Kpojiemɔ 4:11 - ŊMALƐ KRƆŊKRƆŊ LƐ

¹¹ “WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Ṅmãle̱ Kroṅkroṅ Le̱

¹¹ Nuṅtšo̱, bo dši moni sa ake̱ oṅõ anumnyam ke̱ agbodšē ke̱ hewale̱ le̱, edšake̱ bo obo̱ nii fẽ, ni osuomo̱ nā ame̱-yo̱ ni abo̱ame̱.

Kpojiemɔ 4:11 ပူးပေါင်းရင်းမြစ်များ

1 Mose 1:1

Shishijee mli lɛ Nyɔŋmɔ bɔ ŋwɛi kɛ shikpɔŋ.

2 Samuel 22:4

Mibo mitsɛ Yehowa, mɔ ni sa yijiemɔ lɛ, ni ehere mi yɛ mihenyɛlɔi adɛŋ. Ajie Yehowa yi!

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Hiob 36:3

Minilee babaoo lɛ mli majɛ matsɔ̃ɔ akɛ miBɔlɔ lɛ yeɔ jalɛ sane.

Lalai 18:3

Mibo mitsɛ Yehowa, mɔ ni sa yijiemɔ lɛ, ni ehere miyiwala kɛjɛ mihenyɛlɔi lɛ adɛŋ.

Lalai 68:34

Nyɛshiɛa Nyɔŋmɔ hewalɛ lɛ, mɔ ni egbojee teke Israel agbojee, ni ehewalɛ lɛ yɔɔ atatui lɛ amli lɛ!

2 Mose 20:11

Ejaakɛ gbii ekpaa Yehowa kɛbɔ ŋwɛi kɛ shikpɔŋ kɛ ŋshɔ kɛ amɛmli nibii fɛɛ; ni gbi ni ji kpawo lɛ nɔ lɛ ejɔɔ ehe. No hewɔ ni Yehowa jɔɔ hejɔɔmɔ gbi lɛ, ni efee lɛ krɔŋkrɔŋ lɛ.

Abe̱i 16:4

Nɔ fɛɛ nɔ ni Yehowa fee lɛ, eyɛ nɔ hewɔ ni efee; gbi fɔŋ tete lɛ, ekã shi ehã mɔ fɔŋ.

Yesaia 40:26

Nyɛwoa nyɛhiɛ nɔ kɛyaa ŋwɛi ni nyɛkwɛa! Namɔ bɔ ŋulamii nɛɛ? Lɛ mɔ ni ejieɔ amɛsafoi lɛ kpo, ni ekaneɔ amɛyibɔ, ni ewoɔ amɛ fɛɛ gbɛi lɛ, lɛ ji mɔ ni fee. Ehewalɛ kpele kɛ enyɛmɔ naa lɛ, amɛteŋ ekome folo nɛkɛ elaajeee.

Yesaia 40:28

Ani oleee? Ani onuko dã Yehowa ji naanɔ Nyɔŋmɔ lɛ, jeŋ tso muu lɛ fɛɛ bɔlɔ lɛ. Etɔɔɔ lɛ, ni egbɔjɔɔɔ hu, ni aleee ejwɛŋmɔ mlikwɔlɛ.

Yeremia 10:11

“Bɔ ni nyɛkɛɛ amɛ nɛ, ‘Nyɔŋmɔi lɛ ni jeee amɛ amɛbɔ ŋwɛi kɛ shikpɔŋ lɛ, amɛ fɛɛ amɛhiɛ baakpãtã yɛ shikpɔŋ lɛ nɔ kɛ atatuiaŋ fɛɛ.’ ”

Yeremia 32:17

“Ao! Nuŋtsɔ Nyɔŋmɔ, bo obɔ ŋwɛi kɛ shikpɔŋ yɛ ohewalɛ kpeteŋkple lɛ kɛ onyɛmɔ naa; nɔ ko nɔ ko shɛɛɛ bo feemɔ.

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 17:24

Nyɔŋmɔ ni bɔ je lɛ kɛ emli nibii fɛɛ lɛ, lɛ ji ŋwɛi kɛ shikpɔŋ nuŋtsɔ lɛ; ehiii Sɔlemɔtsui ni akɛ niji ma amli,

Romabii 11:36

Ejaakɛ edɛŋ nii fɛɛ jɛ, ni enɔ amɛtsɔ̃ kɛba, ni lɛ nɔŋŋ amɛyɔɔ amɛhã. Lɛ aaaŋɔ anunyam ahã kɛya naanɔ. Amen!

Efesobii 3:9

Ni mihã mɛi fɛɛ ana teemɔ sane lɛ he gbɛjianɔtoo lɛ faŋŋ, teemɔ sane ni akɛtee kɛjɛ yinɔi ni eho lɛ amli kɛbashi amrɔ nɛɛ yɛ Nyɔŋmɔ mɔ ni bɔ nii fɛɛ lɛ mli lɛ,

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Hebribii 1:10

Ni ekɛɛ ekoŋŋ, “Nuŋtsɔ, shishijee lɛ mli lɛ, bo oto shikpɔŋ lɛ shishi, ni ŋwɛi lɛ oninenaa nitsumɔ ni.

Hebribii 1:2

Shi nɛkɛ bei nɛɛ anaagbee mli lɛ, eBi lɛ naa ekɛ wɔ wie yɛ. Ekɛ lɛ efee nibii fɛɛ yelɔ, ni enɔ hu etsɔ̃ efee je lɛ.

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 19:1

Nii nɛɛ asɛɛ lɛ, minu gbee ni wa ni tamɔ asafo babaoo gbee yɛ ŋwɛi ni miikɛɛ, “Haleluya! Yiwalaheremɔ kɛ anunyam kɛ hewalɛ lɛ ji wɔNyɔŋmɔ lɛ nɔ!

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”

Kpojiemɔ 5:2

Ni mina bɔfo hewalɔ ko miishiɛ kɛ gbee wulu akɛ, “Namɔ ji mɔ ni sa akɛ egbele wolo lɛ naa ni etserɛ enaasɔomɔi lɛ?”

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.