Kpojiemɔ 22:1 - ŊMALƐ KRƆŊKRƆŊ LƐ

¹ Ni etsɔ̃ɔ mi walanu faa ni hiɛ kpɛlɛɔ tamɔ kristalo ni jɛ Nyɔŋmɔ kɛ Toobi lɛ maŋtsɛ sɛ̃i lɛ mli.

Ṅmãle̱ Kroṅkroṅ Le̱

¹ Ni etšõmi *wala-nu fā kro̱ṅṅ ní mli tše tamo̱ kristalo-aſĩſe̱ mīdše̱ Nyoṅmo̱ ke̱ tōbi le̱ maṅtše̱sẽi le̱ mli. *Ezek. 47,1. Zak. 14,8.

Kpojiemɔ 22:1 ပူးပေါင်းရင်းမြစ်များ

Lalai 46:4

Faa ko yɛ ni eniji lɛ hãa Nyɔŋmɔ maŋ lɛ mii shɛɔ ehe. Ehãa Ŋwɛi flooflonyo lɛ shihilɛhe krɔŋkrɔŋ lɛ mii shɛɔ ehe.

Yesaia 41:18

Mibahã fai aho yɛ gɔŋ kpataai anɔ, ni nuhiŋmɛii baatsɛ̃rɛ yɛ nujɔi lɛ amli, Mahã kpaakpo abua shi yɛ shiaŋa lɛ mli, ni nu baaho yɛ shikpɔŋ gbiŋ nɔ.

Yesaia 48:18

Ao, eji oye mikitãi lɛ anɔ kulɛ, oooshwere tamɔ faa; ni okunimyeli aaatsara nɔ tamɔ ŋshɔkei.

Yesaia 66:12

Ejaakɛ bɔ ni Yehowa kɛɛ nɛ, “Maha nyɛshwere babaoo tamɔ faa ni hoɔ, ni majimajiaŋbii lɛ anii ni amɛna lɛ aaayiridi, tamɔ faa ni eyi kɛteke nɔ, kɛba nyɛdɛŋ. Nyɛaatamɔ abifao ni yeɔ enyɛ fufɔ; aaahiɛ nyɛ dɔdɔɔdɔ kɛ suɔmɔ yɛ kpɔkɔiaŋ.

Yeremia 17:13

Ao! Yehowa, bo Israel hiɛnɔkãmɔ, mɛi fɛɛ ni kwaa bo lɛ ahiɛ baagboi; mɛi ni kpaleɔ yɛ osɛɛ lɛ agbɛi aaalaaje tamɔ nɔ ni aŋma yɛ mlu mli, ejaakɛ amɛshi Yehowa ni ji wala nubu lɛ sɛɛ.”

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

Yohane 13:32

Kɛji atsɔ̃ enɔ awo Nyɔŋmɔ hiɛ nyam lɛ, Nyɔŋmɔ hu aaawo ehiɛ nyam yɛ lɛ diɛŋtsɛ emli, ni eeewo ehiɛ nyam oya.

Yohane 15:26

“Shi Hefatalɔ lɛ ni mibatsu nyɛŋɔɔ kɛaajɛ Tsɛ lɛ ŋɔɔ lɛ, mɔ ni ji anɔkwale Mumɔ lɛ ni jɛɔ Tsɛ lɛ ŋɔɔ baa lɛ, kɛ eba lɛ, eeeye mihe odase;

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Bɔfoi 2:33

Agbɛnɛ akɛni awo enɔ kɛtee Nyɔŋmɔ ninejurɔ nɔ ni ena Mumɔ Krɔŋkrɔŋ lɛ he shiwoo lɛ kɛjɛ Tsɛ lɛ dɛ̃ŋ hewɔ lɛ, efɔse nɔ ni nyɛnaa ni nyɛnuɔ nɛɛ eshwie shi.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 21:11

ni ehiɛ Nyɔŋmɔ anunyam lɛ ni ekpɛɔ tamɔ tɛ ni jara wa waa, tamɔ yaspi ni mli tse akɛ kristalo.

Kpojiemɔ 21:6

Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.

Kpojiemɔ 22:6

Ni bɔfo lɛ kɛɛ mi akɛ, “Wiemɔi nɛɛ anɔkwa ni, ni amɛyɛ mli. Ni Nuŋtsɔ ni ji gbalɔi amumɔi lɛ aNyɔŋmɔ lɛ tsu ebɔfo lɛ ni ebatsɔ̃ɔ etsuji nii ni sa akɛ aba nɔŋŋ.”

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 5:13

Ni minu ni bɔɔnii fɛɛ ni yɔɔ ŋwɛi kɛ shikpɔŋ lɛ nɔ kɛ shikpɔŋ lɛ shishi kɛ ŋshɔ hiɛ kɛ nii fɛɛ ni yɔɔ amɛmli lɛ kɛɛ akɛ, “Jɔɔmɔ kɛ woo kɛ anunyam kɛ nɔyeli ahã mɔ ni ta maŋtsɛ sɛi lɛ nɔ lɛ kɛ Toobi lɛ kɛya naanɔi anaanɔ!”

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”