Kpojiemɔ 20:15 - ŊMALƐ KRƆŊKRƆŊ LƐ

¹⁵ Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Ṅmãle̱ Kroṅkroṅ Le̱

¹⁵ Ni ke̱ moko ye̱ ní anaa ake aṅmã egbe̱i ye̱ wala-wolo le̱ mli le̱, ašé̱o̱le̱ afõo̱ *la kpākpo le̱ mli. *19,20. Mat. 25,41.

Kpojiemɔ 20:15 ပူးပေါင်းရင်းမြစ်များ

Lalai 69:28

Hã agbe amɛgbɛii yɛ wala wolo lɛ mli; akaŋmala amɛgbɛii ashi jalɔi anɔ nɔ.

Mateo 13:42

ni amɛkɛ amɛaawo la flɔnɔɔ lɛ mli; jɛi yaafo kɛ nyanyɔji ashishikpemɔ aaahi.

Mateo 13:50

ni amɛkɛ amɛ aaawo la flɔnɔɔ lɛ mli. Jɛi yaafo kɛ nyanyɔji ashishikpemɔ aaahi.”

Mateo 25:41

“Kɛkɛ lɛ eeekɛɛ mɛi ni yɔɔ ebɛku nɔ lɛ hu akɛ, ‘Nyɛjea minɔ, nyɛ mɛi ni alomɔ nyɛ, nyɛyaa naanɔ la lɛ ni asaa ato abonsam kɛ ebɔfoi lɛ mli!

Marko 16:16

Mɔ ni heɔ yeɔ ni aaabaptisi lɛ lɛ, aaahere eyiwala, shi mɔ ni heee yeee lɛ, aaabu lɛ fɔ.

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Yohane 14:6

Yesu kɛɛ lɛ akɛ, “Mi ji gbɛ lɛ kɛ anɔkwale lɛ kɛ wala lɛ; mɔ ko baaa Tsɛ lɛ ŋɔɔ, akɛ ja etsɔ̃ minɔ.

Yohane 3:36

Mɔ ni heɔ Bi lɛ nɔ eyeɔ lɛ, eyɛ naanɔ wala; shi mɔ ni booo Bi lɛ toi lɛ, enaŋ wala; shi moŋ Nyɔŋmɔ mlifu hiɔ enɔ.

Bɔfoi 4:12

Ejaakɛ yiwalaheremɔ bɛ mɔ kroko mli; ni asaŋ gbɛi kroko hu bɛ ŋwɛi shishi ni akɛhã gbɔmɛi ni sa akɛ atsɔ̃ nɔ ahere wɔyiwala.”

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

Hebribii 2:3

te wɔ lɛ wɔbaafee tɛŋŋ wɔjo nyɔmɔwoo naa foi hu, kɛji wɔbuuu nɛkɛ yiwalaheremɔ kpeteŋkple nɛɛ lɛ? Nuŋtsɔ lɛ tsutsu wie he, ni mɛi ni nu lɛ hu ma nɔ mí amɛhã wɔ,

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

Kpojiemɔ 20:10

Ni abonsam lɛ ni shishiuɔ amɛ lɛ, ashɛ lɛ afɔ̃ la kɛ swɔɔ kpaakpo lɛ mli, he ni kooloo lɛ kɛ amale gbalɔ lɛ hu yɔɔ lɛ, ni aaapiŋ amɛ nyɔɔŋ kɛ shwane kɛaatee naanɔi anaanɔ.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:14

Ni gbele kɛ gbohiiaje lɛ, ashɛrɛ amɛ ashwie la kpaakpo lɛ mli. Enɛ ji gbele ni ji enyɔ lɛ.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.