Kpojiemɔ 22:12 - ŊMALƐ KRƆŊKRƆŊ LƐ

¹² “Naa, miiba nɔŋŋ, ni mihiɛ minyɔmɔwo lɛ kɛmiiba, ni mawo mɔ fɛɛ mɔ nyɔmɔ bɔ ni sa enitsumɔ lɛ.

Ṅmãle̱ Kroṅkroṅ Le̱

¹² *Na, mība oyá, ni †mihĩe minyõmo̱wo le̱ ke̱-mība, ní **mawo mofẽmo nyõmo̱ ye̱ enitšumo le̱ nā. *K. 7; 3,11. †Ies. 40,10. **Rom. 2,6.

Kpojiemɔ 22:12 ပူးပေါင်းရင်းမြစ်များ

Hiob 34:11

Ejaakɛ Nyɔŋmɔ woɔ gbɔmɔ nyɔmɔ yɛ enitsumɔ naa, ni ekɛ gbɔmɔ yeɔ yɛ ejeŋba naa.

Lalai 28:4

Nakai nɔfɔŋfeelɔi lɛ, wo amɛ nyɔmɔ, yɛ amɛnifeemɔnii kɛ amɛnitsumɔi fɔ̃ji lɛ anaa. Wo amɛ nyɔmɔ yɛ amɛninenaa nitsumɔi lɛ anaa. Too amɛ najiaŋ bɔ pɛ ni sa amɛ.

Yesaia 40:10

Naa, Nuŋtsɔ nyɛNyɔŋmɔ lɛ miibaa kɛ hewalɛ, ni eeeye nɔ kɛ nineshiwalɛ. Mɛi fɛɛ ni ehere amɛyiwala lɛ nyiɛ ehiɛ kɛmiiba.

Yesaia 62:11

Naa, Yehowa eha ashiɛ kɛtee shikpɔŋ lɛ naagbeehe lɛ akɛ, Nyɛkɛa Zion bi yoo lɛ akɛ, “Naa, oyiwalaheremɔ lɛ miiba; naa, ehiɛ enyɔmɔwoo kɛmiiba, ni mɛi ni ekpɔ̃ amɛ lɛ nyiɛ ehiɛ kɛmiiba.”

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Zefania 1:14

Yehowa gbi wulu lɛ ebɛŋkɛ etã, eeba nɔŋŋ. Gbi lɛ baajoo naakpa, ejaakɛ nakai gbi lɛ, kãkãlɔi tete baafo waa.

Mateo 16:27

Ejaakɛ Gbɔmɔ Bi lɛ baaba yɛ eTsɛ anunyam lɛ mli kɛ ebɔfoi lɛ; ni no mli lɛ eeewo mɔ fɛɛ mɔ nyɔmɔ yɛ enitsumɔ naa.

Romabii 14:12

No hewɔ lɛ, wɔteŋ mɔ fɛɛ mɔ baabu lɛ diɛŋtsɛ ehe akɔntaa ehã Nyɔŋmɔ.

1 Korintobii 3:14

Kɛ mɔ ko nitsumɔ ni ji nɔ ni etswa ema nɔ lɛ aaahi shi lɛ, eeena nyɔmɔwoo;

1 Korintobii 3:8

Shi mɔ ni tɛoɔ lɛ kɛ mɔ ni shwieɔ nɔ nu lɛ fɛɛ lɛ ekomeŋ; shi amɛteŋ mɔ fɛɛ mɔ aaana lɛ diɛŋtsɛ enyɔmɔwoo yɛ lɛ diɛŋtsɛ edeŋmegbomɔ naa.

Kpojiemɔ 11:18

Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Kpojiemɔ 2:23

Ni ebii lɛ, gbe magbe amɛ; ni asafoi lɛ fɛɛ aaana ale akɛ mi ji mɔ ni taoɔ jwɛŋmɔi kɛ tsuii amli, ni mahã nyɛteŋ mɔ fɛɛ mɔ enyɔmɔwo bɔ ni nyɛnitsumɔi lɛ yɔɔ lɛ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 22:20

Mɔ ni yeɔ nɛkɛ nii nɛɛ he odase lɛ miikɛɛ akɛ, ‘Hɛɛ, miiba nɔŋŋ!’ ” Amen! Ba, Nuŋtsɔ Yesu!

Kpojiemɔ 22:7

“Naa, miiba nɔŋŋ. Ajɔɔ mɔ ni yeɔ nɛkɛ wolo nɛɛ mli gbalɛ wiemɔi lɛ anɔ lɛ.”

Kpojiemɔ 3:11

Naa, miiba nɔŋŋ; hiɛmɔ nɔ ni oyɔɔ lɛ mli ni awa, koni mɔ ko akashɔ̃ okekre lɛ!