Kpojiemɔ 21:4 - ŊMALƐ KRƆŊKRƆŊ LƐ

⁴ Ni Nyɔŋmɔ aaatsumɔ amɛhiɛiaŋ yafonui fɛɛ. Gbele bɛ dɔŋŋ, ni ŋkɔmɔyeli loo bolɔmɔ loo nɔnaa ko hu bɛ dɔŋŋ; ejaakɛ tsutsunii lɛ eho etee.”

Ṅmãle̱ Kroṅkroṅ Le̱

⁴ Ni *Nyoṅmo̱ aatšumo̱ ame̱hĩeaṅ yāfónui fẽ, ni gbĕle be̱ doṅṅ, ni †ṅko̱mo̱yeli ko ke̱ blo̱mo̱ ko ke̱ nõnā ko hũ be̱ doṅṅ; edšake̱ tšutšunii le̱ eho ete. *7,17. Ies 25,8. †Ies. 35,10.

Kpojiemɔ 21:4 ပူးပေါင်းရင်းမြစ်များ

Lalai 144:4

Gbɔmɔ lɛ etamɔ kɔɔyɔɔ, egbii lɛ tamɔ hɔ̃ɔŋ ni hoɔ.

Yesaia 25:8

Eeekpãtã gbele hiɛ kɛaatee nanɔ, ni Nuŋtsɔ Nyɔŋmɔ aaatsumɔ hiɛiaŋ yaafonui fɛɛ. Ebaafo emaŋ lɛ hiɛgbele lɛ sɛɛ yɛ shikpɔŋ muu lɛ fɛɛ nɔ. Yehowa diɛŋtsɛ wiemɔ nɛ.

Yesaia 30:19

Ao nyɛ Zionbii ni nyɛyɔɔ Yerusalɛm, nyɛwoŋ yara nyɛfoŋ dɔŋŋ. Emusuŋ baatsɔ̃ lɛ yɛ nyɛhe kɛji nyɛbolɔ nyɛtsɛ lɛ. Kɛji enu blɔmɔ lɛ, eeehã nyɛ hetoo.

Yesaia 35:10

Mɛi ni Yehowa ehere amɛ lɛ, aaaku amɛsɛɛ kɛaaba ekoŋŋ, ni amɛaaba Zion kɛ nyamɔ lala. Amɛmii aaashɛ kɛya naanɔ; amɛaayi kɛ miishɛɛ kɛ nyamɔ, amɛyeŋ ŋkɔmɔ, ni amɛdɔmɔŋ ŋtsɔi dɔŋŋ.

Yesaia 51:11

No hewɔ lɛ, mɛi ni Yehowa ekpɔ̃ amɛ lɛ aaaku amɛsɛɛ, ni amɛaaba Zion kɛ lala. Amɛaanya, ni amɛmii aaashɛ; amɛyeŋ awerɛho lɛ, amɛdɔmɔŋ ŋtsɔi dɔŋŋ.”

Yesaia 60:20

Ohulu lɛ enyɔŋ shi dɔŋŋ, ni onyɔɔŋtsere lɛ hu woŋ duŋ; ejaakɛ Yehowa aaatsɔ̃ ola kɛaatee naanɔ, ni okɔmɔyeli gbii lɛ hu sɛɛ aaafo.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 31:12

Amɛbaaba ni amɛbala waa kɛ nyamɔ yɛ Zion Gɔŋ lɛ nɔ; ni amɛmii baashɛ Yehowa mlihilɛ lɛ he, yɛ abele kɛ wain kɛ mu, kɛ toobii kɛ tsinai ahewɔ. Amɛshihilɛ baatsɔ̃ tamɔ abɔɔ ni ashwie emlinii nɔ nu, ni amɛtɔŋ biti dɔŋŋ.

Yeremia 31:13

Kɛkɛ lɛ oblayei lɛ baajo kɛ nyamɔ, ni oblahii kɛ hiimeji amii aaashɛ amɛhe. Mibahã amɛkɔmɔyeli atsɔ̃ mliflimɔ; mibashɛje amɛmii, ni yɛ awerɛho najiaŋ lɛ mahã amɛnya.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Mateo 24:35

Ŋwɛi kɛ shikpɔŋ baaho aya, shi miwiemɔi lɛ hoŋ eyaŋ.”

1 Korintobii 15:26

Naagbee henyɛlɔ ni abaakpãtã ehiɛ ji gbele.

1 Korintobii 7:31

ni mɛi ni tsuɔ je nɛɛ he nii lɛ afee amɛhe tamɔ mɛi ni tsuuu he nii; ejaakɛ je lɛ bɔ ni wɔnaa lɛ nɛɛ hoɔ eyaa.

2 Korintobii 5:17

Hewɔ lɛ, kɛ mɔ ko yɛ Kristo mli lɛ, bɔɔnɔ hee ji lɛ; blema nii lɛ eho; naa, nibii fɛɛ etsɔ̃mɔ ehee.

2 Korintobii 6:17

No hewɔ lɛ, Yehowa kɛɛ, “Nyɛjea amɛteŋ, ni nyɛtsea nyɛhe, ni nyɛkataa muji nɔ ko he, ni mahere nyɛ atuu.

Hebribii 12:27

“Shi kome ekoŋŋ” ni ekɛɛ lɛ, ekɛtsɔ̃ɔ faŋŋ akɛ nii ni ahosoɔ lɛ aaaho aya, ejaakɛ nii ni afee ni, koni nii ni hosoŋ lɛ ahi shi.

2 Petro 3:10

Shi Nuŋtsɔ lɛ Gbi lɛ baaba tamɔ julɔ, ni no mli lɛ ŋwɛi lɛ aaaho aya kɛ gbɛɛmɔ, ni je nɛɛ mli shishijeenii lɛ aaashã ni amɛaatserɛ, ni shikpɔŋ kɛ emli nii lɛ aaashã.

1 Yohane 2:17

Je lɛ hoɔ eyaa kɛ emli sɛɛdiinii lɛ, shi mɔ ni feɔ Nyɔŋmɔ suɔmɔnaanii lɛ hiɔ shi kɛyaa naanɔ.

Kpojiemɔ 20:13

Ni ŋshɔ jie gbohii ni yɔɔ emli lɛ ehã, ni gbele kɛ gbohiiaje hu jie gbohii ni yɔɔ amɛmli lɛ amɛhã; ni akojo amɛ, mɔ fɛɛ mɔ yɛ enitsumɔi lɛ anaa.

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.

Kpojiemɔ 21:1

Ni mina ŋwɛi hee kɛ shikpɔŋ hee; ejaakɛ tsutsu ŋwɛi lɛ kɛ tsutsu shikpɔŋ lɛ eho etee, ni ŋshɔ bɛ dɔŋŋ.

Kpojiemɔ 22:3

Ni musu ko musu ko bɛ dɔŋŋ. Ni Nyɔŋmɔ kɛ Toobi lɛ maŋtsɛ sɛ̃i lɛ aaama maŋ lɛ mli; ni etsuji lɛ aaasɔ̃mɔ lɛ;

Kpojiemɔ 7:17

ejaakɛ Toobi lɛ ni yɔɔ maŋtsɛ sɛ̃i lɛ teŋ lɛ aaalɛ amɛ, ni eeetsɔ̃ɔ amɛ gbɛ kɛaatee wala nubui ahe. Ni Nyɔŋmɔ aaatsumɔ amɛhiɛiaŋ yaafonui fɛɛ.”