Kpojiemɔ 21:2 - ŊMALƐ KRƆŊKRƆŊ LƐ

² Ni mina Maŋ Krɔŋkrɔŋ lɛ ni ji Yerusalɛm hee lɛ jɛ Nyɔŋmɔ ŋɔɔ yɛ ŋwɛi miikpeleke shi, ni asaa lɛ ato tamɔ ayɛmforo ni awula lɛ ahã ewu.

Ṅmãle̱ Kroṅkroṅ Le̱

² Ni mi, Iohane, mina maṅ kroṅkroṅ le̱ ní dši *Ierusalem hē le̱ †dše̱ Nyoṅmo̱ ṅõ ye̱ ṅwei mīkpleke ši, ní ásāle̱ tamo̱ **ayemforo ní áwulale̱ áhã ewu. *Heb. 11,10. 16 †Heb 12,22. Gal. 4,26. **Kpods. 19,7. 8.

Kpojiemɔ 21:2 ပူးပေါင်းရင်းမြစ်များ

Lalai 87:3

Oo Naa Nyɔŋmɔ maŋ, agbaa ohe anunyam saji lɛ.

Yesaia 1:21

Te fee tɛŋŋ ni maŋ ni kulɛ eyeɔ anɔkwa lɛ etsɔ̃ ehe ajwamãŋ nɛɛ. Sa lɛ aye jalɛ sane yɛ ehe fɛɛ he, ni jalɛ saneyelɔi pɛ ni yɔɔ jɛi; shi agbɛnɛ gbɔmɔgbelɔi sɔŋŋ yɔɔ jɛi.

Yesaia 52:1

Ao Yerusalɛm, ohiɛ atsɛ̃! Ohiɛ atsɛ̃! Teemɔ ohewalɛ lɛ shi! Ao Yerusalɛm, maŋ krɔŋkrɔŋ, wulamɔ kɛ otadei fɛɛfɛji lɛ, ejaakɛ foolɔi kɛ mɛi ni he tseee boteŋ ogboi lɛ mli dɔŋŋ!

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 62:4

Atsɛŋ bo “Mɔ ni akwa lɛ” dɔŋŋ; shi moŋ aaatsɛ bo “Mitsui naa gbɔmɔ”; ni aaatsɛ oshikpɔŋ lɛ hu “Kpeemɔ yoo”; ejaakɛ Yehowa ena ohe tsuijurɔ ni oshikpɔŋ lɛ hu aaakpee lɛ.

Yeremia 31:23

Bɔ ni Yehowa, Taiatsɛ Israel Nyɔŋmɔ lɛ kɛɔ nɛ, “Kɛji mihã amɛnine shɛ amɛnibii ni amɛlaaje lɛ nɔ ekoŋŋ lɛ, amɛbaakɛɛ yɛ Yuda shikpɔŋ lɛ nɔ kɛ enɔ maji lɛ amli akɛ, ‘Bo shihilɛhe ni ayeɔ jalɛ sane yɛ omli, Yehowa ajɔɔ bo, bo Gɔŋ Krɔŋkrɔŋ.’

Yohane 3:29

Mɔ ni hiɛ ayɛmforo lɛ, lɛ ji ayɛmforowu; shi ayɛmforowu lɛ shieŋtsɛ ni damɔ shi boɔ lɛ toi lɛ, nya enyaa yɛ ayɛmforowu lɛ gbee hewɔ. No hewɔ lɛ, nɛkɛ minyamɔ nɛɛ eba mli.

2 Korintobii 11:2

Ejaakɛ nyɛhe awuŋã ni miyeɔ lɛ, miiye lɛ bɔ ni Nyɔŋmɔ baaye; ejaakɛ mitsɛ nyɛhe baa mihã nuu kome ni mikɛ oblayoo foro ni he tse ayahã Kristo.

Hebribii 11:10

ejaakɛ eekwɛ maŋ ni yɔɔ shishitoo ni wa ni etolɔ kɛ emalɔ ji Nyɔŋmɔ lɛ gbɛ.

Hebribii 11:16

Shi agbɛnɛ lɛ amɛmiitao maŋ ni hi fe no, ni ji ŋwɛi nɔ lɛ. No hewɔ lɛ, efeee Nyɔŋmɔ hiɛgbele akɛ aaatsɛ lɛ amɛNyɔŋmɔ, ejaakɛ esaa maŋ eto amɛ.

Hebribii 12:22

Shi moŋ Zion Gɔŋ lɛ kɛ Nyɔŋmɔ hiɛkãalɔ lɛ maŋ; ŋwɛi Yerusalɛm lɛ, kɛ ŋwɛi bɔfoi akpeiakpei abɔ ahenaabuamɔ lɛ,

Hebribii 13:14

Ejaakɛ wɔbɛ maŋ ni hiɔ shi yɛ biɛ, shi maŋ ni baaba lɛ moŋ sɛɛgbɛ wɔtaoɔ.

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 11:2

Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.

Kpojiemɔ 21:10

Ni eŋɔ mi yɛ mumɔ mli kɛtee gɔŋ kpele ni kwɔ ko nɔ, ni etsɔ̃ɔ mi maŋ kpeteŋkple ni ji Yerusalɛm krɔŋkrɔŋ lɛ ni ejɛ Nyɔŋmɔ ŋɔɔ yɛ ŋwɛi eekpleke shi,

Kpojiemɔ 21:9

Ni bɔfoi kpawo ni hiɛ tɔi kpawo ni eyimɔ obɔ̃bɔ̃ kɛ naagbee haomɔi kpawo lɛ ateŋ mɔ kome ba miŋɔɔ ni ekɛ mi bawie ekɛɛ, “Ba, ni matsɔ̃ bo ayɛmforo lɛ ni ji Toobi lɛ ŋa lɛ.”

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.

Kpojiemɔ 22:19

Ni kɛji mɔ ko jie nɔ ko kɛjɛ nɛkɛ gbalɛ wolo nɛɛ mli wiemɔi lɛ amli lɛ, Nyɔŋmɔ aaajie egbɛnaa kɛaajɛ wala wolo lɛ kɛ maŋ krɔŋkrɔŋ lɛ kɛ nii ni aŋma yɛ nɛkɛ wolo nɛɛ mli lɛ amli.

Kpojiemɔ 3:12

Kunimyelɔ lɛ, mafee lɛ akulashiŋ yɛ miNyɔŋmɔ lɛ Sɔlemɔtsu lɛ mli, ni ejeŋ kpo dɔŋŋ. Ni maŋma miNyɔŋmɔ lɛ gbɛi, kɛ miNyɔŋmɔ lɛ maŋ ni ji Yerusalɛm hee ni jɛɔ ŋwɛi kpelekeɔ shi kɛjɛɔ miNyɔŋmɔ lɛ ŋɔɔ lɛ gbɛi kɛ mi diɛŋtsɛ migbɛi hee lɛ yɛ enɔ.