Kpojiemɔ 20:2 - ŊMALƐ KRƆŊKRƆŊ LƐ

² Ni emɔ drako lɛ, blema onufu lɛ ni ji abonsam kɛ Satan hu lɛ, ni efi lɛ afii akpe,

Ṅmãle̱ Kroṅkroṅ Le̱

² Ni emo *drako le̱, blema onũfũ le̱ ní dši diabolo (abonsam) ke̱ satan le̱, ni efĩle̱ afii akpe, *12,9.

Kpojiemɔ 20:2 ပူးပေါင်းရင်းမြစ်များ

1 Mose 3:1

Onufu ji kooloo ko ni le ŋaa fe kooloi fɛɛ ni Nuŋtsɔ Nyɔŋmɔ bɔ lɛ. Ebi yoo lɛ akɛ, “Lɛɛlɛŋ akɛ Nyɔŋmɔ kɛɛ akɛ trom lɛ mli tsei ayibii lɛ fɛɛ lɛ nyɛkaye lɛ?”

1 Mose 3:15

Mikɛ nyɛɛ aaaŋmɛ bo kɛ yoo lɛ teŋ, kɛ oshwiei kɛ eshwiei ateŋ. Eshwiei aaatswa oyitso nɔ, ni bo hu oshwiei aaakɔ̃ enane tsitsi.”

Hiob 1:7

Nyɔŋmɔ bi Abonsam akɛ, “Nɛgbɛ ojɛ obaa nɛɛ?” Abonsam to he akɛ, “Mijɛ shikpɔŋ lɛ nɔ shikpaa kɛ shisharamɔ yɛ nɔ.”

Yesaia 24:22

Abaabua amɛ fɛɛ amɛnaa awo bu ko mli tamɔ gboklɛfoi. Abaaŋa amɛyi awo gboklɛfoi atsu ko mli, ni be kplaŋŋ sɛɛ lɛ, abaagbala amɛtoi.

Yesaia 27:1

Nakai gbi lɛ nɔ lɛ, Yehowa kɛ klante agbo ni naa ba ni wa hu baabamɔ Leviatan, onufu lɔgɔligi lɛ, ni eeegbe ogboole ni yɔɔ ŋshɔ lɛ mli lɛ.

Ezekiel 47:5

Esusu nu lɛ mlikwɔlɛ, ni efee ninetalɔi akpe, ni nu lɛ tsɔ̃ faa ni minyɛɛɛ mafo. Ejaakɛ nu lɛ mli kwɔ ni etsɔ̃ faa ni anyɛɛɛ afo, shi seremɔ asereɔ kɛfoɔ.

Mateo 19:29

Ni mɔ fɛɛ mɔ ni eshi shĩai loo nyɛmimɛi hii loo nyɛmimɛi yei loo tsɛ loo nyɛ loo ŋa loo bii loo shikpɔji yɛ migbɛi lɛ hewɔ lɛ, aaato lɛ najiaŋ toi oha, ni eeena naanɔ wala.

Mateo 8:29

Ni naa, amɛbolɔ amɛkɛɛ, “Mɛɛ sane wɔkɛ bo yɔɔ, bo Yesu Nyɔŋmɔ Bi lɛ? Ani oba biɛ ni obawo wɔ hejaramɔ dani be lɛ ashɛ?”

Marko 4:15

Gbɛtoi bii lɛ ji mɛi ni nuɔ wiemɔ lɛ, shi amrɔ nɔŋŋ ni Satan baa ebasharaa wiemɔ ni adu yɛ amɛtsuiiaŋ lɛ.

Marko 5:7

ni ebo kɛ gbee ni wa ekɛɛ, “Yesu, Nyɔŋmɔ ni yɔɔ ŋwɛi shɔŋŋ lɛ Bi, mɛni sane mikɛ bo yɔɔ? Mina Nyɔŋmɔ akɛ kaapiŋ mi!”

Yohane 12:31

Agbɛnɛ je nɛɛŋ kojomɔ lɛ eshɛ; agbɛnɛ abaafã je nɛɛŋ lumɔ lɛ ashɛ afɔ̃.

