Kpojiemɔ 22:6 - ŊMALƐ KRƆŊKRƆŊ LƐ

⁶ Ni bɔfo lɛ kɛɛ mi akɛ, “Wiemɔi nɛɛ anɔkwa ni, ni amɛyɛ mli. Ni Nuŋtsɔ ni ji gbalɔi amumɔi lɛ aNyɔŋmɔ lɛ tsu ebɔfo lɛ ni ebatsɔ̃ɔ etsuji nii ni sa akɛ aba nɔŋŋ.”

Ṅmãle̱ Kroṅkroṅ Le̱

⁶ Ni ekē̱mi ake̱: Ano̱kwa wiemoi ní mã ši šiṅṅ ne̱; ni Nuṅtšo̱ ní dši *gbalo̱i amumo̱i le̱ a-Nyoṅmo̱ le̱ tšũ †ebo̱fo le̱ ni ebatšõ etšũdši nii ní sa ake̱ aba oyá. *4 Mose 27,16. 1 Kor. 14,32. †Kpods 1,1.

Kpojiemɔ 22:6 ပူးပေါင်းရင်းမြစ်များ

1 Mose 41:32

Akɛni akɛ lamɔi srɔtoi enyɔ nɛɛ miitsɔ̃ɔ Farao nɔ koome lɛ nɔŋŋ lɛ, etsɔ̃ɔ akɛ Nyɔŋmɔ yiŋtoo lɛ baaba mli lɛɛlɛŋ, ni etsɛŋ ni ebaaba mli.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 6:22

MiNyɔŋmɔ lɛ etsu ebɔfo lɛ kɛba, ni ebaŋamɔ jatai lɛ anaabu, ni no hewɔ lɛ, amɛyeko mi awui ko, ejaakɛ yɛ lɛ ehiɛ lɛ miyeɔ bem, ni bo Nii hu, mitɔ̃ko onɔ.”

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Luka 1:70

Tamɔ bɔ ni etsɔ̃ egbalɔi krɔŋkrɔŋi ni yɔɔ kɛjɛ blema beebe lɛ anɔ ewie lɛ;

Luka 16:16

“Mla lɛ kɛ gbalɔi lɛ yɔɔ nɔ kɛbashi Yohane nɔ; kɛjɛ nakai be lɛ nɔ nɛɛ aashiɛ Nyɔŋmɔ maŋtsɛyeli lɛ he Sanekpakpa lɛ, ni mɔ fɛɛ mɔ boteɔ mli ekãa naa.

Bɔfoi 12:11

Ni be ni Petro hiɛ tserɛ lɛ lɛ, ekɛɛ, “Kpaako mina mile krɛdɛɛ akɛ Nuŋtsɔ lɛ etsu ebɔfo lɛ kɛba, ni ebajie mi yɛ Herode dɛŋ kɛ nɔ ni Yudafoi lɛ amaŋ lɛ kwɛɔ gbɛ lɛ fɛɛ mli.”

Bɔfoi 3:18

shi nii ni Nyɔŋmɔ ekɛɛ eto momo yɛ egbalɔi lɛ fɛɛ anaa akɛ eKristo lɛ aaana amanehulu lɛ, ehã eba mli nakai.

Romabii 1:2

Sanekpakpa nɛɛ Nyɔŋmɔ ewo he shi eto momo yɛ egbalɔi lɛ anaa yɛ Ŋmalɛi Krɔŋkrɔŋi lɛ amli,

1 Korintobii 14:32

Gbalɔi amumɔi lɛ baa amɛhe shi amɛhãa gbalɔi lɛ;

1 Korintobii 7:29

Shi, anyɛmimɛi, nɔ ni mikɛɔ ji akɛ, be lɛ faaa dɔŋŋ; nɔ ni eshwɛ ji akɛ, mɛi ni yɔɔ ŋamɛi tete afee amɛhe tamɔ mɛi ni bɛ eko; ni mɛi ni foɔ lɛ hu afee amɛhe tamɔ mɛi ni fooo;

2 Tesalonikabii 1:7

ni nyɛ mɛi ni ahaoɔ nyɛ lɛ, eeehã nyɛ kɛ wɔ fɛɛ hejɔɔmɔ, be ni aaajie Nuŋtsɔ Yesu kpo kɛaajɛ ŋwɛi kɛ ebɔfoi ni yɔɔ hewalɛ lɛ.

Hebribii 12:9

Asaŋ wɔyɛ heloo gbɛfaŋ tsɛmɛi ni tsɔseɔ wɔ, ni wɔbuɔ amɛ. Ani esaaa akɛ wɔba wɔhe shi fe nakai wɔhã mumɔi aTsɛ lɛ koni wɔyi ana wala?

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.

2 Petro 3:2

ni nyɛkai gbalɔi krɔŋkrɔŋi lɛ awiemɔi ni amɛwie sa kɛ Nuŋtsɔ kɛ yiwalaherelɔ lɛ kitã ni bɔfoi ni atsu nyɛŋɔɔ lɛ kɛhã nyɛ lɛ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 19:9

Ni ekɛɛ mi akɛ, “Ŋmaa, Ajɔɔ mɛi ni atsɛ amɛ kɛba Toobi lɛ yookpeemɔ okplɔ̃ lɛ he lɛ.” Ni ekɛɛ mi akɛ, “Nyɔŋmɔ anɔkwa wiemɔi nɛ.”

Kpojiemɔ 21:5

Ni mɔ ni ta maŋtsɛ sɛi lɛ nɔ lɛ kɛɛ, “Naa, miifee nii fɛɛ ehee.” Ni ekɛɛ mi akɛ, “Ŋmaa, ejaakɛ wiemɔi nɛɛ anɔkwa ni, ni amɛyɛ mli.”

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:16

“Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”

Kpojiemɔ 22:7

“Naa, miiba nɔŋŋ. Ajɔɔ mɔ ni yeɔ nɛkɛ wolo nɛɛ mli gbalɛ wiemɔi lɛ anɔ lɛ.”

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”