Kpojiemɔ 4:8 - ŊMALƐ KRƆŊKRƆŊ LƐ

⁸ Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Ṅmãle̱ Kroṅkroṅ Le̱

⁸ Ni hĩekãlo̱i edſe̱ le̱ ateṅ mofẽmo ye̱ fĩdši ekpa-ekpa, ni ame̱hewo̱ ke̱ ame̱-mli eyimo̱ obõbõ ke̱ hĩṅme̱ii so̱ṅṅ, ni ame̱dšo̱o̱ ame̱he nyōṅ ke̱ ſane ni ame̱kē̱o̱ ake̱: *Kroṅkroṅ, kroṅkroṅ, kroṅkroṅ dši Nuṅtšo̱ Nyoṅmo̱ Ofe le̱, moni ye̱ le̱ ke̱ moni yo̱ le̱ ke̱ moni baba le. *Ies. 6,3.

Kpojiemɔ 4:8 ပူးပေါင်းရင်းမြစ်များ

1 Mose 17:1

Be ni Abram eye afii nyɔŋmai nɛɛhu kɛ nɛɛhu lɛ, Yehowa jie ehe kpo etsɔ̃ɔ lɛ, ni ekɛɛ lɛ akɛ, “Mi ji Nyɔŋmɔ Ofe lɛ, ba ojeŋ yɛ mihiɛ koni shwamɔ ko akahi ohe.

Lalai 91:1

Mɔ ni hiɔ Ŋwɛinyo lɛ teemɔhe lɛ, ni ehiɔ Ofe lɛ hɔɔŋ lɛ shishi lɛ,

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 3:14

Ni Nyɔŋmɔ kɛɛ Mose akɛ, “Mi ji mɔ ni mi ji. Kɛɛmɔ Israelbii lɛ akɛ, ‘Mi ji mɔ ni mi ji tsu mi nyɛŋɔɔ nɛɛ.’ ”

Yesaia 13:6

Nyɛwɔa lele ejaakɛ gbi ni Yehowa to lɛ eshɛ shi etã. Akɛni niiahiɛkpãtãmɔ lɛ jɛ Ofe lɛ dɛŋ lɛ, ebaaba mli kɛ̃.

Yesaia 62:1

Zion hewɔ lɛ mimuaŋ minaa, ni Yerusalɛm hewɔ lɛ mijɔŋ mihe kɛyaashi bem ni eye lɛ aaaje kpo faŋŋ tamɔ leebi hulu, ni eyiwala ni ahere lɛ aaatso tamɔ kɔti.

Ezekiel 1:18

Gai yɛ kokolontoi ejwɛ lɛ ahe, asaŋ gai lɛ eyimɔ tɔ kɛ hiŋmɛii ni bɔle amɛhe fɛɛ kɛkpe.

Ezekiel 1:5

Ni mina nibii ejwɛ komɛi yɛ ahum lɛ mli, amɛhiɛ gbɔmɔ su.

Ezekiel 1:6

Amɛteŋ mɔ fɛɛ mɔ yɛ hiɛi ejwɛjwɛɛjwɛ, kɛ fiji hu ejwɛjwɛɛjwɛ.

Ezekiel 10:12

Hiŋmɛii yɛ amɛgbɔmɔtsei lɛ fɛɛ ahe: amɛkotosɛɛ kɛ amɛniji ahe kɛ amɛfiji ahe fɛɛ hiŋmɛii sɔŋŋ. Kokolontoi ni adebɔɔ nibii ejwɛ lɛ yɔɔ lɛ tete ahe eyi obɔ̃ kɛ hiŋmɛii sɔŋŋ.

Yoel 1:15

Yehowa gbi lɛ eshɛ shi etã! Gbi ni Ofe lɛ kɛ hiɛkpãtãmɔ baa lɛ, nakai gbi lɛ baafee gbeyei!

Bɔfoi 20:31

No hewɔ lɛ, nyɛsaraa, ni nyɛkaia akɛ afii etɛ̃ sɔŋŋ mikɛ yaafonui efɔ̃ɔɔ nyɛteŋ mɔ fɛɛ mɔ kɔkɔbɔɔ nyɔɔŋ kɛ shwane lɛ.

