Kpojiemɔ 4:10 - ŊMALƐ KRƆŊKRƆŊ LƐ

¹⁰ onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Ṅmãle̱ Kroṅkroṅ Le̱

¹⁰ onukpai nyoṅmai-enyo̱ ke̱ edſe̱ le̱ boo̱ gbēo̱ ši ye̱ moni tá maṅtše̱sẽi le̱ no̱ le̱ hĩe, ni ame̱dšáa moni *hĩe kã ke̱-dše̱ nāno̱ ke̱-yaä nāno̱ le̱, ni ame̱tše̱re̱o̱ ame̱kekrei le̱ ame̱ſieo̱ maṅtše̱sẽi le̱ hĩe ame̱kē̱o̱ ake̱: *5,14.

Kpojiemɔ 4:10 ပူးပေါင်းရင်းမြစ်များ

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 7:3

Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Lalai 115:1

Jeee wɔ, Yehowa, jeee wɔ, shi ogbɛi lɛ moŋ aŋɔ anunyam ahã, yɛ osuɔmɔ ni tsakeee kɛ onɔkwayeli lɛ hewɔ!

Lalai 47:8

Nyɔŋmɔ yeɔ majimaji fɛɛ anɔ maŋtsɛ. Nyɔŋmɔ ta emaŋtsɛ sɛi krɔŋkrɔŋ lɛ nɔ.

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 95:6

Oo, nyɛbaa! Nyɛhãa wɔkotoa lɛ, ni wɔjaa lɛ! Nyɛhãa wɔkulaa shi yɛ Yehowa, wɔBɔlɔ lɛ hiɛ.

Yesaia 6:1

Afi nɔ ni Maŋtsɛ Uzia gbo lɛ, mina Nuŋtsɔ lɛ ni eta maŋtsɛ sɛi ni kwɔ gojoo ko nɔ. Atade yuu ni ewo lɛ eyi Sɔlemɔ we lɛ obɔ̃.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.

Luka 24:52

Ni amɛja lɛ, ni amɛku amɛsɛɛ kɛtee Yerusalɛm kɛ miishɛɛ pii;

1 Korintobii 15:10

Shi Nyɔŋmɔ dromɔ naa mi ji mɔ ni mi ji nɛɛ, ni edromɔ ni eduro mi lɛ efeee yaka; shi moŋ mitsu nii waa fe amɛ fɛɛ; shi jeee mi mitsu, shi moŋ Nyɔŋmɔ dromɔ ni kɛ mi yɔɔ lɛ.

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 11:16

Ni onukpai nyɔŋmai enyɔ kɛ ejwɛ ni tara amɛmaŋtsɛ sɛ̃ii anɔ yɛ Nyɔŋmɔ hiɛ lɛ kɛ amɛhiɛ bumɔ shi, ni amɛja Nyɔŋmɔ

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 19:4

Ni onukpai nyɔŋmai enyɔ kɛ ejwɛ lɛ kɛ hiɛkãalɔi ejwɛ lɛ ho gbee shi ni amɛja Nyɔŋmɔ ni ta maŋtsɛ sɛ̃i lɛ nɔ lɛ, ni amɛkɛɛ, “Amen! Haleluya!”

Kpojiemɔ 4:2

Kɛkɛ lɛ amrɔ lɛ mumɔ lɛ yi minɔ; ni naa, maŋtsɛ sɛ̃i ko ma shi yɛ ŋwɛi, ni mɔ ko ta maŋtsɛ sɛ̃i lɛ nɔ.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,

Kpojiemɔ 5:14

Ni hiɛkãalɔi ejwɛ lɛ kɛɛ “Amen!” Ni onukpai lɛ ho gbee shi, ni amɛja.

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.

Kpojiemɔ 7:11

Ni bɔfoi lɛ fɛɛ damɔ maŋtsɛ sɛ̃i lɛ kɛ onukpai lɛ kɛ hiɛkãalɔi ejwɛ lɛ ahe kɛkpe, ni amɛja Nyɔŋmɔ