Kpojiemɔ 3:18 - ŊMALƐ KRƆŊKRƆŊ LƐ

¹⁸ Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.

Ṅmãle̱ Kroṅkroṅ Le̱

¹⁸ mīwoö ṅā ake̱ *ohé †šika ní atšũ he ye̱ la mli ye̱ miṅõ, koni oná nii, ke̱ atadei ye̱dši, koni owo ní **oyayaiaṅ hĩegbĕle le̱ akakã ši, ke̱ hĩṅme̱i-tšofã ní oke̱-fo ohĩṅme̱ii, koni ona nii. *Ies. 55,1. †1 Pet 1,7. **Kpods. 16,15.

Kpojiemɔ 3:18 ပူးပေါင်းရင်းမြစ်များ

Lalai 107:11

Ejaakɛ amɛte shi amɛshi Nyɔŋmɔ wiemɔ lɛ, ni amɛnyaŋe Ŋwɛi Flooflonyo lɛ ŋaawoo lɛ.

Lalai 16:7

Majie Yehowa mɔ ni woɔ mi ŋaa lɛ yi; Mitsui tete kɛ mi wieɔ nyɔɔŋ.

Lalai 32:8

Mi, Yehowa, mawo bo ŋaa, ni matsɔ̃ɔ bo gbɛ ni onyiɛ nɔ; mihiŋmɛi aaakã ohe.

Lalai 73:24

Okɛ oŋaawoo tsɔ̃ɔ mi gbɛ; ni kɛfee sɛɛ lɛ ooohere mi owo onunyam mli.

Abe̱i 1:25

Miŋaawoo lɛ hu nyɛkwa fɛɛ, ni nyɛbuuu mikãmɔ lɛ.

Abe̱i 1:30

asaŋ akɛni amɛsumɔ̃ɔɔ ŋaa ni miwoɔ amɛ lɛ ekoeko, ni amɛgbe mikãmɔ lɛ fɛɛ he guɔ

Abe̱i 19:20

Bo ŋaawoo toi, ni okpɛ̃lɛ tsɔsemɔ koni wɔsɛɛ lɛ, ole nii.

Abe̱i 23:23

Tse shika ohe anɔkwale kɛ nilee kɛ tsɔsemɔ kɛ niiashishinumɔ, ni okahɔ̃ɔ eko eko.

Jajelɔ 8:2

Ye maŋtsɛ lɛ fãmɔ nɔ; yɛ okitã krɔŋŋ ni okã lɛ hewɔ lɛ kaahã enɔyeli hao bo.

Yesaia 47:3

Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Yesaia 55:1

Yehowa kɛɛ, “Huui! Nyɛ mɛi fɛɛ ni kumai yeɔ nyɛ, nyɛbaa nu he! Nyɛ mɛi hu ni bɛ shika, nyɛbaa nyɛbahea ŋmãa nyɛyea! Nyɛbaa! Nyɛbahea wain kɛ fufɔ, jeee kɛ shika shi moŋ kɛ nyɛdɛ folo.

Yeremia 13:26

No hewɔ lɛ, mi diɛŋtsɛ mibawo ohiɛ mama nɔ koni ohiɛ ashwie shi.

Daniel 12:2

Ni mɛi ni egboi lɛ ateŋ mɛi pii ahiɛ aaatsɛ̃; mɛi komɛi aaatee naanɔ wala mli; shi mɛi komɛi hu aaatee naanɔ hiɛgbele mli.

Mika 1:11

Nyɛ Shafirbii, nyɛjea kpo kɛhoa kɛ hiɛgbele kɛ nyɛhe yayai. Zaananbii lɛ nyɛɛɛ kpo aje. Kɛji nyɛnu ni Bet-Ezelbii miiye ŋkɔmɔ lɛ, nyɛaana nyɛle akɛ abobaahe bɛ jɛi.

