Kpojiemɔ 22:14 - ŊMALƐ KRƆŊKRƆŊ LƐ

¹⁴ Ajɔɔ mɛi ni fɔɔ amɛtadei lɛ ahe, koni amɛna hegbɛ yɛ walatso lɛ he ní amɛtsɔ̃ agboi lɛ amli kɛbote maŋ lɛ mli lɛ.

Ṅmãle̱ Kroṅkroṅ Le̱

¹⁴ Adšō̱ mei ní fo̱ö̱ ametadei le̱ ahe le̱, koni ame̱ná hegbe̱ ye̱ walatšo le̱ no̱, ni ame̱tšṍ agbói le̱ amli ke̱-bote maṅ le̱ mli.

Kpojiemɔ 22:14 ပူးပေါင်းရင်းမြစ်များ

1 Mose 2:9

Nuŋtsɔ Nyɔŋmɔ hã tsei fɛɛ ni kɛ akwɛ ni aaaba mɔ tsine ni amɛhi hã yeli hu kwɛ̃ kɛjɛ shikpɔŋ sũ lɛ mli. Ehã wala tso kɛ ekpakpa kɛ efɔŋlee tso hu kwɛ̃ yɛ trom lɛ teŋ.

1 Mose 3:22

Ni Nuŋtsɔ Nyɔŋmɔ kɛɛ, “Naa, gbɔmɔ lɛ etsɔ̃ tamɔ wɔteŋ mɔ kome, ni ele ekpakpa kɛ efɔŋ. Agbɛnɛ, eko lɛ eeekpã enine mli ni etse wala tso lɛ yibii lɛ eko ni eye koni ehiɛ akã kɛya naanɔ.”

Lalai 112:1

Jiemɔ Yehowa yi! Ajɔɔ gbɔmɔ ni sheɔ Yehowa gbeyei, ni eyɔɔ ekitãi lɛ ahe tsuijurɔ lɛ.

Lalai 118:20

Yehowa agbo lɛ nɛ. Jalɔi lɛ baatsɔ̃ mli kɛbote mli.

2 Mose 19:10

Yehowa kɛɛ Mose akɛ, “Yaa maŋbii lɛ aŋɔɔ, ni otsuu amɛhe ŋmɛnɛ kɛ wɔ ni ohã amɛfɔ amɛtadei ahe,

Daniel 12:12

Aaajɔɔ mɛi fɛɛ ni baato amɛtsui shi koni amɛye anɔkwa kɛyashi gbii akpe kɛ ohai etɛ̃ kɛ nyɔŋmai etɛ̃ kɛ enumɔ lɛ.

Yohane 10:7

No hewɔ lɛ, Yesu saa kɛɛ amɛ ekoŋŋ akɛ, “Anɔkwale mikɛɔ nyɛ akɛ, Mi ji toi lɛ ashinaa lɛ.

Yohane 10:9

Mi ji shinaa lɛ. Mi lɛ, kɛji mɔ ko tsɔ̃ minaa etee mli lɛ, aaahere eyiwala, ni eeetee mli ni eeeje kpo, ni eeena lɛɛnii.

Yohane 14:15

“Kɛji nyɛmiisumɔ mi lɛ nyɛaaye mikitãi lɛ anɔ.

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 4:12

Ani ofe wɔtsɛ Yakob ni hã wɔ nubu lɛ, ni lɛ diɛŋtsɛ enu mli nu, kɛ ebii kɛ ekooloi lɛ?”

1 Korintobii 7:19

Ketiafoo jeee nɔ ko, ni foo hu jeee nɔ ko, shi Nyɔŋmɔ kitãi lɛ anɔyeli moŋ ji nɔ ko.

1 Korintobii 8:9

Shi nyɛkwɛa ni ahĩa koni nyɛhegbɛ nɛɛ akabatsɔ̃ pampi miihã gbedelɔi lɛ.

1 Korintobii 9:5

Ani wɔbɛ hegbɛ akɛ wɔhiɛɔ nyɛmi yoo Kristofonyo ni ji wɔŋa lɛ kɛnyiɛɔ, tamɔ bɔfoi krokomɛi lɛ hu kɛ Nuŋtsɔ lɛ nyɛmimɛi lɛ kɛ Kefa?

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

1 Yohane 3:3

Ni mɔ fɛɛ mɔ ni yɔɔ hiɛnɔkãmɔ nɛɛ yɛ emli lɛ, etsuuɔ lɛ diɛŋtsɛ ehe, tamɔ bɔ ni lɛ ehe tse lɛ.

1 Yohane 5:3

Ejaakɛ enɛ ji suɔmɔ ni wɔkɛsumɔɔ Nyɔŋmɔ lɛ akɛ wɔye ekitãi lɛ anɔ; ni ekitãi lɛ waaa,

Kpojiemɔ 2:7

Mɔ ni yɔɔ toi ni akɛ nuɔ nii lɛ, enu nɔ ni Mumɔ lɛ kɛɔ asafoi lɛ. Mɔ ni yeɔ kunim lɛ, mahã lɛ hegbɛ ni eye walatso lɛ ni yɔɔ miNyɔŋmɔ lɛ Paradeiso lɛ mli lɛ nɔ yibii lɛ eko.’ ”

Kpojiemɔ 21:12

Eyɛ gbogbo kpeteŋkple ni kwɔ kɛ agboi nyɔŋma kɛ enyɔ ni bɔfoi nyɔŋma kɛ enyɔ damɔ agboi lɛ anaa, ni aŋmala gbɛii ni ji Israelbii lɛ akutsei nyɔŋma kɛ enyɔ lɛ agbɛii yɛ nɔ.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.

Kpojiemɔ 22:2

Ni eblohu lɛ teŋ kɛ faa lɛ biɛ kɛ biɛ lɛ walatso ma shi, ni ewoɔ yibii nyɔŋma kɛ enyɔ, ekome nyɔŋ fɛɛ nyɔŋ nɔ, ni tso lɛ yibai lɛ akɛtsaa jeŋmaji lɛ.

Kpojiemɔ 22:7

“Naa, miiba nɔŋŋ. Ajɔɔ mɔ ni yeɔ nɛkɛ wolo nɛɛ mli gbalɛ wiemɔi lɛ anɔ lɛ.”

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.