Kpojiemɔ 4:6 - ŊMALƐ KRƆŊKRƆŊ LƐ

⁶ Ni nɔ ko tamɔ ashwishwɛ ŋshɔ ni tamɔ kristalo yɛ maŋtsɛ sɛ̃i lɛ hiɛ. Ni hiɛkãalɔi ejwɛ ni hiŋmɛii eyimɔ amɛhiɛ kɛ amɛsɛɛ obɔ̃bɔ̃ yɛ maŋtsɛ sɛ̃i lɛ hiɛ kɛ ehewɔ.

Ṅmãle̱ Kroṅkroṅ Le̱

⁶ Ni noko tamo̱ *aſiſe̱ ṅšo̱ ní tamo̱ kristalo ye̱ maṅtše̱sẽi le̱ hĩe, ni †hĩekãlo̱i edſe̱ ní hĩṅme̱ii eyimo̱ ame̱hĩe ke̱ ame̱se̱ obo ye̱ maṅtše̱sẽi le̱ teṅ ke̱ ehewo̱. *Ezek. 1,22. †Ezek 1,5.

Kpojiemɔ 4:6 ပူးပေါင်းရင်းမြစ်များ

1 Maŋtsɛmɛi 7:23

Huram fee akɔɔble gbudugbaŋ. Emlikwɔlɛ ji ninetalɔi nyɔŋma; ni elɛɛmɔ ji ninetalɔi enumɔ. Ekutruku mli kɛbɔle lɛ ji ninetalɔi nyɔŋmai etɛ̃.

Hiob 28:17

Shika kɛ ashwishwɛ kɛ lɛ yeee hegbɔ; ni akɛtsakeŋ shika jwinei kpakpai diɛŋtsɛ.

2 Mose 38:8

Bezaleel kɛ akɔɔble fee okpolu kɛ ehe akɔɔble nane ni ta shi koni akɛfɔflɔ he lɛ. Akɔɔble ni akɛfee lɛ yei ni sɔ̃mɔɔ yɛ Kpee Buu lɛ shinaa lɛ naa lɛ ashwishwɛi akɛfee.

Ezekiel 10:12

Hiŋmɛii yɛ amɛgbɔmɔtsei lɛ fɛɛ ahe: amɛkotosɛɛ kɛ amɛniji ahe kɛ amɛfiji ahe fɛɛ hiŋmɛii sɔŋŋ. Kokolontoi ni adebɔɔ nibii ejwɛ lɛ yɔɔ lɛ tete ahe eyi obɔ̃ kɛ hiŋmɛii sɔŋŋ.

Ezekiel 10:14

Nibii ni hiɛ gbɔmɛi asu nɛɛ ateŋ eko fɛɛ eko yɛ hiɛi srɔtoi ejwɛ: Klɛŋklɛŋ hiɛ lɛ tsinanuu hiɛ, ni hiɛ ni ji enyɔ lɛ gbɔmɔ hiɛ, ni hiɛ ni ji etɛ̃ lɛ jata hiɛ, ni hiɛ ni ji ejwɛ lɛ okropɔŋ hiɛ ni.

Kpojiemɔ 14:3

Ni amɛlaa lala hee ko yɛ maŋtsɛ sɛ̃i lɛ hiɛ kɛ hiɛkãalɔi ejwɛ lɛ kɛ onukpai lɛ ahiɛ; ni mɔ ko nyɛɛɛ lala lɛ akase, akɛ ja mɛi akpei oha kɛ nyɔŋmai ejwɛ kɛ ejwɛ lɛ ni akpɔ̃ kɛjɛ shikpɔŋ lɛ nɔ lɛ kɛkɛ.

Kpojiemɔ 15:2

Ni mina nɔ ko tamɔ ashwishwɛ ŋshɔ ni akɛ lá efutu mli, ni mɛi ni eye kooloo lɛ kɛ emãgã lɛ kɛ ekadi lɛ kɛ egbɛi lɛ yibɔ lɛ nɔ kunim lɛ damɔ ashwishwɛ ŋshɔ lɛ naa, ni amɛhiɛ Nyɔŋmɔ saŋkui lɛ.

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 19:4

Ni onukpai nyɔŋmai enyɔ kɛ ejwɛ lɛ kɛ hiɛkãalɔi ejwɛ lɛ ho gbee shi ni amɛja Nyɔŋmɔ ni ta maŋtsɛ sɛ̃i lɛ nɔ lɛ, ni amɛkɛɛ, “Amen! Haleluya!”

Kpojiemɔ 21:11

ni ehiɛ Nyɔŋmɔ anunyam lɛ ni ekpɛɔ tamɔ tɛ ni jara wa waa, tamɔ yaspi ni mli tse akɛ kristalo.

Kpojiemɔ 21:18

Ni nɔ ni akɛtswa gbogbo lɛ ji yaspi, ni maŋ lɛ shika ŋmiiŋmi ni tamɔ ashwishwɛ krɔŋŋ ni.

Kpojiemɔ 21:21

Ni agboi nyɔŋma kɛ enyɔ lɛ adiagbai nyɔŋma kɛ enyɔ ni, agbo kome lɛ adiagba kome akɛfee. Ni maŋ lɛ blohu lɛ shika ŋmiiŋmi ni, ni emli tse tamɔ ashwishwɛ.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 5:11

Ni mikwɛ, ni minu bɔfoi pii ni ebɔle maŋtsɛ sɛ̃i lɛ kɛ hiɛkãalɔi lɛ kɛ onukpai lɛ kɛkpe lɛ agbee, ni amɛyibɔ huuhai abɔ kɛ akpe toi abɔ

Kpojiemɔ 5:14

Ni hiɛkãalɔi ejwɛ lɛ kɛɛ “Amen!” Ni onukpai lɛ ho gbee shi, ni amɛja.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 6:1

Ni mina akɛ Toobi lɛ tse naasɔomɔi kpawo lɛ ekome; ni minu ni hiɛkãalɔi ejwɛ lɛ ateŋ mɔ kome kɛ gbee ni tamɔ nyɔŋmɔshimɔ gbee kɛɛ, “Ba!”

Kpojiemɔ 6:6

Ni minu gbee ko yɛ hiɛkãalɔi ejwɛ lɛ ateŋ miikɛɛ, “Ŋmaa susumɔnɔ kome denario, ni abele susumɔnii etɛ̃ denario; ni mu kɛ wain lɛ kaata he!”

Kpojiemɔ 7:11

Ni bɔfoi lɛ fɛɛ damɔ maŋtsɛ sɛ̃i lɛ kɛ onukpai lɛ kɛ hiɛkãalɔi ejwɛ lɛ ahe kɛkpe, ni amɛja Nyɔŋmɔ

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”