Kpojiemɔ 5:5 - ŊMALƐ KRƆŊKRƆŊ LƐ

⁵ Ni onukpai lɛ ateŋ mɔ kome kɛɛ mi akɛ, “Kaafo! Naa, jata lɛ ni jɛ Yuda akutso lɛ mli lɛ, mɔ ni ji David shishifã lɛ, eye kunim ni ebaanyɛ egbele wolo lɛ naa ní etserɛ enaasɔomɔi kpawo lɛ.”

Ṅmãle̱ Kroṅkroṅ Le̱

⁵ Ni onukpai le̱ ateṅ mokome kē̱mi ake̱: Kāfó! na, *dšata le̱ ni dše̱ Iuda akutšo le̱ mli le̱, moni dši David †sišifã le̱, eye kũnim ni egble wolo le̱ nā, ni etšere̱ enāso̱omo̱i kpawo le̱. *1 Mose 49,9. 10. †Ies. 11,1. 10. Kpods. 22,16.

Kpojiemɔ 5:5 ပူးပေါင်းရင်းမြစ်များ

1 Maŋtsɛmɛi 10:20

Ni jatai nyɔŋma kɛ enyɔ damɔ atrakpoi ekpaa lɛ anɔ yɛ biɛ kɛ biɛ. Maŋtsɛ sɛ̃i ko kwraa bɛ maŋtsɛyelihe ko ni tamɔ no.

2 Kronika 9:18

Akwɔɔ atrakpoi ekpaa dani ashɛɔ maŋtsɛ sɛi nɛɛ he; ni nane shi maŋoo ni akɛ shika eha he hu ma maŋtsɛ sɛi lɛ hiɛ. Nine yɛ maŋtsɛ sɛi lɛ he biɛ kɛ biɛ, ni jata ni ashɔ̃ kome damɔ sɛi lɛ nine lɛ masɛi.

Hiob 41:15

Ehe totoi ni ato amɛ klɛmpɛiklɛmpɛi tsara nɔ ha ekoto sɛɛ, ni atsara amɛ tamɔ nɔ ni asɔo amɛnaa.

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 11:10

Be miiba be ni maŋtsɛ ni aaajɛ Ishai mli lɛ baatsɔ̃ tamɔ aflaŋaa ni ashi ahã majimaji lɛ. Lɛ esɛɛgbɛ maji lɛ fɛɛ aaatao, ni eshihilɛhe lɛ hiɛ baaba nyam.

Yeremia 31:16

Bɔ ni Yehowa kɛɔ nɛ, “Fɔ̃ɔmɔ yaafo lɛ, ohiŋmɛiŋ akakpala nu; ejaakɛ abaawo bo onii ni otsu lɛ he nyɔmɔ. Mi, Yehowa, mikɛɛ akɛ, Obii lɛ baaku amɛsɛɛ kɛjɛ henyɛlɔ lɛ shikpɔŋ lɛ nɔ kɛba.

Daniel 7:16

Mitsi mibɛŋkɛ mɛi ni damɔ jɛi lɛ ateŋ mɔ kome, ni mibi lɛ koni etsɔ̃ɔ mi ninaa lɛ shishi kɛ anɔkwale krɛdɛɛ ni yɔɔ mli lɛ; ni etsɔ̃ɔ mi nibii lɛ ashishi.

4 Mose 24:9

Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

Luka 23:28

Shi Yesu tsɔ̃ ehe ehã amɛ ni ekɛɛ, “Yerusalɛm biyei, nyɛkafoa yɛ mihewɔ; shi moŋ nyɛfoa yɛ nyɛ diɛŋtsɛ kɛ nyɛbii ahewɔ.

Luka 7:13

Ni be ni Nuŋtsɔ lɛ na lɛ lɛ, emusuŋ tsɔ̃ lɛ yɛ ehe, ni ekɛɛ lɛ akɛ, “Kaafo!”

Luka 8:52

Ni mɛi lɛ fɛɛ miifo ni amɛmiiye gbekɛ lɛ he ŋkɔmɔ. Shi ekɛɛ, “Nyɛkafoa; egboko, shi wɔ ewɔ.”

Yohane 20:13

Ni amɛbi lɛ akɛ, “Awo, mɛɛba ofoɔ?” Ekɛɛ amɛ akɛ, “Ejaakɛ amɛwo miNuŋtsɔ lɛ kɛtee, ni mileee he ni amɛkɛ lɛ eyaŋmɛ.”

Romabii 1:3

Sanekpakpa nɛɛ kɔɔ eBi lɛ, mɔ ni yɛ heloo gbɛfaŋ lɛ ajɛ David shwiei lɛ mli afɔ lɛ lɛ, he.

Romabii 15:12

Ni asaŋ Yesaia kɛɛ akɛ, “Ishai shishifã lɛ aaaba, mɔ hu ni aaate shi koni ebaye jeŋmaji lɛ anɔ lɛ; lɛ enɔ jeŋmaji lɛ kɛ amɛhiɛ aaafɔ̃.”

Hebribii 7:14

ejaakɛ eyɛ faŋŋ akɛ Yuda mli wɔNuŋtsɔ lɛ jɛ, shi nakai akutso lɛ Mose ewieee he nɔ ko yɛ osɔfoyeli hewɔ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 5:4

Ni mifo aahu, ejaakɛ anãaa mɔ ko mɔ ko ni sa akɛ egbele wolo lɛ naa loo ekwɛ mli.

Kpojiemɔ 6:1

Ni mina akɛ Toobi lɛ tse naasɔomɔi kpawo lɛ ekome; ni minu ni hiɛkãalɔi ejwɛ lɛ ateŋ mɔ kome kɛ gbee ni tamɔ nyɔŋmɔshimɔ gbee kɛɛ, “Ba!”

Kpojiemɔ 7:13

Ni onukpai lɛ ateŋ mɔ kome bi mi akɛ, “Mɛi ni wo atadei yɛji nɛɛ, namɛi ni, ni nɛgbɛ amɛjɛ?”