Yohane 16:11

eeekã je lɛ yɛ kojomɔ he, ejaakɛ akojo je nɛɛŋ lumɔ lɛ momo.

Romabii 16:20

Shi etsɛŋ ni hejɔlɛ Nyɔŋmɔ lɛ aaanaanaa Satan nɔ kwraa yɛ nyɛnajiashi. WɔNuŋtsɔ Yesu Kristo dromɔ lɛ kɛ nyɛ ahi shi.

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

1 Petro 5:8

Nyɛhiɛ akãa shi, nyɛsaraa ejaakɛ nyɛhenyɛlɔ, abonsam lɛ, nyiɛ tamɔ jata ni huɔ eetao mɔ ko emi.

2 Petro 2:4

Ejaakɛ kɛji Nyɔŋmɔ kɛ bɔfoi ni fee esha lɛ ahe ekeee amɛ, shi moŋ etsi amɛ ewo gbohiiaje bu kɛ emli duŋ lɛ mli, ni eŋɔ amɛ ehã akɛ akɛ amɛ ato ahã kojomɔ,

Yuda 1:6

Ni ŋwɛi bɔfoi hu ni ehiɛɛɛ amɛnukpayeli lɛ mli, shi moŋ amɛshi amɛ diɛŋtsɛ amɛshihilɛhe lɛ, ekɛ naanɔ kpãi efimɔ amɛ eto duŋ kpii mli ehã Gbi Wulu lɛ nɔ kojomɔ lɛ.

Kpojiemɔ 12:13

Ni be ni drako lɛ na akɛ ashɛ lɛ afɔ̃ shikpɔŋ lɛ, etiu yoo lɛ ni fɔ binuu lɛ.

Kpojiemɔ 12:15

Ni onufu lɛ fɛ̃ nu ni tamɔ faa ko kɛjɛ edaaŋ eshwie yoo lɛ sɛɛ, koni nu lɛ asha lɛ kɛya.

Kpojiemɔ 12:17

Kɛkɛ ni drako lɛ mli fu yoo lɛ, ni eyiŋ etee ni ekɛ yoo lɛ shwiei ni eshwɛ ni yeɔ Nyɔŋmɔ kitãi lɛ anɔ ni amɛhiɛ Yesu Kristo odase lɛ mli lɛ ayawu.

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 12:4

Ni elei miigbala ŋwɛi ŋulamii amlijai etɛ̃ mli ekome; ni etsirɛ amɛ eshwie shikpɔŋ lɛ nɔ. Ni drako lɛ badamɔ yoo ni baafɔ lɛ hiɛ, koni kɛ efɔ lɛ, ni emi ebi lɛ.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:2

Ni kooloo lɛ ni mina lɛ tamɔ mlaŋtswi, ni enaji tamɔ oshishibrishi naji, ni enaabu tamɔ jata naabu. Ni drako lɛ kɛ lɛ diɛŋtsɛ ehewalɛ lɛ kɛ emaŋtsɛ sɛ̃i lɛ kɛ hegbɛ kpeteŋkple hã lɛ.

Kpojiemɔ 13:4

ni amɛja drako lɛ, ejaakɛ ekɛ hegbɛ lɛ ehã kooloo lɛ, ni amɛja kooloo lɛ hu amɛkɛɛ, “Namɔ tamɔ kooloo lɛ, ni namɔ aaanyɛ ekɛ lɛ awu?”

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:7

Ni kɛji agbe afii akpe lɛ naa lɛ, aaafɛne Satan kɛaajɛ tsu lɛ mli,

Kpojiemɔ 9:11

Ni amɛnɔ maŋtsɛ ji bu kwɔŋkwɔŋ lɛ bɔfo lɛ, ni atsɛɔ egbɛi yɛ Hebri wiemɔ lɛ mli akɛ Abadon, ni Hela wiemɔ lɛ mli lɛ atsɛɔ egbɛi akɛ Apolion.