Kpojiemɔ 4:9 - ŊMALƐ KRƆŊKRƆŊ LƐ

⁹ Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,

Ṅmãle̱ Kroṅkroṅ Le̱

⁹ Ni beni hĩekãlo̱i le̱ ṅõo̱ anumnyam ke̱ agbodšē ke̱ šidā ame̱hãa moni tá maṅtše̱sẽi le̱ no̱ ní ehĩe kã ke̱-dše̱ nāno̱ ke̱-yaä nāno̱ le̱,

Kpojiemɔ 4:9 ပူးပေါင်းရင်းမြစ်များ

Lalai 47:8

Nyɔŋmɔ yeɔ majimaji fɛɛ anɔ maŋtsɛ. Nyɔŋmɔ ta emaŋtsɛ sɛi krɔŋkrɔŋ lɛ nɔ.

Lalai 48:14

“Nyɔŋmɔ nɛɛ lɛ ji wɔNyɔŋmɔ kɛmiiya naanɔ. Lɛ nɔŋŋ eeetsɔ̃ɔ wɔ gbɛ kɛaatee naanɔ.

2 Mose 15:18

Yehowa aaaye maŋtsɛ kɛaatee naanɔi anaanɔ.”

Yesaia 6:1

Afi nɔ ni Maŋtsɛ Uzia gbo lɛ, mina Nuŋtsɔ lɛ ni eta maŋtsɛ sɛi ni kwɔ gojoo ko nɔ. Atade yuu ni ewo lɛ eyi Sɔlemɔ we lɛ obɔ̃.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.

Hebribii 7:8

Ni asaŋ, biɛ lɛ, gbɔmɛi ni gboiɔ lɛ ji mɛi ni heɔ mlijai nyɔŋma mli ekome lɛ, shi jɛi lɛ, mɔ ko ni aye ehe odase akɛ ehiɔ shi daa lɛ he.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 21:5

Ni mɔ ni ta maŋtsɛ sɛi lɛ nɔ lɛ kɛɛ, “Naa, miifee nii fɛɛ ehee.” Ni ekɛɛ mi akɛ, “Ŋmaa, ejaakɛ wiemɔi nɛɛ anɔkwa ni, ni amɛyɛ mli.”

Kpojiemɔ 4:2

Kɛkɛ lɛ amrɔ lɛ mumɔ lɛ yi minɔ; ni naa, maŋtsɛ sɛ̃i ko ma shi yɛ ŋwɛi, ni mɔ ko ta maŋtsɛ sɛ̃i lɛ nɔ.

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Kpojiemɔ 5:1

Ni mina wolo ko yɛ mɔ ni ta maŋtsɛ sɛi lɛ nɔ lɛ ninejurɔ, ni aŋma nii yɛ emli kɛ esɛɛ fɛɛ, ni asɔo naa kɛ naasɔomɔi kpawo.

Kpojiemɔ 6:16

ni amɛkɛɛ gɔji lɛ kɛ tɛsai lɛ akɛ, “Nyɛbagbea wɔnɔ ni nyɛtea wɔnɔ ni wɔkana mɔ ni ta maŋtsɛ sɛ̃i lɛ nɔ lɛ hiɛ kɛ Toobi lɛ mlifu lɛ!

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.