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

1 Tesalonikabii 2:9

Ejaakɛ, anyɛmimɛi, nyɛkaiɔ wɔtɔlɛ kɛ wɔdeŋmegbomɔ lɛ, akɛ bɔ ni afee ni wɔkatsɔ̃ jatsu wɔmiihã nyɛteŋ mɔ ko hewɔ lɛ nyɔɔŋ kɛ shwane fɛɛ wɔmiitsu nii, ni wɔsaa wɔmiijaje Nyɔŋmɔ Sanekpakpa lɛ wɔmiitsɔ̃ɔ nyɛ.

1 Timoteo 4:16

Ohiɛ ahi ohe nɔ, ohiɛ ahi tsɔ̃ɔmɔ lɛ nɔ, hii shi yɛ nii nɛɛ amli; ejaakɛ kɛji ofee enɛ lɛ, ooohere bo diɛŋtsɛ kɛ mɛi ni boɔ bo toi lɛ fɛɛ ayiwala.

2 Timoteo 4:2

Shiɛmɔ wiemɔ lɛ, kã he, be ni hi jio, be ni ehiii jio, kã hiɛ, wo ŋaa, tsɔ̃ɔmɔ nii kɛ tsuishitoo fɛɛ.

Hebribii 13:8

Yesu Kristo lɛ, bɔ ni eyɔɔ nyɛ kɛ ŋmɛnɛ lɛ, nakai nɔŋŋ eyɔɔ kɛyaa naanɔ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 1:8

“Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Kpojiemɔ 11:17

amɛkɛɛ, “Wɔmiida bo shi, bo Nuŋtsɔ Nyɔŋmɔ Ofe lɛ, bo mɔ ni oyɔɔ ni oyɛ ni obaaba lɛ, akɛ oŋɔ ohewalɛ kpeteŋkple lɛ ni oye maŋtsɛ!

Kpojiemɔ 14:11

Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 19:4

Ni onukpai nyɔŋmai enyɔ kɛ ejwɛ lɛ kɛ hiɛkãalɔi ejwɛ lɛ ho gbee shi ni amɛja Nyɔŋmɔ ni ta maŋtsɛ sɛ̃i lɛ nɔ lɛ, ni amɛkɛɛ, “Amen! Haleluya!”

Kpojiemɔ 21:22

Ni minaaa Sɔlemɔtsu yɛ mli, ejaakɛ Nuŋtsɔ Nyɔŋmɔ Ofe lɛ kɛ Toobi lɛ ji eSɔlemɔtsu.

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 4:6

Ni nɔ ko tamɔ ashwishwɛ ŋshɔ ni tamɔ kristalo yɛ maŋtsɛ sɛ̃i lɛ hiɛ. Ni hiɛkãalɔi ejwɛ ni hiŋmɛii eyimɔ amɛhiɛ kɛ amɛsɛɛ obɔ̃bɔ̃ yɛ maŋtsɛ sɛ̃i lɛ hiɛ kɛ ehewɔ.

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 6:1

Ni mina akɛ Toobi lɛ tse naasɔomɔi kpawo lɛ ekome; ni minu ni hiɛkãalɔi ejwɛ lɛ ateŋ mɔ kome kɛ gbee ni tamɔ nyɔŋmɔshimɔ gbee kɛɛ, “Ba!”

Kpojiemɔ 6:6

Ni minu gbee ko yɛ hiɛkãalɔi ejwɛ lɛ ateŋ miikɛɛ, “Ŋmaa susumɔnɔ kome denario, ni abele susumɔnii etɛ̃ denario; ni mu kɛ wain lɛ kaata he!”

Kpojiemɔ 7:11

Ni bɔfoi lɛ fɛɛ damɔ maŋtsɛ sɛ̃i lɛ kɛ onukpai lɛ kɛ hiɛkãalɔi ejwɛ lɛ ahe kɛkpe, ni amɛja Nyɔŋmɔ

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.