Kpojiemɔ 3:17 - ŊMALƐ KRƆŊKRƆŊ LƐ

¹⁷ Ejaakɛ okɛɔ akɛ, ‘Niiatsɛ ji mi ni miyɛ nii, ni nɔ ko nɔ ko he ehĩaaa mi.’ Ni oleee akɛ ohao ni onii hu yɛ mɔbɔ ni ohiafo kɛ shwilafo kɛ heyayaitsɛ ji bo.

Ṅmãle̱ Kroṅkroṅ Le̱

¹⁷ Edšake̱ okē̱o̱ ake̱: Niiatše̱ dšimi ni miye̱ nii ni nokonoko ehĩaami, ni olee ake̱ oye̱ amane mli ni onii hũ ye̱ mo̱bo̱ ni ohĩafo ke̱ ſilafo ke̱ heyayaiatše̱ dsio, 1 Kor 3,18; 4,8.

Kpojiemɔ 3:17 ပူးပေါင်းရင်းမြစ်များ

1 Mose 3:7

Kɛkɛ ni amɛyi enyɔ lɛ fɛɛ amɛhiŋmɛi gbele ni amɛna akɛ amɛnyiɛ yayai. Amɛkpɛ agbãmi baa amɛkɛfee mama amɛkɛha amɛhe.

2 Mose 32:35

Enɛ hewɔ lɛ, Yehowa hã gbele hela bote Israelbii lɛ ateŋ, ejaakɛ amɛ amɛfee, ni Aaron fee shika tsina lɛ.

Abe̱i 13:7

Mɔ ko yɛ ni feɔ ehe niiatsɛ, tsɛbelɛ ebɛ nɔ ko nɔ ko; mɔ ko hu yɛ ni feɔ ehe ohiafo, tsɛbelɛ eyɛ nii babaoo.

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Yesaia 42:19

Namɔ eshwila tamɔ mitsulɔ lɛ, ni namɔ emu toi tamɔ Yehowa bɔfo lɛ? Namɔ eshwila tamɔ mɔ ni ajɔɔ enɔ ahã mi lɛ? Namɔ eshwila tamɔ Yehowa tsulɔ lɛ?

Yeremia 2:31

Nyɛ, yinɔ nɛɛ nɔ bii, nyɛjwɛŋa Yehowa wiemɔi lɛ ahe. Ani mitsɔ̃ ŋa nɔ mihã Israelbii lo; loo shikpɔŋ ni enɔ ewo duŋ kpii? Mɛni hewɔ mɔ, ni miwebii lɛ kɛɔ akɛ, “Wɔye wɔhe; wɔbaaa oŋɔɔ dɔŋŋ lɛ?”

Hosea 12:8

Israel kɛɔ akɛ, ‘Shi bɛ mitsɔ̃ niiatsɛ, bɛ mina nii babaoo?’ Mideŋmegbomɔ mli nii lɛ fɛɛ mli lɛ anaaa tɔ̃mɔ ko ni tamɔ esha yɛ mihe?

Zakaria 11:5

Mɛni hewɔ tookwɛlɔi lɛ gbeɔ toi nɛɛ ni agbalaaa amɛ toi. Mɛi ni hɔ̃ɔ toi nɛɛ hu kɛɔ akɛ, ‘Ajie Yehowa yi ejaakɛ wɔtsɔmɔ niiatsɛmɛi.’ Ni amɛkwɛlɔi lɛ tete po enaaa kooloi lɛ amɔbɔ.”

Mateo 5:3

“Ajɔɔ mumɔ lɛ mli ohiafoi lɛ; shi amɛnɔ ji ŋwɛi maŋtsɛyeli lɛ.”

Mateo 9:12

Shi be ni Yesu nu lɛ, ekɛɛ amɛ akɛ, “Mɛi ni yɔɔ hewalɛ lɛ, tsofatsɛ he ehiaaa amɛ, shi moŋ mɛi ni he yeɔ lɛ.

Luka 1:53

Ehã mɛi ni hɔmɔ yeɔ amɛ etɔrɔ kɛ nii kpakpai, ni niiatsɛmɛi lɛ eshwie amɛ efolo.

Luka 6:24

“Shi nyɛ niiatsɛmɛi lɛ, kpoo hã nyɛ! Ejaakɛ nyɛna nyɛmiishɛjemɔ momo.

Romabii 11:20

Ojogbaŋŋ! He ni amɛheee amɛyeee hewɔ akumɔ amɛ; ni bo lɛ, hemɔkɛyeli okɛdamɔ shi lɛ. Kaawo ohe nɔ, shi moŋ she ohe gbeyei;

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 12:3

Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

Romabii 7:24

Gbɔmɔ ni nii yɔɔ mɔbɔ ji mi! Namɔ aaajie mi kɛaajɛ gbele gbɔmɔtso nɛɛ dɛŋ?

2 Petro 1:9

Ejaakɛ mɔ ni bɛ nɛkɛ nii nɛɛ lɛ, lɛ lɛ shwilafo ji lɛ, ni enaaa shɔŋŋ nii, ni ehiɛ ekpa ehe ni atsuu kɛjɛ eshai ni efee sa lɛ amli lɛ anɔ.

Kpojiemɔ 16:15

“Naa, miiba tamɔ julɔ. Ajɔɔ mɔ ni saraa ni ekwɛɔ etadei lɛ anɔ lɛ, koni ekanyiɛ yayai ni ana ehiɛgbele lɛ.”

Kpojiemɔ 2:9

Mile omanehulu lɛ kɛ ohia lɛ, shi kɛ̃lɛ niiatsɛ ji bo, ni mile mɛi ni kɛ oshekuyeli kɛɔ akɛ Yudafoi ji amɛ, yɛ be mli ni jeee nakai ni, shi moŋ amɛ ji Satan kpeehe lɛ mli bii.

Kpojiemɔ 3:16

Shi nɛkɛ nɛɛ, akɛni kulɔkulɔ oyɔɔ ni obɛ ŋanii ni obɛ klakla hu hewɔ lɛ, mibafɛ̃ bo yɛ midaaŋ mashwie.