Kpojiemɔ 3:14 - ŊMALƐ KRƆŊKRƆŊ LƐ

¹⁴ “Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Ṅmãle̱ Kroṅkroṅ Le̱

¹⁴ Ni Laodikea asafo le̱ bo̱fo le̱, ṅmã oyahãle̱ ake̱: Nii ni Amen le̱ ni dši *odasefonyo ano̱kwafo le̱ ke̱ ano̱kwayelo̱ le̱ ke̱ Nyoṅmo̱ nibō̱ le̱ †šišidšē le̱ kē̱ ne̱: *1,5. †Ioh. 1.3. Kol. 1,15.

Kpojiemɔ 3:14 ပူးပေါင်းရင်းမြစ်များ

1 Mose 49:3

“Ruben, bo ji mikromɔbi, miblahiaŋ be hewalɛ mli bi, mɔ ni fe fɛɛ yɛ gbɛnaa kɛ hewalɛ gbɛfaŋ.

Abe̱i 14:5

Odasefonyo anɔkwafo maleee; shi apasa odasefonyo maleɔ pam.

Abe̱i 8:22

Mi Yehowa bɔ kɛje enitsumɔ shishi; mi ji klɛŋklɛŋ nɔ yɛ eblema nitsumɔi lɛ ateŋ.

Yesaia 55:4

Naa, mifee lɛ majimaji lɛ ahiɛnyiɛlɔ kɛ tatsɛ, koni etsɔ̃ mihe odaseyelɔ ehã majimaji lɛ.

Yesaia 65:16

Koni mɔ fɛɛ mɔ ni baa jɔɔmɔ aha ehe yɛ shikpɔŋ lɛ nɔ lɛ, anɔkwa Nyɔŋmɔ lɛ ajɔɔ lɛ; ni mɔ fɛɛ mɔ ni kãa kitã yɛ shikpɔŋ, akã anɔkwa Nyɔŋmɔ lɛ kitã, ejaakɛ mihiɛ ekpa tsuutsu haomɔi lɛ anɔ, ni aŋɔ atee yɛ mihiɛ.”

Yeremia 42:5

Amɛ hu amɛkɛɛ Yeremia akɛ, “Yehowa afee odasefonyo anɔkwafo ashi wɔ kɛji wɔyeee wiemɔ fɛɛ wiemɔ ni Yehowa, oNyɔŋmɔ lɛ, kɛaatsu bo okɛbahã wɔ lɛ nɔ.

Yohane 1:3

Lɛ enɔ atsɔ̃ afee nibii fɛɛ, ni ashiii lɛ afeee nɔ ko nɔ ko ni afee.

Yohane 8:14

Yesu here nɔ ekɛɛ, “Kɛ miiye mi diɛŋtsɛ mihe odase hu jiŋŋ, midase lɛ anɔkwale ni, ejaakɛ mile he ni mijɛ kɛ he ni miyaa, shi nyɛ lɛ, nyɛleee he ni mijɛ aloo he ni miyaa.

2 Korintobii 1:20

Ejaakɛ lɛ ji Nyɔŋmɔ shiwoi abɔ ni yɔɔ nɛɛ fɛɛ “hɛɛ”; ni no hewɔ wɔtsɔ̃ɔ enɔ wɔkɛɔ “Amen” kɛwoɔ Nyɔŋmɔ hiɛ nyam lɛ.

5 Mose 21:17

Yoo ni esumɔɔɔ esane lɛ binuu lɛ ji ekromɔbi, ni lɛ eŋɔ egboshinii lɛ fɛɛ mlijai lɛ toi enyɔ lɛ ehã akɛ kromɔbi gbɛnaa nɔ.”

Kolosebii 1:15

Kristo ji Nyɔŋmɔ ni anaaa lɛ subaŋ, lɛ enɔ atsɔ abɔ nii fɛɛ.

Kolosebii 1:18

Ni lɛ ji gbɔmɔtso lɛ ni ji asafo lɛ yitso, lɛ ji shishijee lɛ, gbohii ateŋ kromɔbi lɛ, bɔ ni afee ni efee klɛŋklɛŋ mɔ yɛ nii fiaa mli.

Kolosebii 2:1

Ejaakɛ miisumɔ akɛ nyɛle nɔ pelemɔ ni mli wa ni mipeleɔ yɛ nyɛ kɛ mɛi ni yɔɔ Laodikea kɛ mɛi abɔ ni enako mi hiɛ kɛ hiɛ lɛ ahewɔ.

Kolosebii 4:16

Kɛ akane nɛkɛ wolo nɛɛ yɛ nyɛŋɔɔ lɛ, nyɛhãa akanea yɛ Laodikea asafo lɛ mli hu, ni nyɛ hu nyɛkane nɔ ni jɛ Laodikea lɛ.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 22:13

Mi ji Alfa lɛ kɛ Omega lɛ, shishijee lɛ kɛ naagbee lɛ, klɛŋklɛŋ mɔ lɛ kɛ naagbee mɔ lɛ.”

Kpojiemɔ 22:6

Ni bɔfo lɛ kɛɛ mi akɛ, “Wiemɔi nɛɛ anɔkwa ni, ni amɛyɛ mli. Ni Nuŋtsɔ ni ji gbalɔi amumɔi lɛ aNyɔŋmɔ lɛ tsu ebɔfo lɛ ni ebatsɔ̃ɔ etsuji nii ni sa akɛ aba nɔŋŋ.”

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,