Kpojiemɔ 4:5 - ŊMALƐ KRƆŊKRƆŊ LƐ

⁵ Ni srawai kɛ gbɛɛmɔi kɛ nyɔŋmɔshimɔi jɛ maŋtsɛ sɛ̃i lɛ mli, ni la hai kpawo ni tsoɔ ni ji Nyɔŋmɔ mumɔi kpawo lɛ yɛ maŋtsɛ sɛ̃i lɛ hiɛ.

Ṅmãle̱ Kroṅkroṅ Le̱

⁵ Ni *srawai ke̱ gbei ke̱ nyoṅmo̱-šimo̱i dše̱ maṅtše̱sẽi le̱ mli, ni †la hāi kpawo ni tšoo̱ ní dši **Nyoṅmo̱ mumo̱i kpawo le̱ ye̱ maṅtšesẽi le hĩe. *8,5; 11,19; 16,18. †Zak. 4,2. **Kpods. 1,4.

Kpojiemɔ 4:5 ပူးပေါင်းရင်းမြစ်များ

1 Mose 15:7

Kɛkɛ ni Nyɔŋmɔ kɛɛ Abram akɛ, “Mi ji Yehowa mɔ ni jie bo kɛjɛ Ur yɛ Babilonbii ashikpɔŋ lɛ nɔ koni maŋɔ nɛkɛ shikpɔŋ nɛɛ mahã bo akɛ onɔ lɛ.”

2 Kronika 4:20

Ekomɛi hu ji kanetsei lɛ kɛ amɛhe kanei lɛ ni akɛ shika ŋmiiŋmi fee ni asuɔ amaa He Krɔŋkrɔŋ Fe Fɛɛ lɛ hiɛ tamɔ bɔ ni ato afɔ shi lɛ.

Lalai 68:35

Nyɔŋmɔ he yɛ gbeyei kɛji eeba kɛjɛ ehe krɔŋkrɔŋ lɛ, Israel Nyɔŋmɔ lɛ, lɛ ehãa ewebii ahewalɛ ni ewoɔ amɛ ekãa. Ajie Nyɔŋmɔ yi!

2 Mose 19:16

Gbi ni ji etɛ̃ lɛ leebi lɛ ŋwɛi shimɔ, ni srawa gbala ni atatu kpii ko baha gɔŋ lɛ nɔ; tɛtɛrɛmantɛrɛ ko gbɛɛ waa naakpa, ni mɛi ni yɔɔ maŋ lɛ shitoohe lɛ fɛɛ kpokpo.

2 Mose 20:18

Be ni Israelbii lɛ na bɔ ni ŋwɛi shimɔɔ, ni srawa gbalaa, ni tɛtɛrɛmantɛrɛ gbɛɔ, ni gɔŋ lɛ fãa lasu lɛ, amɛshe gbeyei, ni amɛkpokpo, ni amɛdamɔ sɛɛ flɛŋŋ.

2 Mose 25:37

Ofee kanei kpawo omamɔ kanetso lɛ nɔ, koni kɛji asu lɛ amɛkpɛ kɛya hiɛgbɛ.

2 Mose 37:23

Ekɛ shika ŋmiiŋmi nɔŋŋ fee kanetso lɛ he kanei kpawo lɛ kɛ ehe abɛɛlei lɛ kɛ ehe lagbee nii lɛ kɛ kanetso lɛ he aklotɛi bibii lɛ fɛɛ.

Ezekiel 1:13

Agbɛnɛ nɔ ko ni tamɔ ŋai la ni miitso yɛ nibii nɛɛ ni hiɛ gbɔmɔ su nɛɛ ateŋ, tuuŋtu, ni enyiɛ amɛteŋ kɛyaa kɛbaa tamɔ kɔti ni miitso; la lɛ kpɛmɔ naa wa, ni srawa gbalaa kɛjɛɔ la lɛ mli.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Mateo 25:1

“No mli lɛ ŋwɛi maŋtsɛyeli lɛ aaatãmɔ oblayei nyɔŋma ni hole amɛkanei ni amɛtee amɛkɛ ayɛmforowu ayakpe.

Mateo 3:11

Mi lɛ, nu mikɛbaptisiɔ nyɛ hã tsuitsakemɔ; shi mɔ ni baa yɛ misɛɛ lɛ, ehe wa fe mi; etokotai tete misaaa mɔ ni hiɛɔ. Lɛ eeebaptisi nyɛ kɛ Mumɔ Krɔŋkrɔŋ kɛ la.

Bɔfoi 2:3

Ni lilɛii ni agbalagbalaa mli ni tamɔ la lilɛii pue; ni ebatara amɛyiteaŋ ekomekome;

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 10:3

Ni ebo kɛ gbee ni wa, tamɔ jata huuɔ; ni be ni eboɔ lɛ, nyɔŋmɔshiimɔi kpawo lɛ wo amɛgbei.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.