Kpojiemɔ 21:14 - ŊMALƐ KRƆŊKRƆŊ LƐ

¹⁴ Ni maŋ lɛ gbogbo lɛ yɛ shishitoi nyɔŋma kɛ enyɔ, ni Toobi lɛ bɔfoi nyɔŋma kɛ enyɔ lɛ agbɛii yɛ amɛnɔ.

Ṅmãle̱ Kroṅkroṅ Le̱

¹⁴ Ni maṅ le̱ gbogbo le̱ ye̱ šišitōi (alo fanesii) nyoṅma ke̱ enyo̱, ni tōbi le̱ bo̱foi nyoṅma ke̱ enyo̱ le̱ gbe̱ii ye̱ ame̱-mli.

Kpojiemɔ 21:14 ပူးပေါင်းရင်းမြစ်များ

Yesaia 54:11

“Ao Yerusalɛm ni apiŋ bo, maŋ ni ahum tswa bo, shi ashɛjeee omii, naa, mikɛ ojarawatɛi baatswa bo mama shi, ni mikɛ safiro tɛ baatswa oshishitoo lɛ.

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Bɔfoi 1:26

Ni amɛfɔ̃ amɛnɔ oshiki, ni oshiki lɛ yagbee Matia nɔ, ni abu lɛ ashi bɔfoi nyɔŋma kɛ ekome lɛ anɔ.

Galatabii 2:9

be ni amɛyoo dromɔ ni akɛhã mi lɛ, Yakobo kɛ Kefa kɛ Yohane ni abuɔ amɛ akɛ akulashiŋi lɛ, amɛkɛ naanyobɔɔ ninejurɔ lɛ ta mi kɛ Barnaba dɛ̃, koni wɔ lɛ wɔya jeŋmaji lɛ aŋɔɔ, shi amɛ lɛ amɛya ketiafolɔi lɛ aŋɔɔ;

Efesobii 2:20

ni atswa nyɛ ama bɔfoi lɛ kɛ gbalɔi lɛ shishitoo lɛ ni ekoŋtɛ ji Yesu Kristo lɛ nɔ.

Efesobii 3:5

Teemɔ sane nɛɛ, yinɔi ni eho lɛ mli lɛ ahãaa gbɔmɛiabii ale, tamɔ bɔ ni agbɛnɛ ajie kpo atsɔ̃ɔ ebɔfoi krɔŋkrɔŋi kɛ gbalɔi lɛ kɛtsɔ̃ Mumɔ lɛ nɔ lɛ.

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

Hebribii 11:10

ejaakɛ eekwɛ maŋ ni yɔɔ shishitoo ni wa ni etolɔ kɛ emalɔ ji Nyɔŋmɔ lɛ gbɛ.

Yuda 1:17

Shi suɔmɔmɛi, nyɛ lɛ nyɛkaia wiemɔi ni wɔNuŋtsɔ Yesu Kristo bɔfoi lɛ ewie eto momo lɛ.

Kpojiemɔ 18:20

Bo ŋwɛi, kɛ nyɛ krɔŋkrɔŋbii kɛ bɔfoi kɛ gbalɔi, nyɛnyaa yɛ ehewɔ, ejaakɛ Nyɔŋmɔ ekojo lɛ ehã nyɛ!

Kpojiemɔ 21:13

Agboi etɛ̃ yɛ bokãgbɛ ni agboi etɛ̃ yɛ kooyigbɛ, ni agboi etɛ̃ yɛ wuoyigbɛ, ni agboi etɛ̃ yɛ anaigbɛ.