanya. Kanetsei kpawo nɛɛ ji Yehowa hiŋmɛii ni ekɛkwɛɔ jeŋ muu lɛ fɛɛ lɛ.”

4 Mose 7:39

tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛ amɛ baashã shãa afɔle

4 Mose 7:57

kɛ tsina oblanyo kome kɛ ojwɛni kome kɛ too gwantɛŋ binuu kome ni eye afi ni akɛbaashã shãa afɔle,

Luka 1:69

Ni etee walaheremɔ aklonto shi ehã wɔ yɛ etsulɔ David we lɛ.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 1:36

ni be ni Yesu hoɔ lɛ, ekwɛ lɛ ni ekɛɛ, “Naa Nyɔŋmɔ Toobi lɛ!”

Bɔfoi 8:32

Shi ŋmalɛ lɛ he ni ekaneɔ lɛ nɛ, “Akpala lɛ kɛtee tamɔ too gwantɛŋ ni ayaagbe lɛ, ni bɔ ni too gwantɛŋbi feɔ dioo yɛ ehetsɔikulɔ hiɛ lɛ, nakai nɔŋŋ etswaaa esɛŋ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 14:1

Ni mikwɛ, ni naa, Toobi lɛ damɔ Zion Gɔŋ lɛ nɔ, ni mɛi akpei oha kɛ nyɔŋmai ejwɛ kɛ ejwɛ ni aŋma egbɛi kɛ eTsɛ gbɛi yɛ amɛhiɛŋtsei anɔ fata ehe.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 21:22

Ni minaaa Sɔlemɔtsu yɛ mli, ejaakɛ Nuŋtsɔ Nyɔŋmɔ Ofe lɛ kɛ Toobi lɛ ji eSɔlemɔtsu.

Kpojiemɔ 21:23

Ni hulu loo nyɔɔŋtsere kpɛmɔ he ehĩaaa maŋ lɛ, ejaakɛ Nyɔŋmɔ anunyam lɛ kpɛɔ yɛ mli, ni Toobi lɛ ji ela.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:3

Ni musu ko musu ko bɛ dɔŋŋ. Ni Nyɔŋmɔ kɛ Toobi lɛ maŋtsɛ sɛ̃i lɛ aaama maŋ lɛ mli; ni etsuji lɛ aaasɔ̃mɔ lɛ;

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Kpojiemɔ 5:11

Ni mikwɛ, ni minu bɔfoi pii ni ebɔle maŋtsɛ sɛ̃i lɛ kɛ hiɛkãalɔi lɛ kɛ onukpai lɛ kɛkpe lɛ agbee, ni amɛyibɔ huuhai abɔ kɛ akpe toi abɔ

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”

Kpojiemɔ 5:13

Ni minu ni bɔɔnii fɛɛ ni yɔɔ ŋwɛi kɛ shikpɔŋ lɛ nɔ kɛ shikpɔŋ lɛ shishi kɛ ŋshɔ hiɛ kɛ nii fɛɛ ni yɔɔ amɛmli lɛ kɛɛ akɛ, “Jɔɔmɔ kɛ woo kɛ anunyam kɛ nɔyeli ahã mɔ ni ta maŋtsɛ sɛi lɛ nɔ lɛ kɛ Toobi lɛ kɛya naanɔi anaanɔ!”

Kpojiemɔ 5:14

Ni hiɛkãalɔi ejwɛ lɛ kɛɛ “Amen!” Ni onukpai lɛ ho gbee shi, ni amɛja.

Kpojiemɔ 6:16

ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!

1 Samuel 2:10

Yehowa henyɛlɔi lɛ, aaakumɔ amɛ dukuduku ashwie shi; eeehã ŋwɛi ashimɔ awo amɛ; Yehowa ji je lɛ fɛɛ hiɛnyiɛlɔ; ebaahã emaŋtsɛ lɛ ana hewalɛ, ni emɔ ni efɔ lɛ mu lɛ eeehã eye kunim.”