Kpojiemɔ 21:3 - ŊMALƐ KRƆŊKRƆŊ LƐ

³ Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.

Ṅmãle̱ Kroṅkroṅ Le̱

³ Ni minu gbē kpeteṅkple ko dše̱ maṅtše̱sẽi le̱ mli kē̱: Na, Nyoṅmo̱ bū le̱ ye̱ gbomei ateṅ, ni *eeši ebū le̱ ye̱ ame̱teṅ, ni ame̱atšṍmo̱ emaṅ, ni Nyoṅmo̱ dientše̱ ke̱ame̱ aahĩ ši, ni eetšṍ ame̱-Nyoṅmo̱. *Ezek. 37,27; 48,35.

Kpojiemɔ 21:3 ပူးပေါင်းရင်းမြစ်များ

1 Maŋtsɛmɛi 8:27

“Aso bo Nyɔŋmɔ, ooobahi shikpɔŋ nɛɛ nɔ lo! Naa, ŋwɛi kɛ ŋwɛii amli ŋwɛi nyɛɛɛ bo ato, aahu ni Sɔlemɔtsu bibioo nɛɛ ni mimã nɛɛ!

2 Kronika 6:18

“Shi aso Nyɔŋmɔ kɛ gbɔmɛi aaabahi shi lɛɛlɛŋ yɛ shikpɔŋ lɛ nɔ? Naa, ŋwɛi kɛ ŋwɛi amli tete edaaa hãaa bo, aahu ni Sɔlemɔtsu ni mima nɛɛ.

2 Mose 25:8

Ohã Israelbii lɛ afee Kpee Buu Krɔŋkrɔŋ ko amɛhã mi koni mahi amɛteŋ.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

Yesaia 12:6

Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Ezekiel 37:27

Mi kɛ amɛ baahi jɛi, ni matsɔ̃ amɛNyɔŋmɔ ni amɛaatsɔ̃ mimaŋ.

Ezekiel 43:7

Ekɛɛ mi akɛ, “Gbɔmɔ Adesa, mimaŋtsɛ sɛi lɛ shimaahe ji biɛ nɛɛ, ni biɛ nɛɛ nɔŋŋ ji minane maahe. Biɛ nɛɛ mahi yɛ Israelbii lɛ ateŋ kɛaatee naanɔ; ni Israel we lɛ woŋ migbɛi krɔŋkrɔŋ lɛ he muji dɔŋŋ. Amɛ, loo amɛmaŋtsɛmɛi lɛ kɛ wɔji krokomɛi ajamɔ kɛ amɛmaŋtsɛmɛi agbohii buleŋ migbɛi krɔŋkrɔŋ lɛ dɔŋŋ.

Ezekiel 48:35

Hewɔ lɛ gbogbo ni bɔle maŋ lɛ he kpula kɛkpe lɛ ekɛlɛ ji ninetalɔi akpei nyɔŋma kɛ kpaanyɔ. Kɛjɛ ŋmɛnɛ gbi nɛɛ nɔ kɛyaa nɛɛ maŋ lɛ gbɛi ji: ‘Yehowa yɛ jɛi!’ ”

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Zakaria 8:8

ni mikɛ amɛ aaaba koni amɛbahi Yerusalɛm maŋ lɛ mli, ni amɛaatsɔ̃ mimaŋ, ni matsɔ amɛNyɔŋmɔ yɛ anɔkwale kɛ jalɛ mli.” Bɔ ni Yehowa, Taiatsɛ lɛ, kɛɛ nɛ,

4 Mose 9:16

Ni nakai eyɔɔ daa; atatu lɛ haa Buu lɛ nɔ ni gbɛkɛ lɛ etsoɔ tamɔ la.

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

2 Korintobii 6:18

Ni matsɔ̃ nyɛtsɛ, ni nyɛ hu nyɛaatsɔ̃mɔ mibihii kɛ mibiyei,” Yehowa, Ofe lɛ, kɛɛ.

1 Tesalonikabii 3:11

Shi Nyɔŋmɔ ni ji wɔTsɛ lɛ diɛŋtsɛ kɛ wɔNuŋtsɔ Yesu Kristo lɛ aaahã wɔgbɛ aja kɛba nyɛŋɔɔ.

Hebribii 11:16

Shi agbɛnɛ lɛ amɛmiitao maŋ ni hi fe no, ni ji ŋwɛi nɔ lɛ. No hewɔ lɛ, efeee Nyɔŋmɔ hiɛgbele akɛ aaatsɛ lɛ amɛNyɔŋmɔ, ejaakɛ esaa maŋ eto amɛ.

Hebribii 8:10

Shi enɛ ji kpãŋmɔ ni mikɛ Israel we lɛ baakpãŋ yɛ nakai gbii lɛ asɛɛ lɛ, Nuŋtsɔ lɛ kɛɛ, Mikɛ mimlai aaawo amɛjwɛŋmɔ mli, Ni maŋma mawo amɛtsui mli, ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.

Hebribii 8:2

akɛ He Krɔŋkrɔŋ lɛ kɛ anɔkwa Buu lɛ ni Nuŋtsɔ lɛ diɛŋtsɛ shi ni jeee gbɔmɔ ko shi lɛ mli sɔ̃ɔlɔ.

Kpojiemɔ 10:4

Ni be ni nyɔŋmɔ shiimɔi kpawo lɛ wo amɛgbei lɛ, kulɛ miiŋma; ni minu gbee ko jɛ ŋwɛi miikɛɛ akɛ, “Sɔomɔ nii ni nyɔŋmɔshiimɔi kpawo lɛ wie lɛ anaa oto, ni oka ŋma.”

Kpojiemɔ 10:8

Ni gbee ni minu kɛjɛ ŋwɛi lɛ kɛ mi wie ekoŋŋ ni ekɛɛ, “Yaa ni oyahe wolo lɛ ni agbele naa lɛ yɛ bɔfo ni damɔ ŋshɔ lɛ nɔ kɛ shikpɔŋ lɛ nɔ lɛ dɛŋ.”

Kpojiemɔ 12:10

Ni minu gbee wulu ko yɛ ŋwɛi miikɛɛ, “Agbɛnɛ yiwalaheremɔ lɛ kɛ hewalɛ lɛ kɛ maŋtsɛyeli lɛ etsɔ̃ wɔNyɔŋmɔ lɛ nɔ, ni hegbɛ lɛ etsɔ̃ eKristo lɛ nɔ, ejaakɛ ashɛ wɔnyɛmimɛi lɛ anaaflɔlɔ lɛ ni folɔɔ amɛnaa yɛ wɔNyɔŋmɔ lɛ hiɛ nyɔɔŋ kɛ shwane lɛ afɔ̃.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.

Kpojiemɔ 22:3

Ni musu ko musu ko bɛ dɔŋŋ. Ni Nyɔŋmɔ kɛ Toobi lɛ maŋtsɛ sɛ̃i lɛ aaama maŋ lɛ mli; ni etsuji lɛ aaasɔ̃mɔ lɛ;

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.