Kpojiemɔ 3:7 - ŊMALƐ KRƆŊKRƆŊ LƐ

⁷ “Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,

Ṅmãle̱ Kroṅkroṅ Le̱

⁷ Ni Filadelfia asafo le̱ bo̱fo le̱, ṅmã oyahāle̱ ake̱: Nii ni mokroṅkroṅ le̱, ano̱kwafo le̱, moni *hĩe David samfe le̱, moni gbleo̱ ni moko ṅã́ã́, ni eṅã́a hũ ní moko gblee le̱, kē̱ ne̱: *Ies 22,22.

Kpojiemɔ 3:7 ပူးပေါင်းရင်းမြစ်များ

Hiob 11:10

Kɛji Nyɔŋmɔ ba, ni ebamɔ bo ewo kpabuŋ, ni etsɛ bo kojomɔ lɛ, namɔ aaanyɛ enaa atsi?

Hiob 12:14

Kɛji ekumɔ nɔ ko eshwie shi lɛ, mɔ ko bɛ ni baanyɛ esaa etswa ema shi; ni kɛji eŋa mɔ ko yi lɛ, mɔ ko nyɛŋ agbele mɔ lɛ.

Lalai 145:17

Yehowa ja yɛ egbɛi fiaa mli, ni emli hi yɛ enifeemɔi fiaa mli.

Lalai 16:10

Ejaakɛ oŋmɛŋ mihe ohaŋ gbohiiaje, ni mɔ ni heɔ onɔ eyeɔ lɛ enaŋ gbohiiaje.

Lalai 89:18

Ejaakɛ bo Yehowa ji mɔ ni fã wɔhe lɛ; ni bo, Israel Nyɔŋmɔ Krɔŋkrɔŋ, bo owo maŋtsɛ ohã wɔ.

Yesaia 22:22

Maŋɔ David we lɛ hewalɛ lɛ fɛɛ naa samfee mawo edɛŋ: kɛji egbele lɛ, mɔ ko kwraa bɛ ni aaanyɛ aŋa; ni kɛji eŋa lɛ mɔ ko kwraa bɛ ni aaanyɛ agbele.

Yesaia 30:11

nyɛshĩa gbɛ lɛ, nyɛgbaa afã kɛjea tɛmpɔŋ lɛ nɔ; nyɛ kɛ wɔ akawiea Israel Mɔ Krɔŋkrɔŋ lɛ he dɔŋŋ.’ ”

Yesaia 41:14

Yehowa kɛɛ, “Kaashe gbeyei, bo gɔgɔmi Yakob! Kaashe gbeyei, bo Israel, gɔgɔmi bibioo! Miikɛɛ bo akɛ maye mabua bo! Okpɔlɔ lɛ ji Israel Mɔ Krɔŋkrɔŋ lɛ.

Yesaia 41:16

Ooosha amɛmli ni kɔɔyɔɔ aaaloo amɛ kɛaatee, ni ahum aaagbɛ amɛ ashwã. Shi bo lɛ, omii aaashɛ ohe yɛ Yehowa hewɔ, ni oooshwã ofɔ̃ Israel Mɔ Krɔŋkrɔŋ lɛ nɔ.”

Yesaia 41:20

Ni mɛi baana, ni amɛaasusu he, ni amɛaanu shishi, ni amɛaale akɛ Yehowa ninenaa nitsumɔ ni, Israel Mɔ Krɔŋkrɔŋ lɛ ji mɔ ni fee.”

Yesaia 47:4

Wɔ-Kpɔ̃lɔ lɛ ni gbɛi ji Yehowa, Taiatsɛ lɛ, lɛ ji Israel Mɔ Krɔŋkrɔŋ lɛ.

Yesaia 48:17

Bɔ ni Yehowa, bo-Kpɔ̃lɔ, Israel Mɔ Krɔŋkrɔŋ lɛ kɛɛ nɛ, “Mi ji Yehowa, oNyɔŋmɔ lɛ, mɔ ni tsɔɔ bo nii ni hi ha bo, mɔ ni tsɔɔ bo gbɛ ni esa akɛ onyiɛ nɔ lɛ.

