Kpojiemɔ 20:8 - ŊMALƐ KRƆŊKRƆŊ LƐ

⁸ ni ebaaje kpo ni eyashishiu jeŋmaji lɛ ni yɔɔ shikpɔŋ koji ejwɛ lɛ, Gog kɛ Magog, koni ebua amɛnaa kɛkpe ni amɛya ta. Amɛyifalɛ tamɔ ŋshɔ naa shia.

Ṅmãle̱ Kroṅkroṅ Le̱

⁸ ni eedše kpo, ni eyašisiu dšeṅmãdši le̱ ní yo̱ šikpoṅ kodši edſe̱ le̱ mli le̱, *Gog le̱ ke̱ Magog le̱, koni ebua ame̱nā ke̱-kpe ni ameya ta; mei ayibo̱ ni †tamo̱ ṅšo̱ nā šia le̱. *Ezek. 38,2. †Ezek. 38,9. 15.

Kpojiemɔ 20:8 ပူးပေါင်းရင်းမြစ်များ

1 Maŋtsɛmɛi 4:20

Yuda kɛ Israel yi fa babaoo diɛŋtsɛ tamɔ ŋshɔnaa shia. Amɛyeyeɔ nii, ni amɛnunuɔ dãi, ni amɛmii shɛɔ amɛhe.

2 Kronika 18:21

Mumɔ lɛ jie naa akɛ, ‘Matsɔ̃ Ahab gbalɔi lɛ alilɛi nɔ mahã amɛgba gbalɛ ni amale ni.’ Kɛkɛ ni Yehowa kɛɛ mumɔ lɛ akɛ, ‘Yaa koni oyalaka lɛ; ni onine baashɛ enɔ hu.’

Yesaia 10:22

Eyɛ mli akɛ nyɛwebii, Israelbii, ayi fa tamɔ ŋshɔnaa shia moŋ, shi nyɛyi fioo ko pɛ ni aaaku amɛsɛɛ aba. Hiɛkpãtãmɔ ni ato miimɛ nyɛ; shi kɛ̃lɛ jalɛ yɛ mli.

Yeremia 33:22

Bɔ ni anyɛŋ ŋwɛi ŋulamii afalɛ akane, ni anyɛŋ ŋshɔnaa shia falɛ akane lɛ, nakai mahã mitsulɔ David shwiei kɛ Levibii ni ji misɔ̃ɔlɔi lɛ hu ayi afa.”

Ezekiel 38:1

Yehowa kɛ mi wie ni ekɛɛ mi akɛ,

Ezekiel 38:2

“Gbɔmɔ Adesa tsɔ̃ ohiɛ owo Gog, ni ji Meshek kɛ Tubal lumɔnukpa ni yɔɔ Magog shikpɔŋ lɛ nɔ lɛ. Gbaa oshi lɛ ni okɛɛ akɛ,

Ezekiel 39:1

“Bo Gbɔmɔ Adesa, agbɛnɛ, gbaa oshi Gog ni okɛɛ lɛ akɛ, bɔ ni Nuŋtsɔ Nyɔŋmɔ kɛɔ nɛ, bo Gog, ni bo ji Meshek kɛ Tubal lumɔnukpa, naa mikɛ bo ena,

Ezekiel 39:6

Asaŋ mawo Magog kɛ mɛi fɛɛ ni yɔɔ shweshweeshwe yɛ ŋshɔnaa maji lɛ amli lɛ la. Ni mɛi fɛɛ kɛaale akɛ, mi, mi ji Yehowa.

Ezekiel 7:2

“Bo Gbɔmɔ Adesa, tsɔ̃ ohiɛ ohã Israel gɔji lɛ ni okɛɛ amɛ akɛ nɔ ni Nuŋtsɔ Nyɔŋmɔ, mikɛɔ Israel shikpɔŋ lɛ nɛ: Bɔ fɛɛ bɔ ni fee lɛ naagbee lɛ eshɛ! Shikpɔŋ koji ejwɛ lɛ fɛɛ anaagbee lɛ eshɛ etã.

Hebribii 11:12

No hewɔ hu ni ajɛ mɔ kome ni tamɔ mɔ ni egbo momo lɛ mli afɔ mɛi ni fa babaoo tamɔ ŋwɛi ŋulamii loo ŋshɔ naa shia ni anyɛɛɛ akane lɛ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 16:14

Ejaakɛ mumɔi fɔ̃ji amumɔi ni, ni amɛfeɔ okadii, ni amɛyaa maŋtsɛmɛi ni yɔɔ jeŋ muu lɛ fɛɛ lɛ aŋɔɔ, koni amɛyabua amɛnaa amɛhã Nyɔŋmɔ Ofe lɛ gbi wulu lɛ nɔ ta lɛ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:3

ni eshɛ́ lɛ efɔ̃ bu kwɔŋkwɔŋ lɛ mli, ni eŋa naa ni esɔo naa, koni ekashishiu jeŋmaji lɛ dɔŋŋ kɛyashi beyinɔ ni aaagbe afii akpe lɛ naa. Ni no sɛɛ lɛ ja afɛne lɛ be fioo ko.

Kpojiemɔ 7:1

Nii nɛɛ asɛɛ lɛ mina ŋwɛi bɔfoi ejwɛ damɔ shikpɔŋ koji ejwɛ lɛ anɔ, ni amɛhiɛ shikpɔŋ lɛ nɔ kɔɔyɔi ejwɛ lɛ amli, koni kɔɔyɔɔ ko akatswa yɛ shikpɔŋ lɛ nɔ loo ŋshɔ nɔ loo tso ko nɔ.

Kojolɔi 7:12

Shi Midianbii lɛ kɛ Amalekbii kɛ bokãgbɛbii lɛ fɛɛ bua jɔɔ lɛ mli babaoo tamɔ baalabii. Amɛyoomai lɛ aleee amɛyibɔ; amɛyifalɛ tamɔ ŋshɔnaa shia.

1 Samuel 13:5

Kɛkɛ ni Filistibii lɛ bua amɛhe naa koni amɛ kɛ Israelbii lɛ abawu. Amɛhiɛ ta shwiilii akpei nyɔŋmai etɛ̃ kɛ okpɔŋɔnɔtalɔi akpei ekpaa kɛ asraafoi ni yifalɛ oookɛɛ ŋshɔnaa shia; ni amɛfã ta kɛgba, ni amɛbabɔ nsra yɛ Mikmash yɛ Bet-Aven bokãgbɛ.