Kpojiemɔ 20:4 - ŊMALƐ KRƆŊKRƆŊ LƐ

⁴ Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Ṅmãle̱ Kroṅkroṅ Le̱

⁴ Ni *mina maṅtše̱sẽii, — ni ame̱ho ame̱trá no̱, ni aṅõ kodšomo̱ ahaame̱, — ke̱ mei ni aflo̱ ame̱yii ye̱ Iesu odaseyeli le̱ ke̱ Nyoṅmo̱ wiemo̱ le̱ hewo̱ le̱ asusumai le̱, ke̱ mei ní dšáko kolo le̱ lo emãgã le̱ ni ame̱heko ekadi le̱ ye̱ ame̱hĩeṅtšei ano̱ lo ame̱deṅ le̱; ni ame̱hĩe kamo̱, ni ame̱ke̱ Kristo ye maṅtše̱ afii akpe. *Dan. 7,9. 22. 27. Luk. 22,30. 1 Kor. 6,2.

Kpojiemɔ 20:4 ပူးပေါင်းရင်းမြစ်များ

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:22

kɛyashi beyinɔ ni mɔ ni Etsɛ Naakpa lɛ ba, ni ebabu Ŋwɛi Flooflonyo lɛ mɛi krɔŋkrɔŋi lɛ bem. Kɛkɛ ni be bashɛ, ni aŋɔ nɔyeli hewalɛ awo mɛi krɔŋkrɔŋi lɛ adɛŋ.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Daniel 7:9

Mihiɛ ninaa lɛ kwɛmɔ aahu kɛyashi beyinɔ ni akɛ maŋtsɛ sɛii bamamɔ shi. Kɛkɛ ni mɔ ko ni onaa akɛ afɔ lɛ etsɛ naakpa baho eta shi. Etade yɛɔ futaa, ni eyiteŋ waŋ hu yɛɔ futaa. Emaŋtsɛ sɛi lɛ miitso kɛ la, ni sɛi lɛ naji ahe kokolonto lɛ hu miitso grigri.

Maleaki 4:5

“Shi dani nakai Yehowa gbi wulu ni yɔɔ gbeyei lɛ baashɛ lɛ, mibatsu Gbalɔ Elia kɛba nyɛŋɔɔ.

Mateo 19:28

Shi Yesu kɛɛ amɛ akɛ, “Anɔkwale mikɛɔ nyɛ akɛ, nyɛ mɛi ni nyɛnyiɛ misɛɛ nɛɛ, be ni Gbɔmɔ Bi lɛ aaata enunyam sɛ̃i lɛ nɔ yɛ jeŋ hee lɛ mli lɛ, nyɛ hu nyɛaatara sɛ̃ii nyɔŋma kɛ enyɔ nɔ, ni nyɛaakojo Israel akutsei nyɔŋma kɛ enyɔ lɛ.

Mateo 24:10

Ni nakai be lɛ mli lɛ mɛi pii anane aaatɔ̃tɔ̃ ni amɛaatsɔ̃ɔtsɔ̃ɔ amɛnanemɛi asɛɛgbɛ, ni amɛaanyɛnyɛɛ amɛhe.

Marko 6:16

Be ni Herode nu lɛ, ekɛɛ, “Yohane ni mifo eyi lɛ, lɛ ete shi ekoŋŋ kɛjɛ gbohii ateŋ nɛɛ!”

Marko 6:27

Ni amrɔ lɛ maŋtsɛ lɛ tsu oblafo, ni efã lɛ akɛ ekɛ Yohane yitso aba.

Marko 9:11

Ni amɛbi lɛ akɛ, “Te tɛŋŋ ni mlatsɔɔlɔi lɛ kɛɔ akɛ ja Elia eba dã lɛ?”

Luka 1:17

Ni eeetsɔ̃ ehiɛ yɛ Elia mumɔ kɛ ehewalɛ mli, ni eyadɔrɔ tsɛmɛi atsuii kɛba bii ahe, kɛ toigbolɔi hu kɛba jalɔi anilee mli, ni esaa maŋ ni efee klalo eto Nuŋtsɔ lɛ.”

Luka 14:14

ni aaajɔɔ bo, akɛni amɛ lɛ amɛbɛ nɔ ko ni amɛkɛaato bo najiaŋ lɛ; ejaakɛ aaato bo najiaŋ yɛ jalɔi ashitee lɛ mli.”

Luka 22:30

koni nyɛye nii ni nyɛnu yɛ mikpɔlɔ̃ lɛ he yɛ mimaŋtsɛyeli lɛ mli; ni nyɛaatara sɛii anɔ ni nyɛkojo Israel akutsei nyɔŋma kɛ enyɔ lɛ.”

Yohane 14:19

Eshwɛ fioo kɛkɛ ni je lɛ enaŋ mi dɔŋŋ; shi nyɛ lɛ nyɛaana mi; ejaakɛ mihiɛ kã, ni nyɛ hu nyɛhiɛ aaakã.

