Kpojiemɔ 22:11 - ŊMALƐ KRƆŊKRƆŊ LƐ

¹¹ Mɔ ni ejaaa lɛ, eya nɔ efee nii ni ejaaa lɛ; ni mɔ ni ji mujiatsɛ lɛ, eya nɔ ewo ehe muji lɛ; ni mɔ ni ji jalɔ lɛ, eya nɔ efee jalɛnii, ni mɔ ni ji mɔ krɔŋkrɔŋ lɛ, eya nɔ ehi krɔŋkrɔŋ.”

Ṅmãle̱ Kroṅkroṅ Le̱

¹¹ Moni edšaa le̱, hã eya no̱ efe nii ni edšaa le̱; ni moni dši mũdšiatše̱ le̱, hã eya no̱ ewo ehe mũdši le̱; ni moni dši dšalo̱ le̱, ha eya no̱ efe dšale̱nii, ni moni dši mokroṅkroṅ le̱, hã eya no̱ ehĩ kroṅkroṅ.

Kpojiemɔ 22:11 ပူးပေါင်းရင်းမြစ်များ

Hiob 17:9

Kɛ̃lɛ jalɔ lɛ fiɔ shi yɛ egbɛ lɛ nɔ, ni mɔ ni niji ahe tse hewalɛ shwereɔ kɛyaa naanɔ.

Lalai 81:12

No hewɔ lɛ, miŋmɛɛ amɛhe koni amɛhi shi yɛ amɛtsuiwalɛ lɛ mli, koni amɛhi shi bɔ ni amɛ diɛŋtsɛ amɛsumɔɔ.

Abe̱i 14:32

Mɔ fɔŋ lɛ, enifɔjianii lɛ nɔŋŋ butuɔ lɛ; shi jalɔ lɛ, ejalɛ ji ebobaahe.

Abe̱i 4:18

Shi jalɔi agbɛ lɛ etamɔ leebi la ni kpɛɔ, ni eyaa nɔ ekpɛɔ aahu kɛyashiɔ shwane.

Jajelɔ 11:3

Kɛji atatuiaŋ yi tɔ kɛ nu lɛ, amɛnɛɔ nu amɛshwieɔ shikpɔŋ lɛ nɔ; ni kɛji tso yaagbee shi, ni eyagbee wuoyigbɛ loo kooyigbɛ lɛ, eshigbeemɔhe lɛ nɔŋŋ ekãa.

Ezekiel 3:27

Shi kɛji mikɛ bo bawie ekoŋŋ lɛ, magbele onaa ni okɛɛ amɛ akɛ, ‘Bɔ ni Nuŋtsɔ Nyɔŋmɔ kɛɛ nɛ: Mɔ ni sumɔ akɛ enu lɛ, ebo toi, ni mɔ ni sumɔɔɔ akɛ enu lɛ, ekabo toi; ejaakɛ toigbolɔi amaŋbii ji amɛ.’ ”

Daniel 12:10

Mɛi pii baatsuu amɛhe koni amɛyɛ futafuta ni amɛhe atse. Shi yitsoŋwalɔi lɛ ateŋ mɔ ko mɔ ko nuŋ shishi, ni amɛaaya nɔ amɛye yitsoŋwalɛ sane; shi nilelɔi lɛ, amɛ lɛ, amɛbaanu nɔ ni yaa nɔ lɛ shishi.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Mateo 21:19

Ni ena agbãmitso ko yɛ gbɛ lɛ he, ni etsi eshɛ he, shi enaaa nɔ ko yɛ nɔ akɛ ja bai kɛkɛ; ni ekɛɛ tso lɛ akɛ, “Owoŋ yibii ko dɔŋŋ gbi ko gbi ko!” Ni agbãmitso lɛ ŋlã amrɔ lɛ nɔŋŋ.

Mateo 25:10

Shi be ni amɛtee hemɔ lɛ, ayɛmforowu lɛ ba, ni mɛi ni esaa amɛhe eto lɛ kɛ lɛ tee yookpeemɔ lɛ, ni aŋa shinaa lɛ.

Mateo 5:45

koni nyɛtsɔ̃mɔ nyɛTsɛ ni yɔɔ ŋwɛi lɛ bii, ejaakɛ ehãa ehulu teɔ shi yɛ mɛi fɔ̃ji kɛ mɛi kpakpai anɔ. Ni ehaa nyɔŋmɔ nɛɔ yɛ jalɔi kɛ mɛi ni ejaaa lɛ anɔ.

Mateo 5:6

“Ajɔɔ mɛi ni jalɛ he hɔ̃mɔ kɛ kumai yeɔ amɛ lɛ; shi amɛaatɔrɔ.”

Yohane 8:21

Kɛkɛ lɛ Yesu saa kɛɛ amɛ ekoŋŋ akɛ, “Mi lɛ miiya, ni nyɛaatao mi, ni nyɛhe esha lɛ mli nyɛaagboi yɛ; he ni miyaa lɛ, nyɛnyɛŋ jɛi nyɛba.”

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

Kolosebii 1:22

Agbɛnɛ ekɛ egbɔmɔtso lɛ etsɔ̃ gbele nɔ ekpãtã nyɛ ni ekɛ nyɛ edamɔ shi akɛ mɛi krɔŋkrɔŋi ni he bɛ kpa ko ni sane ko bɛ amɛhe yɛ ehiɛ.

2 Timoteo 3:13

Shi gbɔmɛi fɔ̃ji kɛ shishiulɔi aaawo wu yɛ efɔŋ mli; amɛlakaa mɛi ni amɛ hu alakaa amɛ.

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,

Kpojiemɔ 16:21

Ni nyɔŋmɔŋtɛi agboi ni amɛtsiimɔ tamɔ talenta jɛ ŋwɛi bashwie gbɔmɛi anɔ, ni gbɔmɛi lɛ wie musubɔɔ wiemɔi amɛshi Nyɔŋmɔ yɛ nyɔŋmɔŋtɛi lɛ ahaomɔ lɛ hewɔ, ejaakɛ haomɔ ni nyɔŋmɔŋtɛi nɛɛ kɛba lɛ yɛ gbeyei po ni ehiii.

Kpojiemɔ 22:3

Ni musu ko musu ko bɛ dɔŋŋ. Ni Nyɔŋmɔ kɛ Toobi lɛ maŋtsɛ sɛ̃i lɛ aaama maŋ lɛ mli; ni etsuji lɛ aaasɔ̃mɔ lɛ;