Kpojiemɔ 22:2 - ŊMALƐ KRƆŊKRƆŊ LƐ

² Ni eblohu lɛ teŋ kɛ faa lɛ biɛ kɛ biɛ lɛ walatso ma shi, ni ewoɔ yibii nyɔŋma kɛ enyɔ, ekome nyɔŋ fɛɛ nyɔŋ nɔ, ni tso lɛ yibai lɛ akɛtsaa jeŋmaji lɛ.

Ṅmãle̱ Kroṅkroṅ Le̱

² Ni *eblohũ le̱ teṅ ke̱ fā le̱ toi bie̱ ke̱ bie̱ fẽ le̱ †walatšei le̱ mãmo̱ ši, ni ewoo̱ yibii šii nyoṅma ke̱ enyo̱, ni nyõṅ-fẽ-nyõṅ no̱ le̱ ewoo̱ yibii, ni tšo le̱ yibāi le̱ ake̱-tšáa dšeṅmãdši le̱. *21,21. †Ezek. 47,12.

Kpojiemɔ 22:2 ပူးပေါင်းရင်းမြစ်များ

1 Mose 2:9

Nuŋtsɔ Nyɔŋmɔ hã tsei fɛɛ ni kɛ akwɛ ni aaaba mɔ tsine ni amɛhi hã yeli hu kwɛ̃ kɛjɛ shikpɔŋ sũ lɛ mli. Ehã wala tso kɛ ekpakpa kɛ efɔŋlee tso hu kwɛ̃ yɛ trom lɛ teŋ.

Lalai 147:3

Lɛ etsaa mɛi ni tsuii ekumɔ lɛ, ni efimɔɔ amɛpilamɔi lɛ anɔ.

Abe̱i 3:18

Nilee lɛ wala tso ni hã mɛi ni kɛ amɛhe kpɛtɛɔ lɛ, ni mɛi ni hiɛ emli kpɛŋŋ lɛ, ajɔɔ amɛ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yeremia 17:14

Ao! Yehowa, tsa mi, ni mihe aaatã; heremɔ miyiwala koni miyi ana wala, ejaakɛ bo oyi mijieɔ.

Ezekiel 47:1

Nuu lɛ kɛ mi ku sɛɛ kɛba Sɔlemɔ we lɛ shinaa lɛ shi ekoŋŋ; ni naa, nu miiho kɛmiijɛ Sɔlemɔ we lɛ shinaa kpoku lɛ shishi kɛmiiya bokãgbɛ he ni Sɔlemɔ we lɛ hiɛgbɛ kwɛɔ lɛ. Nu lɛ miiho kɛmiijɛ Sɔlemɔ we lɛ wuoyigbɛ yɛ shinaa lɛ kpoku lɛ shishi, yɛ afɔleshãa latɛ lɛ wuoyigbɛ.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

Maleaki 4:2

Shi nyɛ mɛi fɛɛ ni sheɔ mi gbeyei lɛ, mihewalɛ lɛ baate shi tamɔ jalɛ hulu ahã nyɛ, ni eeetsa nyɛ. Nyɛaaje kpo kɛ nyamɔ kɛ tuumɔ tamɔ tsinabii ni agbele amɛ.

Luka 4:18

“Nuŋtsɔ lɛ Mumɔ lɛ yɛ minɔ, ejaakɛ efɔ mi mu, koni mijaje Sanekpakpa lɛ mitsɔ̃ɔ ohiafoi.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 21:21

Ni agboi nyɔŋma kɛ enyɔ lɛ adiagbai nyɔŋma kɛ enyɔ ni, agbo kome lɛ adiagba kome akɛfee. Ni maŋ lɛ blohu lɛ shika ŋmiiŋmi ni, ni emli tse tamɔ ashwishwɛ.

Kpojiemɔ 21:24

Ni jeŋmaji lɛ aaanyiɛ yɛ ela lɛ mli, ni shikpɔŋ lɛ nɔ maŋtsɛmɛi lɛ aaaŋɔ amɛnunyam lɛ kɛaaba mli.

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:14

Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

Kpojiemɔ 22:19

Ni kɛji mɔ ko jie nɔ ko kɛjɛ nɛkɛ gbalɛ wolo nɛɛ mli wiemɔi lɛ amli lɛ, Nyɔŋmɔ aaajie egbɛnaa kɛaajɛ wala wolo lɛ kɛ maŋ krɔŋkrɔŋ lɛ kɛ nii ni aŋma yɛ nɛkɛ wolo nɛɛ mli lɛ amli.