Yesaia 49:7

Bɔ ni Yehowa, Israel Kpɔ̃lɔ, kɛ eMɔ Krɔŋkrɔŋ lɛ, kɛɔ mɔ ni agbe ehe guɔ, ni jeŋ majimaji lɛ hi ehiɛ, nɔyelɔi anyɔŋ lɛ, kɛɔ nɛ, “Maŋtsɛmɛi aaana lɛ ni amɛaate shi amɛhã lɛ; ni lumɛi hu aaana lɛ ni amɛaakamɔ shi yɛ ehiɛ ejaakɛ Yehowa ehala lɛ, Israel Mɔ Krɔŋkrɔŋ lɛ, eji anɔkwafo.”

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 55:5

Naa, ooofɔ̃ nine otsɛ maji ni oleee; ni maji ni leee bo hu aaahiɛ foi kɛaaba oŋɔɔ, yɛ Yehowa, oNyɔŋmɔ lɛ hewɔ, ejaakɛ ewo ohiɛ nyam!

Yesaia 6:3

Mɔnɛ boɔ ekɛɔ mɔnɛ akɛ, “Krɔŋkrɔŋ, krɔŋkrɔŋ, krɔŋkrɔŋ ji Yehowa, Taiatsɛ lɛ! Shikpɔŋ muu lɛ fɛɛ eyi obɔ kɛ enunyam lɛ.”

Mateo 16:19

Ni maŋɔ ŋwɛi maŋtsɛyeli lɛ naa samfei lɛ mahã bo; nɔ fɛɛ nɔ ni ooofi yɛ shikpɔŋ lɛ nɔ lɛ, aaafi yɛ ŋwɛi; ni nɔ fɛɛ nɔ ni ooofɛne yɛ shikpɔŋ lɛ nɔ lɛ, aaafɛne yɛ ŋwɛi.

Mateo 24:35

Ŋwɛi kɛ shikpɔŋ baaho aya, shi miwiemɔi lɛ hoŋ eyaŋ.”

Marko 1:24

“Mɛɛ sane wɔkɛ bo yɔɔ, Yesu Nazarenyo? Oba wɔhiɛ kpãtãmɔ? Mile mɔ ni ji bo. Bo ji Nyɔŋmɔ Mɔ krɔŋkrɔŋ lɛ!”

Luka 1:32

Eeetsɔ̃ agbo, ni aaatsɛ lɛ Ŋwɛinyo lɛ Bi, ni Nuŋtsɔ Nyɔŋmɔ aaaŋɔ etsɛ David maŋtsɛ sɛi lɛ ahã lɛ.

Luka 4:34

ekɛɛ, “Ao! Mɛɛ sane wɔkɛ bo yɔɔ, bo Yesu Nazarenyo? Oba wɔhiɛ kpãtãmɔ? Mile mɔ ni ji bo, bo ji Nyɔŋmɔ Mɔ Krɔŋkrɔŋ lɛ!”

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Bɔfoi 3:14

Shi nyɛ lɛ, nyɛkwa Mɔ Krɔŋkrɔŋ kɛ Jalɔ lɛ, ni nyɛkpa fai akɛ akɛ gbɔmɔ awuyelɔ moŋ ake nyɛ,

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 19:2

Ejaakɛ anɔkwa kɛ jalɛ ji ekojomɔi lɛ, akɛni ekojo ajwamãŋ kpeteŋkple lɛ ni kɛ ejwamaŋbɔɔ lɛ efite shikpɔŋ lɛ ni etɔ etsuji lɛ ala lɛ he owele yɛ enɔ lɛ.”

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 21:5

Ni mɔ ni ta maŋtsɛ sɛi lɛ nɔ lɛ kɛɛ, “Naa, miifee nii fɛɛ ehee.” Ni ekɛɛ mi akɛ, “Ŋmaa, ejaakɛ wiemɔi nɛɛ anɔkwa ni, ni amɛyɛ mli.”

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 4:8

Ni hiɛkãalɔi ejwɛ lɛ ateŋ mɔ fɛɛ mɔ yɛ fiji ekpaa, ni amɛhewɔ kɛ amɛmli eyimɔ obɔ̃bɔ̃ kɛ hiŋmɛii, ni amɛjɔɔɔ amɛhe nyɔɔŋ kɛ shwane ni amɛkɛɔ akɛ, “Krɔŋkrɔŋ, krɔŋkrɔŋ, krɔŋkrɔŋ ji Nuŋtsɔ Nyɔŋmɔ Ofe lɛ, mɔ ni yɛ momo lɛ kɛ mɔ ni yɔɔ lɛ kɛ mɔ ni baaba lɛ.”

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.

Kpojiemɔ 6:10

Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”