Nahum 3:5

Yehowa, Tatsɛ lɛ, kɛɛmɔ ji, “Naa, Nineve, mi kɛ bo ena! Mibawo ohiɛ mama nɔ, ni mahã maji ana oyayaiaŋ; amɛbaana ohiɛshishwiemɔ.

Maleaki 3:3

Ebaata shi tamɔ jwiɛtɛi hetsuulɔ ni hãa jwiɛtɛi he tseɔ keŋkeŋ lɛ. Nakai ebaatsuu osɔfoi ni ji Levi shwiei lɛ ahe keŋkeŋ tamɔ atsuɔ shika kɛ jwiɛtɛi he lɛ. Kɛkɛ lɛ amɛaanyɛ amɛkɛ afɔleshãa nikeenii ni kpa bɛ he aba abahã Yehowa.

Mateo 13:44

“Ŋwɛi maŋtsɛyeli lɛ tamɔ jwetri ni akɛtee yɛ abɔɔ mli, ni be ni mɔ ko yana lɛ, ekɛtee, ni no he miishɛɛ ni ena hewɔ lɛ etee ni eyahɔ̃ɔ nii fɛɛ ni eyɔɔ lɛ, ni ekɛhe nakai abɔɔ lɛ.

Mateo 25:9

Shi nilelɔi lɛ here nɔ amɛkɛɛ, ‘Ekolɛ ebashɛŋ wɔ kɛ nyɛ fɛɛ; shi moŋ nyɛyaa mɛi ni hɔ̃ɔ lɛ aŋɔɔ nyɛyahea eko nyɛhãa nyɛhe,’

Luka 12:21

Nakai mɔ ni bɔɔ jwetri ehãa lɛ diɛŋtsɛ ehe, shi ejeee niiatsɛ yɛ Nyɔŋmɔ hiɛ lɛ yɔɔ.”

2 Korintobii 5:3

ni kɛ akɛwo wɔ nɛkɛ lɛ, no lɛ anaŋ wɔ akɛ mɛi ni nyiɛ yayai.

2 Korintobii 8:9

Ejaakɛ nyɛle wɔNuŋtsɔ Yesu Kristo dromɔ lɛ, akɛ lɛ ni ji niiatsɛ lɛ, etsɔ̃ ohiafo yɛ nyɛhewɔ, koni nyɛtsɔ̃ ehia lɛ nɔ nyɛtsɔ̃mɔ niiatsɛmɛi.

1 Timoteo 6:18

Ni amɛfee ejurɔ ni amɛtsɔ̃mɔ niiatsɛmɛi yɛ nitsumɔi kpakpai amli, amɛsumɔ nihãmɔ, amɛdɛŋ akpɔ.

Yakobo 2:5

Minyɛmimɛi ni misumɔɔ, nyɛboa toi! Ani jeee je nɛɛ mli ohiafoi ni ji niiatsɛmɛi yɛ hemɔkɛyeli gbɛfaŋ lɛ Nyɔŋmɔ ehala, koni maŋtsɛyeli ni ewo mɛi ni sumɔɔ lɛ lɛ shi yɛ he lɛ atsɔ̃ amɛnɔ?

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

Kpojiemɔ 16:15

“Naa, miiba tamɔ julɔ. Ajɔɔ mɔ ni saraa ni ekwɛɔ etadei lɛ anɔ lɛ, koni ekanyiɛ yayai ni ana ehiɛgbele lɛ.”

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 3:17

Ejaakɛ okɛɔ akɛ, ‘Niiatsɛ ji mi ni miyɛ nii, ni nɔ ko nɔ ko he ehĩaaa mi.’ Ni oleee akɛ ohao ni onii hu yɛ mɔbɔ ni ohiafo kɛ shwilafo kɛ heyayaitsɛ ji bo.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 7:13

Ni onukpai lɛ ateŋ mɔ kome bi mi akɛ, “Mɛi ni wo atadei yɛji nɛɛ, namɛi ni, ni nɛgbɛ amɛjɛ?”