Kpojiemɔ 5:13 - ŊMALƐ KRƆŊKRƆŊ LƐ

¹³ Ni minu ni bɔɔnii fɛɛ ni yɔɔ ŋwɛi kɛ shikpɔŋ lɛ nɔ kɛ shikpɔŋ lɛ shishi kɛ ŋshɔ hiɛ kɛ nii fɛɛ ni yɔɔ amɛmli lɛ kɛɛ akɛ, “Jɔɔmɔ kɛ woo kɛ anunyam kɛ nɔyeli ahã mɔ ni ta maŋtsɛ sɛi lɛ nɔ lɛ kɛ Toobi lɛ kɛya naanɔi anaanɔ!”

Ṅmãle̱ Kroṅkroṅ Le̱

¹³ Ni minu ake̱ bō̱nii fẽ ni yo̱ ṅwei ke̱ šikpoṅ le̱ no̱ ke̱ šikpoṅ le̱ šiši ke̱ ṅšo̱ hīe ke̱ nii fẽ ní yo̱ ame̱mli le̱ kē̱ ake̱: Aṅõ dšō̱mo̱ ke̱ agbodšē ke̱ anumnyam ke̱ no̱yeli le̱ áhã moni tá maṅtše̱sẽi le̱ no̱ le̱ ke̱ tōbi le̱ ke̱-dše̱ nāno̱ ke̱-ya nāno̱!

Kpojiemɔ 5:13 ပူးပေါင်းရင်းမြစ်များ

1 Kronika 29:11

Yehowa, oda ni Bo oyɔɔ hewalɛ kɛ anunyam; oyeɔ nii fɛɛ nɔ kunim, ni oje agbo ejaakɛ nɔ fɛɛ nɔ ni yɔɔ ŋwɛi kɛ shikpɔŋ lɛ nɔ lɛ onɔ ni. Yehowa, bo ji maŋtsɛ ni ota nii fɛɛ nɔ akɛ yitso.

Yesaia 24:14

Mɛi ni aaashwɛ lɛ aaahole amɛgbei anɔ amɛaala kɛ miishɛɛ. Mɛi aaajɛ anaigbɛ amɛbɔ oshe kɛkafo Yehowa agbojee,

Yesaia 42:10

Nyɛlaa lala hee nyɛhãa Yehowa; nyɛlaa nyɛkɛjiea eyi kɛjɛ shikpɔŋ lɛ naagbeehei lɛ! Nyɛjiea eyi, nyɛ mɛi ni nyɛnyiɛɔ ŋshɔ hiɛ; nyɛjiea eyi, nyɛ ŋshɔ mli bɔɔnii fɛɛ! Nyɛlaa, nyɛ ŋshɔ naa shikpɔji, ni nyɛ mɛi ni nyɛyɔɔ ŋshɔ naa shikpɔji lɛ anɔ hu, nyɛjiea eyi!

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Luka 2:14

“Anunyam ahã Nyɔŋmɔ yɛ ŋwɛi flooflo, ni hejɔlɛ aba shikpɔŋ lɛ nɔ, ni ana gbɔmɛi ahe tsuijurɔ!”

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Romabii 16:27

lɛ Nyɔŋmɔ ni ji nilelɔ kometoo lɛ, aŋɔ anunyam ahã lɛ, yɛ Yesu Kristo mli kɛyashi naanɔ. Amen!

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

Efesobii 3:21

lɛ aŋɔ anunyam ahã yɛ asafo lɛ mli kɛ Kristo Yesu mli yɛ yinɔi fɛɛ nɔ kɛyashi naanɔi anaanɔ. Amen!

Filipibii 2:10

koni mɛi ni yɔɔ ŋwɛi kɛ mɛi ni yɔɔ shikpɔŋ lɛ nɔ kɛ mɛi ni yɔɔ shikpɔŋ lɛ shishi lɛ ateŋ mɔ fɛɛ mɔ nakutso akula shi yɛ Yesu gbɛi lɛ mli;

Kolosebii 1:23

Shi esa ni nyɛhiɛ hemɔkɛyeli lɛ mli ni nyɛdamɔ shi shiŋŋ yɛ shishitoo lɛ nɔ, ni nyɛkatsi nyɛhe kɛjɛ Sanekpakpa lɛ hiɛnɔkãmɔ lɛ he, Sanekpakpa lɛ ni nyɛnu ni ashiɛɔ atsɔ̃ɔ bɔɔnii fɛɛ ni yɔɔ ŋwɛi shishi, ni mi Paulo misɔ̃mɔɔ yɛ he lɛ.

1 Timoteo 4:16

Ohiɛ ahi ohe nɔ, ohiɛ ahi tsɔ̃ɔmɔ lɛ nɔ, hii shi yɛ nii nɛɛ amli; ejaakɛ kɛji ofee enɛ lɛ, ooohere bo diɛŋtsɛ kɛ mɛi ni boɔ bo toi lɛ fɛɛ ayiwala.

1 Petro 4:11

Kɛ wiemɔ mɔ ko wieɔ lɛ, ewie lɛ akɛ Nyɔŋmɔ wiemɔi; kɛ sɔ̃ɔmɔ mɔ ko sɔ̃mɔɔ lɛ, esɔ̃mɔ akɛ hewalɛ ni Nyɔŋmɔ hãa lɛ lɛ mli ejeɔ esɔ̃mɔɔ, koni atsɔ̃ Yesu Kristo nɔ awo Nyɔŋmɔ hiɛ nyam yɛ nii fɛɛ mli; lɛ enɔ ji anunyam lɛ kɛ hewalɛ lɛ kɛyashiɔ naanɔi anaanɔ lɛ. Amen!

1 Petro 5:11

Lɛ nɔŋŋ aaaŋɔ hewalɛ ahã kɛaatee naanɔi anaanɔ lɛ. Amen!

Yuda 1:25

Nyɔŋmɔ koome ni ji wɔyiwalaherelɔ kɛtsɔ̃ wɔNuŋtsɔ Yesu Kristo nɔ lɛ, lɛ aŋɔ anunyam kɛ agbojee kɛ hewalɛ kɛ hegbɛ ahã kɛjɛ naanɔ agbɛnɛ kɛ naanɔ fɛɛ. Amen!

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 5:1

Ni mina wolo ko yɛ mɔ ni ta maŋtsɛ sɛi lɛ nɔ lɛ ninejurɔ, ni aŋma nii yɛ emli kɛ esɛɛ fɛɛ, ni asɔo naa kɛ naasɔomɔi kpawo.

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”

Kpojiemɔ 5:3

Ni anãaa mɔ ko mɔ ko yɛ ŋwɛi loo shikpɔŋ lɛ nɔ loo shikpɔŋ lɛ shishi ni aaanyɛ wolo lɛ naa agbele loo mli akwɛ.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 6:16

ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!