Kpojiemɔ 21:6 - ŊMALƐ KRƆŊKRƆŊ LƐ

⁶ Ni ekɛɛ mi akɛ, “Agbe naa. Mi ji Alfa lɛ kɛ Omega lɛ, shishijee lɛ kɛ naagbee lɛ. Mɔ ni kumai yeɔ lɛ lɛ, mahã lɛ wala nubu lɛ mli nu lɛ eko yaka.

Ṅmãle̱ Kroṅkroṅ Le̱

⁶ Ni ekē̱mi ake̱: Agbe nā. *Midši Alfa le̱ ke̱ Omega le̱, šišidšē le̱ ke̱ nāgbẽ le̱. †Moni kũmai yeo̱le̱ le̱, mahãle̱ wala nubu le̱ mli nu le̱ eko enu yaka. *1,8; †22,17.

Kpojiemɔ 21:6 ပူးပေါင်းရင်းမြစ်များ

Lalai 36:9

Ejaakɛ bo ji wala fɛɛ nubu; ni ola lɛ hãa wɔnaa nii faŋŋ.

Yesaia 12:3

Nyɛkɛ nyamɔ aaayɛ nu yɛ yiwalaheremɔ bui lɛ amli.’

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Yoel 3:18

Nakai gbi lɛ, gɔji lɛ anɔ aaayi tɔ kɛ waintromii, ni aaana tsinai yɛ gɔŋ fɛɛ gɔŋ nɔ; ni nu aaaho yɛ Yuda jɔi lɛ fɛɛ amli. Nuhiŋmɛi aaaho kɛaajɛ Yehowa We lɛ, ni eeeyahã Akasia Jɔɔ lɛ nu.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:11

Yoo lɛ kɛɛ lɛ akɛ, “Nuŋtsɔ, obɛ nɔ ni okɛaayɛ, ni bu lɛ mli kwɔ hu; nɛgbɛ ona wala nu lɛ yɛ mɔ?

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Romabii 3:24

ni akɛ edromɔ lɛ buɔ amɛ bem yaka kɛtsɔ̃ɔ kpɔ̃mɔ ni yɔɔ Kristo Yesu mli lɛ nɔ.

Romabii 8:32

Lɛ mɔ ni kãmãaa wɔ lɛ diɛŋtsɛ eBi lɛ, shi moŋ ekɛ lɛ hã yɛ wɔ fɛɛ wɔnajiaŋ lɛ, ani eŋɔŋ nibii fiaa efataŋ ehe ekeŋ wɔ?

1 Korintobii 2:12

Shi wɔ lɛ, jeee je nɛɛ mli mumɔ lɛ wɔna, shi moŋ Mumɔ ni jɛ Nyɔŋmɔ mli lɛ, koni wɔle nii ni Nyɔŋmɔ kɛduro wɔ lɛ.

1 Korintobii 3:12

Shi kɛ mɔ ko kɛ shika loo jwiɛtɛi loo tɛi ni jara wa loo tsei loo jwɛi loo gbetselii tswa shishitoo nɛɛ nɔ lɛ,

1 Korintobii 3:21

No hewɔ lɛ, mɔ ko mɔ ko akashwã kɛmiifɔ̃ gbɔmɛi anɔ. Shi nii fɛɛ lɛ, nyɛnɔ ni:

1 Korintobii 3:5

Agbɛnɛ, Namɔ ji Apolo? Namɔ ji Paulo? Amɛ ji sɔ̃ɔlɔi ni nyɛtsɔ̃ amɛnɔ nyɛhe nyɛye, amɛteŋ mɔ fɛɛ mɔ lɛ bɔ ni Nuŋtsɔ lɛ kɛhã lɛ.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:17

Ni be ni mina lɛ lɛ, migbee shi yɛ enaji anaa tamɔ gbonyo; ni ekɛ eninejurɔ ŋmɛ minɔ, ni ekɛɛ mi akɛ, “Kaashe gbeyei; mi ji klɛŋklɛŋ mɔ lɛ kɛ naagbee mɔ lɛ

Kpojiemɔ 1:8

“Mi ji Alfa kɛ Omega lɛ, Nuŋtsɔ Nyɔŋmɔ lɛ ni ji mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ,” Nyɔŋmɔ Ofe lɛ kɛɛ.

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 16:17

Ni bɔfo ni ji kpawo lɛ fɔse etɔ lɛ mli nii lɛ ewo kɔɔyɔɔ mli ni gbee ni wa ko jɛ maŋtsɛ sɛ̃i lɛ mli yɛ Sɔlemɔtsu lɛ mli kɛɛ akɛ, “Agbe naa!”

Kpojiemɔ 22:13

Mi ji Alfa lɛ kɛ Omega lɛ, shishijee lɛ kɛ naagbee lɛ, klɛŋklɛŋ mɔ lɛ kɛ naagbee mɔ lɛ.”

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”