Kpojiemɔ 22:16 - ŊMALƐ KRƆŊKRƆŊ LƐ

¹⁶ “Mi Yesu, mitsu mibɔfo lɛ koni ebaye nii nɛɛ ahe odase etsɔ̃ɔ nyɛ yɛ asafoi lɛ amli. Mi ji David shishifã lɛ kɛ eshwie lɛ, tooloo ni kpɛɔ lɛ.”

Ṅmãle̱ Kroṅkroṅ Le̱

¹⁶ *Mi, Iesu, mitšũ mibote le̱ koni †ebaye nii ne̱ ahe odase etšõnye ye̱ asafoi le̱ amli. Midši David **šišifã le̱ ke̱ esešinyo le̱, ††tolō ní kpe̱o̱ le̱. *1,1. †1,2. **Ies. 11,10. Kpods 5,5. ††Luk 1,78.

Kpojiemɔ 22:16 ပူးပေါင်းရင်းမြစ်များ

Yesaia 11:1

Tso fɔ aaakwɛ̃ kɛaajɛ Ishai tso kuku lɛ mli, ni tso nine ko aaahere kɛaajɛ eshishi fã lɛ mli awo yibii.

Yesaia 14:12

“Bo Tooloo, Jetsɛremɔ okadi, te aye tɛŋŋ ni ojɛ ŋwɛi obaagbee shi nɛɛ? Te aye tɛŋŋ ni, bo ni oba majimaji ashi lɛ, akɛ bo etswa shi nɛɛ?

Zakaria 6:12

No sɛɛ lɛ, okɛɛ lɛ akɛ bɔ ni Yehowa, Taiatsɛ lɛ kɛɛ nɛ, ‘Naa, nuu lɛ ni egbɛi ji Tsonine lɛ, ebaada yɛ enajiaŋ, ni lɛ ebaama Yehowa Sɔlemɔ we lɛ.

4 Mose 24:17

Miina Israel, shi jeee bɔ ni eyɔɔ lɛ minaa lɛ, shi eyɛ shɔŋŋ. Ŋulami ko baaje yɛ Yakob, Maŋtsɛ tso ko baate shi yɛ Israel, ni ebaatswia Moab hiɛnaanɔbii lɛ anii, ni ebaaye Set shwiei lɛ fɛɛ anɔ kunim.

Mateo 1:1

Wolo wekukpãa Yesu Kristo, bi David, bi Abraham bi.

Mateo 2:2

“Nɛgbɛ Yudafoi amaŋtsɛ ni afɔ lɛ yɔɔ? Wɔna eŋulami lɛ yɛ bokã ni wɔba ni wɔbaja lɛ.”

Mateo 22:42

“Te nyɛsusuɔ yɛ Kristo lɛ he tɛŋŋ? Namɔ bi ji lɛ?” Amɛkɛɛ lɛ akɛ, “David Biŋ.”

Mateo 22:45

Agbɛnɛ kɛji David tsɛ lɛ Nuŋtsɔ lɛ, te feɔ tɛŋŋ mɔ ni efeɔ ebiŋ?”

Luka 1:78

ni jɛ wɔNyɔŋmɔ lɛ mɔbɔnalɛ ni hãa emusuŋ tsɔ̃ɔ lɛ lɛ mli. No hewɔ ni jetsɛremɔ ni jɛ ŋwɛi lɛ ebasara wɔ lɛ.

Luka 20:44

Kɛ David tsɛ lɛ ‘Nuŋtsɔ’ lɛ, belɛ te feɔ tɛŋŋ mɔ ni efeɔ ebi?”

Romabii 15:12

Ni asaŋ Yesaia kɛɛ akɛ, “Ishai shishifã lɛ aaaba, mɔ hu ni aaate shi koni ebaye jeŋmaji lɛ anɔ lɛ; lɛ enɔ jeŋmaji lɛ kɛ amɛhiɛ aaafɔ̃.”

Romabii 9:5

amɛnɔ ji tsɛmɛi lɛ, ni amɛmli hu Kristo tete jɛ yɛ heloo gbɛfaŋ lɛ, lɛ ji nii fiaa nɔ Nyɔŋmɔ ni ajɔɔ lɛ kɛyashiɔ naanɔ lɛ. Amen!

2 Petro 1:19

Ni ama gbalɛ wiemɔ lɛ nɔ mi ahã wɔ fe tsutsu lɛ, ni kɛji nyɛkɛ nyɛjwɛŋmɔ fɔ̃ no nɔ akɛ là ni tsoɔ yɛ he ko ni woɔ duŋ kɛyashi beyinɔ ni je aaatsɛre ni tooloo lɛ aaate shi yɛ nyɛtsuii amli lɛ, no lɛ nyɛmiifee jogbaŋŋ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:17

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ mana ni akɛtee lɛ eko, ni mahã lɛ tɛ yɛŋ, ni tɛ lɛ nɔ lɛ aŋma gbɛi hee ni mɔ ko leee akɛ ja mɔ ni náa lɛ.”

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 22:1

Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Kpojiemɔ 22:11

Mɔ ni ejaaa lɛ, eya nɔ efee nii ni ejaaa lɛ; ni mɔ ni ji mujiatsɛ lɛ, eya nɔ ewo ehe muji lɛ; ni mɔ ni ji jalɔ lɛ, eya nɔ efee jalɛnii, ni mɔ ni ji mɔ krɔŋkrɔŋ lɛ, eya nɔ ehi krɔŋkrɔŋ.”

Kpojiemɔ 22:20

Mɔ ni yeɔ nɛkɛ nii nɛɛ he odase lɛ miikɛɛ akɛ, ‘Hɛɛ, miiba nɔŋŋ!’ ” Amen! Ba, Nuŋtsɔ Yesu!

Kpojiemɔ 22:6

Ni bɔfo lɛ kɛɛ mi akɛ, “Wiemɔi nɛɛ anɔkwa ni, ni amɛyɛ mli. Ni Nuŋtsɔ ni ji gbalɔi amumɔi lɛ aNyɔŋmɔ lɛ tsu ebɔfo lɛ ni ebatsɔ̃ɔ etsuji nii ni sa akɛ aba nɔŋŋ.”

Kpojiemɔ 3:13

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 3:22

“Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 3:6

“Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”

Kpojiemɔ 5:5

Ni onukpai lɛ ateŋ mɔ kome kɛɛ mi akɛ, “Kaafo! Naa, jata lɛ ni jɛ Yuda akutso lɛ mli lɛ, mɔ ni ji David shishifã lɛ, eye kunim ni ebaanyɛ egbele wolo lɛ naa ní etserɛ enaasɔomɔi kpawo lɛ.”