Romabii 11:15

Ejaakɛ kɛ amɛshɛmɔkɛfɔ̃ɔ lɛ ehã Nyɔŋmɔ kɛ je lɛ ekpãtã lɛ, belɛ amɛheremɔ lɛ, ani jeee wala ni jɛ gbohii ateŋ ni?

Romabii 8:17

Ni kɛ bii ji wɔ lɛ, belɛ niyelɔi hu ji wɔ, Nyɔŋmɔ niyelɔi kɛ Kristo nanemɛi niyelɔi; kɛji wɔ kɛ lɛ na amanehulu lɛ, koni awo wɔ kɛ lɛ hiɛ nyam hu.

2 Timoteo 2:12

kɛ wɔmia wɔhiɛ lɛ, wɔ kɛ lɛ aaaye maŋtsɛ hu; kɛ wɔkpa yɛ esɛɛ lɛ, lɛ hu eeekpa yɛ wɔsɛɛ.

Kpojiemɔ 1:2

Yohane ye Nyɔŋmɔ wiemɔ lɛ kɛ Yesu Kristo odase lɛ he odase, yɛ nibii fɛɛ ni ena lɛ he.

Kpojiemɔ 1:9

Mi Yohane ni ji nyɛnyɛmi kɛ nyɛnaanyo yɛ Yesu Kristo amanehulu lɛ kɛ emaŋtsɛyeli lɛ kɛ ehiɛmiamɔ lɛ mli lɛ. Miyɛ ŋshɔkpɔ ni atsɛɔ lɛ Patmo lɛ nɔ yɛ Nyɔŋmɔ wiemɔ lɛ kɛ Yesu Kristo he odaseyeli lɛ hewɔ.

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”

Kpojiemɔ 11:7

Ni kɛ amɛgbe amɛdaseyeli lɛ naa lɛ, kooloo lɛ ni jɛ bu kwɔŋkwɔŋ lɛ mli lɛ kɛ amɛ baawu ta, ni eeeye amɛnɔ kunim, ni eeegbe amɛ;

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kpojiemɔ 14:11

Ni amɛpiŋmɔ lɛ lasu lɛ teɔ shi kɛyaa naanɔi anaanɔ. Ni mɛi ni jaa kooloo lɛ kɛ emãgã lɛ, kɛ mɔ fɛɛ mɔ ni eŋɔ egbɛi okadi lɛ, nãaa hejɔɔmɔ nyɔɔŋ kɛ shwane.”

Kpojiemɔ 15:2

Ni mina nɔ ko tamɔ ashwishwɛ ŋshɔ ni akɛ lá efutu mli, ni mɛi ni eye kooloo lɛ kɛ emãgã lɛ kɛ ekadi lɛ kɛ egbɛi lɛ yibɔ lɛ nɔ kunim lɛ damɔ ashwishwɛ ŋshɔ lɛ naa, ni amɛhiɛ Nyɔŋmɔ saŋkui lɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.

Kpojiemɔ 2:26

Ni kunimyelɔ lɛ kɛ mɔ ni hiɛɔ minitsumɔi lɛ amli kɛyashiɔ naagbee lɛ, mahã lɛ hegbɛ yɛ jeŋmaji lɛ anɔ,

Kpojiemɔ 20:6

Mɔ ni naa gbɛ yɛ klɛŋklɛŋ shitee lɛ mli lɛ ajɔɔ lɛ ni mɔ krɔŋkrɔŋ ji lɛ. Gbele ni ji enyɔ lɛ bɛ hewalɛ ko yɛ nakai mɛi lɛ anɔ; moŋ amɛaatsɔ̃mɔ Nyɔŋmɔ kɛ Kristo osɔfoi, ni amɛkɛ lɛ aaaye maŋtsɛ afii akpe.

Kpojiemɔ 22:5

Ni nyɔɔŋ bɛ jɛi, ni kane la loo hulu la he ehiaŋ amɛ, ejaakɛ Nuŋtsɔ Nyɔŋmɔ lɛ aaatso ahã amɛ, ni amɛaaye maŋtsɛ kɛaatee naanɔi anaanɔ.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 4:4

Ni maŋtsɛ sɛ̃i lɛ he lɛ maŋtsɛ sɛ̃ii nyɔŋmai enyɔ kɛ ejwɛ mamɔ shi kɛkpe, ni onukpai nyɔŋmai enyɔ kɛ ejwɛ tara sɛ̃ii lɛ anɔ; amɛwo atadei yɛji, ni shika akekrei fimɔ amɛyitsei.

Kpojiemɔ 6:9

Ni be ni etse naasɔomɔ ni ji enumɔ lɛ, mina mɛi ni agbe yɛ Nyɔŋmɔ wiemɔ lɛ kɛ odase ni amɛye lɛ hewɔ lɛ asusumai yɛ afɔleshãa latɛ lɛ shishi.

Kpojiemɔ 7:3

akɛ, “Nyɛkafea shikpɔŋ lɛ loo ŋshɔ lɛ loo tsei lɛ efɔŋ ko kɛyashi beyinɔ ni wɔkɛ naasɔomɔnɔ aaakadi wɔNyɔŋmɔ lɛ tsuji lɛ ahiɛŋtsei anɔ dã.”