Kpojiemɔ 21:8 - ŊMALƐ KRƆŊKRƆŊ LƐ

⁸ Shi gbeyelɔi kɛ mɛi ni heee yeee kɛ mɛi ni feɔ nihiinii kɛ gbɔmɔgbelɔi kɛ ajwamãŋbɔlɔi kɛ sulɔi kɛ wɔŋjalɔi kɛ amalelɔi fɛɛ lɛ, amɛna amɛgbɛhe yɛ kpaakpo lɛ ni tsoɔ kɛ la kɛ swɔɔ lɛ mli. Enɛ ji gbele ni ji enyɔ lɛ.”

Ṅmãle̱ Kroṅkroṅ Le̱

⁸ Ši mei ní *tšui fāa ke̱ mei ní hee yee ke̱ mei ní feo̱ nihĩnii ke̱ †awuyelo̱i ke̱ adſamaṅbo̱lo̱i ke̱ sũlo̱i ke̱ wo̱ṅdšálo̱i ke̱ amalelo̱i fẽ le̱, ame̱aná ame̱gbe̱nā ye̱ kpākpo le̱ **ní tšoo̱ ke̱ la ke̱ swō̱ le̱ mli, noni dši gbĕle ní dši enyo̱ le̱. Heb. 10,38. 39. †Kpods. 22,16. **20,14.

Kpojiemɔ 21:8 ပူးပေါင်းရင်းမြစ်များ

Abe̱i 19:5

Amale odasefonyo yeŋ ehe; ni amalelɔ he ejeŋ sane mli.

Abe̱i 19:9

Amale odasefonyo yeŋ ehe; ni amalelɔ hiɛ aaakpãtã.

Yesaia 51:12

Yehowa miikɛɛ akɛ, “Mi mishɛjeɔ nyɛmii! Mɛɛba osheɔ adesa ni baagbo, adesa ni etamɔ jwɛi gbeyei,

Yesaia 57:11

“Namɔ gbeyei oshe, ni otsui fã, hewɔ ni omale, ni okaiii mi, ni oyasusuuu mihe lɛ? Aso diŋŋ ni mifee ni miŋamɔ mihiŋmɛii nɛɛ lɛ hewɔ ni osheee mi gbeyei lɛ?

Yesaia 9:15

Maŋ onukpa kɛ hiɛnaanɔ gbɔmɔ ji yitso lɛ, ni gbalɔ ni tsɔ̃ɔ amale tsɔ̃ɔmɔ lɛ, lɛ ji lei lɛ.

Maleaki 3:5

Yehowa, Taiatsɛ lɛ, kɛɛ akɛ, “Mibatsi mabɛŋkɛ nyɛ koni makojo gbɔmɛi abii; mikɛ sane baashi mɛi ni sheee mi gbeyei lɛ oya nɔŋŋ, ŋkunyaayelɔi kɛ gbãlãfitelɔi kɛ mɛi ni kãmɔɔ amale kitã lɛ. Nakai nɔŋŋ maye odase mashi mɛi ni shishiuɔ apaafoi yɛ nyɔmɔwoo mli kɛ mɛi ni tsɔ̃ɔ yoo okulafo kɛ awusa kɛ gbɔ sane hiɛ buɔ shi lɛ.”

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

Mateo 25:25

ni no hã mishe gbeyei, ni miyafu otalenta lɛ. Naa onii.’

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

Marko 9:44

he ni amɛgɔ̃gɔ̃mi lɛ gbooo, ni amɛla lɛ hu gbooo yɛ lɛ.]

Yohane 8:44

Nyɛ lɛ nyɛtsɛ ni nyɛjɛ emli ji abonsam, ni nyɛtsɛ lɛ suɔmɔnaanii nyɛsumɔɔ akɛ nyɛfee. Lɛ lɛ gbɔmɔgbelɔ ji lɛ kɛjɛ teteete, ni ekɛ anɔkwale lɛ bɛ sane ko, ejaakɛ anɔkwale bɛ emli. Kɛ eemale lɛ, esu ni, ejaakɛ amalelɔ kɛ ablatsɛ ji lɛ.

5 Mose 20:8

“Asaŋ asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni miishe gbeyei, ni etsui efã lɛ, eku esɛɛ kɛya ewe koni ekahã enyɛmimɛi tabilɔi krokomɛi lɛ atsui miifã tamɔ lɛ nɔŋŋ.’

2 Tesalonikabii 2:9

Mlakwalɔ nɛɛ, Satan nitsumɔ nɔ ebaatsɔ̃ kɛba kɛ amale hewalɛ kɛ amale okadii kɛ amale naakpɛɛnii,

1 Timoteo 4:2

kɛtsɔ̃ amalelɔi asatofeemɔ nɔ; amalelɔi ni ashã amɛ diɛŋtsɛ amɛhenilee, tamɔ akɛ dade kɛ la shãa nɔ lɛ;

Tito 1:16

Amɛjajeɔ akɛ amɛle Nyɔŋmɔ, shi amɛkɛ amɛnitsumɔi kwaa lɛ, ni amɛ ji gbɔmɛi ni ahiɔ, kɛ toigbolɔi, mɛi ni ehiii hãaa nitsumɔ kpakpa ko kwraa.

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

Hebribii 13:4

Awo gbãlã hiɛ nyam yɛ nyɛ fɛɛ nyɛteŋ, ni akabule gbãlã saa hu; shi ajwamãŋbɔlɔi kɛ gbãlãŋkulɔi lɛ, Nyɔŋmɔ baakojo amɛ.

1 Yohane 2:22

Namɔ ji amalelɔ, kɛjeee mɔ ni kɛɔ akɛ Yesu jeee Kristo lɛ? Mɔ ni kwaa Tsɛ lɛ kɛ Bi lɛ, lɛ ji Kristo henyɛlɔ lɛ,

1 Yohane 3:15

Mɔ fɛɛ mɔ ni nyɛɔ enyɛmi lɛ, gbɔmɔgbelɔ ji lɛ; ni nyɛle akɛ gbɔmɔgbelɔ ko gbɔmɔgbelɔ ko bɛ naanɔ wala yɛ emli.

1 Yohane 5:10

Mɔ ni heɔ Nyɔŋmɔ Bi lɛ eyeɔ lɛ, eyɛ odase yɛ lɛ diɛŋtsɛ emli, mɔ ni heee Nyɔŋmɔ eyeee lɛ, ehã Nyɔŋmɔ etsɔ̃ amalelɔ, ejaakɛ eheko odase ni Nyɔŋmɔ ye yɛ eBi lɛ he lɛ eyeko.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:2

Mile onitsumɔi lɛ kɛ odeŋmegbomɔ lɛ kɛ ohiɛmiamɔ lɛ, kɛ bɔ ni okpɛ̃lɛɛɛ mɛi fɔ̃ji lɛ; mile akɛ oka mɛi ni kɛɔ akɛ bɔfoi ji amɛ shi amɛjeee bɔfoi lɛ ni ona akɛ amalelɔi ji amɛ.

Kpojiemɔ 21:27

Ni nɔ ko nɔ ko ni he tseee kɛ mɔ ni feɔ nihiinii kɛ mɔ ni maleɔ boteŋ mli kwraa akɛ ja mɛi ni aŋma amɛgbɛi yɛ Toobi lɛ wala wolo lɛ mli lɛ kɛkɛ.

Kpojiemɔ 22:15

Shi maŋ lɛ sɛɛ lɛ gbei lɛ kɛ sulɔi lɛ kɛ ajwamãŋbɔlɔi lɛ kɛ gbɔmɔgbelɔi lɛ kɛ amãgãjalɔi lɛ kɛ mɔ fɛɛ mɔ ni sumɔɔ amale ni emaleɔ yɔɔ jɛi.

Kpojiemɔ 9:17

Ni bɔ ni mina okpɔŋɔi lɛ kɛ amɛnɔtaralɔi lɛ yɛ ninaa lɛ mli nɛ: amɛwo damai ni hiɛ là kɛ safiro kɛ swɔɔ su; ni okpɔŋɔi lɛ ayitsei tamɔ jatai ayitsei, ni là kɛ lasu kɛ swɔɔ fãa kɛjɛɔ amɛdaaŋ.

Kpojiemɔ 9:21

Ni asaŋ amɛtsakeee amɛtsui yɛ amɛgbɔmɔgbee kɛ amɛsuu kɛ amɛjwamaŋbɔɔ kɛ amɛjuu lɛ ahe.

Kojolɔi 7:3

No hewɔ lɛ, agbɛnɛ, hã ashiɛ yɛ maŋ lɛ toiŋ akɛ, ‘Mɔ fɛɛ mɔ ni sheɔ gbeyei ni ŋmiŋmi emɔ lɛ lɛ eku esɛɛ eya shĩa.’ ” Gideon ka amɛ ekwɛ ni mɛi akpei nyɔŋmai enyɔ kɛ enyɔ ku amɛsɛɛ, ni mɛi akpei nyɔŋma hi shi.